Search the Community

Som oppsitjar på garden Kroken indre i Luster er i 1563 nemnd ein Peder Gyldenbusk, og når eg freistar googla dette namnet, kjem det opp ymse referansar under kryptovaluta(!) der det vert sagt at Peder skal ha vore gift med Karen Johansdotter Kruckow, den truleg yngste dotteri etter riksråden Johan Kruckow. Me veit frå før at Karen var i live då det i 1539 vart halde skifte etter far hennar, men lagnaden hennar er elles ukjend. Er det nokon i Brukarforum som har høyrt gjete denne Peder Gyldenbusk og huslyden hans? Eg takkar so mykje på førehand for alle gode tips!

Dette emnet er henta ut frå eit større emne om Teiste-ætti: https://forum.arkivverket.no/topic/171242-teiste-ætti-på-kroken-i-hafslo-1500-1600-talet-hjelp-til-korrekte-opplysningar/ Lensherre John Teiste døydde på Kroken i Hafslo kring 1555. Enkja Anna Kruckow gifte seg kort tid etter att med: Anders Nilsson Tornekrans, visstnok fødd i Danmark kring 1525(?) og avliden på Kroken kring 1594. Ein stad har eg sett Anders nemnd som skrivar (sorenskrivar?), men elles veit me ikkje noko om denne mannen! Eg står fast på følgjande utfordringar: * Kvar hadde Anders Nilsson Tornekrans opphavet sitt ifrå - foreldre og fødestad? * Stemmer det at Anders var sorenskrivar, eller kva yrke hadde han? Eg takkar so mykje på førehand for alle gode tips om denne so «anonyme» mannen!