Søk i nettsamfunnet

Eg syner til denne datafili frå WW1 draft records dagsett 12.9.1918: https://www.familysearch.org/ark:/61903/3:1:33SQ-G1W2-9WVM Dette «soldatemnet» med namn Ola Kristian Sandwick (sjølv har han signert med Sandvick) med adresse Apex Fish company, Anacortes, Skagit Co., WA, vert oppgjeven fødd 9.9.1885. Det er ikkje oppgjeve fødestad, men han er «citizen of Norway», so han må vera fødd i Noreg! Yrket hans er «fish buyer», og som næraste pårørande les eg Reura Sandwick på same adresse! Kven kan denne karen ha vore? Eg saknar ein person med svært like personalia: Ole Olson Sandvick, fødd i Luster 23.8.1885, utvandra same hausten med foreldri sine, Ole Aamundson Sandvick (1843-1926) og kona Ingeborg «Emma» Larsdotter (1840-188?), til DeForest, Dane Co., WI, men mori døydde kort etter dei kom fram, og Ole Aamundson sat att med seks morlause born under 20 år - Ole Olson var den yngste. Det me veit om denne Ole Olson (kjelda mi frå 1980-talet var ei svigerdotter etter halvsøsteri Ingeborg Johannesdotter, som mori hadde frå før), var at Ole Olson «stakk av» heimefrå i svært ung alder (før 1900!), og dei høyrde aldri meir gjete han! Kan han ha teke seg til Washingon eller eventuelt Canada/Alaska for so å vera attendekomen til Anacortes, WA?? Eg finn ikkje denne Ola Kristian Sandwick/Sandvick att i nokon andre kjelder i Amerika! Eg takkar so mykje på førehand for alle gode tips!