Søk i nettsamfunnet

Etter stor success med dei to Cedergren-søstrene frå Högsby i Sverige vil eg no gjerne ta opp til drøfting lagnaden til Selma Cedergren og mann hennar frå Luster, Hans «Henry» Andersson frå plassen Ytreland under Hærum. Eg har greidd å fylla ut det aller meste om denne huslyden, men særleg sonen Theodore med alle ekteskapi sine skapar vanskar for meg, og eg greier ikkje finna vigsli til dotteri Maude og mannen James Hooser! Og dotteri Blanche er bokstaveleg talt «sokke i jordi»... No vonar eg at kanskje nokon kan hjelpa meg fylla eitt og anna hòl? Og kanskje nokon greier finna obituaries for Hans «Henry» og svigersonen James Hooser, samt sonen Theodore? Her følgjer eit oppdatert manuskript for denne huslyden: ~~~~~~~~~~~~~~~ NB: Etter fleire nye interessante innlegg er dette manuskriptet no erstatta av eit nytt i innlegg #10 under: Eg takkar so mykje på førehand for alle gode tips!

På husmannsplassen Yttreland under garden Hærum i Luster voks det opp ein søskenflokk på to søstrer og seks brør. Ei av søstrene vart att i Noreg, og gjennom ein av eterkomarane hennar fekk eg på 1970-talet god innsikt i denne huslyden som heller var av det «eventyrlege» slaget. Hi søsteri gifte seg i Luster, men utvandra med mann sin til Vernon Co., WI og budde der levetidi ut. Men so var det dei seks brørne!!! Tre av dei, Daniel (1847-1917), Christopher (1852-1933) og Hans (1855-1945) Anderson utvandra alle til Russell Co., KS der dei gifte seg og stifta til dels store huslydar! Men so var det dei tre andre brørne... Her er kva eg har samla om dei: ~~~~~~~~~~~~~~ 4. Anders Andersson, f. 15.1.1850, Andrew Anderson utvandra til Amerika ##### (year of his emigration? - about 1870?) og budde visstnok ei tid i Wisconsin. ##### (to be verified?) I 1890-åri reiste so Andrew i lag med broren Arne til Alaska i samband med «gullrushet», og der skal Andrew ha sett livet til ved eit ulukkeshende. ##### (details on this? - date and place of his death?) Han var ugift. ##### (to be verified?) 7. Nils Andersson, f. 29.6.1859, Nels Anderson utvandra til Amerika i 1883 og ##### (early life in America?) men reiste so til Utah ##### (occuption?) men sette livet til då han drukna i ei elv ##### (details on this? - date and place of his death?) Han var ugift. ##### (to be verified?) 8. Arne Andersson, f. 8.3.1862, Arne N. Anderson utvandra til Amerika i lag med broren Nels i 1883 og ##### (early life in America?) men reiste på 1890-talet til Alaska i samband med «gullrushet» der. Han flytte sidan til Ponca City, Kay Co., Okla. der han sidan farma. Han var heime til Noreg på vitjing i 1914, men budde elles levetidi ut i Ponca City, Okla. der han d. ugift 20.5.1948. ~~~~~~~~~~~~~~ Den yngste av desse, Arne N. Anderson, var den store «helten» i denne flokken. «Yttrelands-halten», som dei kalla han, etter at han i ungdomen skadde seg under geitesanking i Luster og vart halt, skal ifølgje tradisjonen ha vore ein av svært få som verkeleg vart skikkeleg rik av gullgravingi i Alaska. Då han var ferdig der, flytte han til Kay Co., OK der han kjøpte land og der dei få år etter fann olje, og rikdomen berre auka på! Han var heime i 1914, og barnebarnet til eldste søsteri hans, som den gongen var 14 år gamal, fortalte meg på 1970-talet at det var ein svært staseleg kar som kom. Han vitja mellom anna frimurarlosjen i Bergen. Då Arne døydde ugift i 1948, kom det til strid. To advokatar freista tiltvinga seg heile formuen hans, og saki varte i fleire år. Sakførarane vart omsider sette «bak lås og slå», og formuen, det som var att av den, vart fordelt på mange nevøar og niesar. Dei opplysningane som eg har om brørne Andrew og Nels, kom fram ved dette arveoppgjeret, og eg forstod det slik at dei båe var ugifte, eller om dei var gifte, hadde dei ingen born etter seg! Men er det i det heile mogeleg å finna ut noko meir om lagnadane til desse brørne. Det hadde vore kjempeflott om det gjekk an, og eg takkar so mykje på førehand for alle gode tips!