Søk i nettsamfunnet

Anders Olson Søvde, òg kjend som «Lavold-Anders», frå garden Feigum i Luster, vart døypt i Luster 25.9.1791 og gifte seg i Luster 2.11.1815 med Gjertrud Johannesdotter Kleivi (Søvde), døypt i Luster 2.3.1793. Etter fleire år som gardbrukarar på Feigum laut dei i 1821 flytta frå garden. Dei pakta nokre år eit bruk på garden Råum i Luster, men flytte kring 1828 til ein plass under garden Lavoll i Luster. Men dei hadde vanskar med å brøfø ein stor huslyd, og i 1834 vart både Anders og Gjertrud dømde for tjuveri og hamna på straff i Bergen. På same tidi flytte huslyden til plassen Skildeimskleivi under Søvde i Luster, men soga var ikkje over med dette. Anders måtte snart til Bergen att for å sona straff for nye tjuveri, og kring 1842 fekk han siste domen som sendte han til livsvarig fengsel på Akershus festning der han døydde 15.4.1846. Gjertrud døydde som legdelem i Luster 6.5.1854. Dei har ei kjempestor etterslekt! No er spørsmålet: Er det nokon som kan hjelpa meg finna fram til saksdokument som gjeld dei tre sakene mot Anders Olson? Dei ligg sikkert lagra hjå Statsarkivet i Bergen, men er det mogeleg å finna dei? Finst noko av dette online? Eg takkar so mykje på førehand for alle gode tips!

Johannes Trondson vart døypt i Luster 24.6.1747 som eldste son av Trond Johannesson ((1717-1777) og kona Ingeborg Knutsdotter (1718-1793), gardbrukarar på Søvde i Dale sokn, Luster. Han var tidleg i 1770-åri tenestedreng hjå Hans Lem på Lærdalsøyri i Lærdal, men då faren døydde i 1777 fekk Johannes ta over heimebruket på Søvde. Han dreiv garden, truleg som ungkar, til han i 1780 let garden til broren Knut og sjølv forsvinn frå bygdi! Eg ser av Digitalarkivet fleire alternativ, men dette er kanskje det beste: * Buksnes 1801: https://www.digitalarkivet.no/census/person/pf01058483000290 Det hadde vore kjempegildt om lagnaden til Johannes Trondson kunne finnast, og eg takkar so mykje på førehand for alle gode tips!