Søk i nettsamfunnet

Iver Olson (1806-1862) og Lisbeth Andersdotter (1805-1861), husmannsfolk på plassen Folefoss under garden Trøgstad i Norderhov, fekk i alt fem søner, som eg etter kvart har greidd gjera rede for (ein av dei var oldebesten min), men dei hadde òg tre døtrer, som eg ikkje har greidd finna att. Eg mistenker i alle fall to av dei for å ha utvandra til Amerika: * Maren Karine Iversdotter, fødd i Norderhov 8.7.1835 - ser eg ikkje noko meir til * Anna Marie Iversdotter, fødd i Norderhov 26.4.1838 - kan det vera denne i Hole 1900: https://www.digitalarkivet.no/census/person/pf01037109000961 * Johanna Iversdotter, fødd i Norderhov 2.3.1845 - nemnd som faddar i Christiania i 1877, truleg denne: https://www.digitalarkivet.no/census/person/pf01052055032098 Det hadde vore svært so kjekt å fått greie på kvar det vart av desse grandtantene mine, og eg takkar so mykje på førehand for alle gode tips!

Eg freistar finna det agnatiske opphavet til mor mi, og i von om at ein eller annan har gjort ein DNA-analyse ser det ut til at den næraste greini, er mannlege etterkomarar etter: Stener Olson (Folefoss) SVARVERUD, snikkar og gardbrukar på Svarverud i Norderhov, fødd på Gol 27.9.1857, men oppvaksen på plassen Folefoss under Trøgstad i Norderhov, gifte seg i Norderhov 26.2.1884 med Karen Marie Knutsdotter (Svarverud), fødd i Norderhov 7.3.1856. Stener var snikkar, og han og Karen tok over som gardbrukarar på Svarverud. Eg kjenner til desse borni etter dei: * Knut Oluf Stenerson Svarverud, f. Norderhov 9.12.1884 * Karen Birgitte Stenersdotter Svarverud, f. Norderhov 23.2.1887 * Iver Olaus Stenerson Svarverud, f. Norderhov 8.8.1889 - døydde 20.7.1975 og ligg gravlagd på Norderhov kyrkjegard! * Anna Hansine Stenersdotter Svarverud, f. Norderhov 5.2.1891 * Karl Sverre Stenerson Svarverud, f. Norderhov 9.1.1895 Her er huslyden i FT1891: https://www.digitalarkivet.no/census/person/pf01052782001075 Her er huslyden i FT1900: https://www.digitalarkivet.no/census/person/pf01037110001118 Her er huslyden i FT1910: https://www.digitalarkivet.no/census/person/pf01036462000064 No vonar eg det let seg gjera finna nolevande søner eller sønesøner etter Knut Oluf, Iver Olaus og/eller Karl Sverre Svarverud som kan ha teke ein DNA-test, og eg takkar so mykje på førehand for alle gode tips!