Søk i nettsamfunnet

Dette emnet tek utgongspunkt i følgjande tema: https://forum.arkivverket.no/topic/194513-sersjant-og-gardbrukar-christian-hansson-schnell-i-luster-1691-1758-huslyden-hans-i-bergen-og-andre-stader/ der denne problemstillingi har vore oppe, men utan at det er komme noko resultat: Tørres J. Schnell, fødd i Bergen, løyste 21.7.1795 borgarskap i Bergen som hattemakarmeistar: http://da3.arkivverket.no/cgi-win/WebBok.exe?slag=lesside&bokid=bergensbbok&sideid=88&innhaldid=5&storleik= Den same Tørris Johan Schnell gifte seg i Domkyrkja i Bergen 11.8.1793: https://www.digitalarkivet.no/view/327/pv00000000994734 med Kirstine Malene, kjend som Stine Christansdotter Watlov frå Bergen, døypt i Bergen 22.5.1744. Som det kjem fram av hovudemnet, var det to søskenborn med same namn: * Tørris Johan Schnell, døypt i Bergen 10.1.1759 som son av bakarmeistar Hans Henrik Christianson Schnell og Ellen Tørrisdotter * Tørris Johan Schnell, døypt i Bergen 22.6.1766 som son av vektar Dominicus Christianson Schnell og Inga Pedersdotter Den første av desse vart konfirmert i Domkyrkja i 1774: https://www.digitalarkivet.no/view/279/pk00000000437732 No var Stine so pass «vaksi» ved vigsli (49 år), so me kan vel ikkje venta at ho fekk born, men i Domkyrkja er ein son av Tørris Schnell gravlagd 12.7.1799, 2 år gamal, utan at eg finn noko namn på guten eller dåpshandlingi hans: https://media.digitalarkivet.no/view/8639/159 Uansett kven av dei to søskenborni som vart hattemakareistar, so er han borte frå Bergen før 1801, og eg har so langt ikkje greidd å finna dei att i andre kjelder. Er eg vorten heilt blind, eller...? Eg takkar so mykje på førehand for alle gode tips!