Søk i nettsamfunnet

Dette er ei kjempeutfordring som eg har jobba med i mange år, men utan resultat! Kanskje kan ein eller annan hjelpa meg vidare? Iver Erikson Skophammer, truleg fødd i Luster eller i Hafslo kring 1702, fekk først ein «uekte» son: * Erik, døypt i Hafslo 2.6.1726 - mor ukjend - lagnad ukjend! - fadrar: Bendik og Nils Jordanger, Paul Jordangers qv. So gifte han seg kring 1729 - dato og stad ukjende - kona ukjend - truleg gifte i Luster (der kyrkjebøker manglar - bøkene for Hafslo, Sogndal og Lærdal/Årdal ligg alle føre!) * Martha, døypt i Hafslo 7.11.1730 - fadrar: Johannes Skothellen, Jens Mosevig, Lars Brekkes qv - Martha gifte seg i Hafslo våren 1755 ned enkjemannen John Johannesson - dei flytte kring 1760 til Offerdalen i Årdal og kring 1763 vidare til Bergen! * Hermund, døypt i Hafslo 10.7.1735 - fadrar: Johannes Bjørnethun, Johannes Hermundson Jordanger, Hans Jensson Grovs qv - Hermund flytte truleg til Bergen kring 1760, men kom attende og gifte seg i Hafslo 2.7.1765 med ei Britha Pedersdotter, fødd kring 1729 - budde sidan i 6. rode nr. 37 i Nykyrkjesokni i Bergen! * Erik, døypt i Hafslo 12.1.1838 - fadrar: Jørgen Urnes, Torbjørn Mosengen, Asbjørn Sviggums qv - Erik vart konfirmert i Hafslo i 1758 - flytte kring 1760 til Bergen og vart gift der - budde visstnok i 1. rode i Nykyrkjesokni i Bergen! * Anders, døypt i Hafslo 4.9.1740 - fadrar: Ingebrigt Alme, Erik Bjørknes, Lars Samsonson Urnes - Anders vart IKKJE konfirmert i Hafslo - flytte kring 1760 til Bergen og vart gift der (men kona hans kom frå Hafslo!) - budde i 4. rode 28 i Nykyrkjesokni i Bergen! * Johanna, døypt i Hafslo 26.3.1744 - fadrar: Peder Johannesson Bjørnethun, Halvor Vaagen, Paul Dahlens qv - Johanna vart IKKJE konfirmert i Hafslo - flytte truleg kring 1760 til Bergen og vart gift der - budde i 4. rode 45 i Nykyrkjesokni i Bergen! * Ragnhild, døypt i Hafslo 15.2.1750 - fadrar: Halvor Urnes, Aanund Urnes, Maren Eikum, Ingeborg Vedvig - Ragnhild vart IKKJE konfirmert i Hafslo - flytte truleg kring 1760 til Bergen og vart gift der - budde i Nykyrkjesokni i Bergen! Det er fleire påfallande trekk ved denne huslyden, særleg følgjande: ** Foreldri og alle dei seks «ektefødde» borni ser ut til å vera flytte frå Hafslo kring 1760, Martha som gift via Årdal. ** Ingen av dei er å sjå i Ekstraskattmanntalet frå 1762, korkje i Hafslo eller i Årdal (med unnatak av Martha). ** Ingen born er konfirmerte i Hafslo etter 1758. Konfirmantane i Nykyrkjesokni i Bergen manglar fram til 1770, so me kan ikkje få kontrollert om dei alt då var komne til Bergen, men mykje talar for at so var tilfelle, og eg spekulerer svært på om ikkje dette kan vera gravferdi til «vår» Iver Eriksen i Nykyrkjesokni i Bergen 27.4.1762: https://media.digitalarkivet.no/view/8722/5 *** Kan ekstraskatten for Bergen hjelpa oss vidare? *** Eller finst det andre skattelister? *** Finst det eit skifte etter denne Iver Eriksen? Eg takkar so mykje på førehand for alle gode tips!

Dette er ei anna utfordrande gåte som eg har jobba med i mange år, og som eg berre står heilt «bom fast» på. Kan nokon hjelpa meg vidare? Eg attgjev frå manuskriptet mitt: Ragnhild Iversdotter {Skophammer}, døypt {i Hafslo} 15.2.1750, Ragnhild Iversdotter er truleg identisk med den Ragnhild Marie Iversdotter som 26.12.1779 gifte seg i Nykyrkja i Bergen med Jan Hansson Dahl ¤¤¤¤¤ (kven var han? – han 59 år i 1804 – ho var 56 år i 1798!) Jan Dahl var skomakarsvein, og parfolket budde visstnok i Nordnesgaten i Bergen ¤¤¤¤¤ (sjekka dette – sjå konfirmasjonen til Herman! – 1778 i 3. rode 48) der Ragnhild vart gravlagd 5.9.1798. Jan er truleg identisk med den Jan Dahl som sidan sat på tukthuset i Bergen og vart gravlagd derifrå 19.4.1804. Dei fekk ikkje born i lag, men Ragnhild hadde tre born frå før: a. Anna Cathrine Jacobine Johan(nes)dotter Meyer, dotter av Ragnhild og korp0ral Johan(nes) Meyer, vart døypt i Bergen 14.7.1771, men vart gravlagd i Bergen 6.4.1778. b. Johanna Nicoline Marie Johan(nes)dotter Meyer, likeins dotter av Ragnhild og korporal Johan(nes) Meyer, vart døypt i Bergen 29.8.1773, ¤¤¤¤¤ (ikkje konf. i Nykyrkja – lagnaden hennar?) c. Herman Pettersen, son av Ragnhild og «bortreist matros» Hans Christian Walter, vart døypt i Bergen 11.5.1777, ¤¤¤¤¤ (konf. NK 1795 – 16 år – hjå «stivfaderen Herman Dahl på M.B.» – lagnaden hans?) Eg takkar so mykje på førehand for alle gode tips!