Search the Community

Eg har motteke eit spørsmål som eg ikkje er i stand til å finna svar på, men eg reknar med det sit kompetanse i Brukarforum som kan hjelpa: I det gamle våpenhuset attmed Gaupne gamle kyrkje finn me ei gamal «sponsor-tavle» som seier at Geble Augmundssøn Røneyd let byggja denne kyrkja i 1647! På garden Rønnei i Luster har eg ikkje registrert nokon slik person, so dersom han var innom der, kan det ikkje ha vore særleg lenge... Men dette namnet er so spesielt at kanskje nokon dreg kjensel på det frå andre kjelder? Eg takkar so mykje på førehand for alle gode tips!

Utgongspunktet for denne kjempeutfordringi er skiftet som 23. og 24.1.1753 vart halde på garden Svangstu lille i Gaupne sokn i Luster etter kona Britha Johnsdotter (1685-1753): https://media.digitalarkivet.no/view/24138/69?indexing= Britha døydde barnlaus, og ho let etter seg ein bror Baard og tre søstrer, Synneva, Eli (som var avlidi før), alle busette i Luster, og: * Anna Johnsdotter, som me trur må ha vore fødd på plassen Tvingeborg under Sandvik i Gaupne kring 1692, står det følgjande om på linje 13 i ovannemnde skifte: «Anna Joensdatter som er i Enkestand og boende i Sundfiord» Kvar i Sunnfjord denne Anna kan ha butt, har eg ingen tankar om, men det mest sannsynlege vil vel vera Kinn prestegjeld? Faren heitte John Olson, medan namnet til mori er ukjent. Eg takkar so mykje på førehand for alle gode tips om lagnaden hennar!