Søk i nettsamfunnet

Dette er ei utfordring som eg har slite med i mange år, men som kanskje no kan få ei løysing? Finst det nokon med lokal kunnskap frå Grue, eventuelt med tilgjenge til ei bygdebok? Ole Engebretson vart fødd i Grue 1.8.1842 som son av gardbrukar Engebret Andersson og kona Oleana Ingvaldsdotter: https://media.digitalarkivet.no/view/9156/99 Konfirmasjonen hans i 1857 gjev oss liknande opplysningar, foreldri gardbrukarar på Skyrud...: https://media.digitalarkivet.no/view/8877/222 Dei var framleis gardbrukarar på Skyrud då yngste dotteri Eli vart døypt i Grue 16.7.1848: https://media.digitalarkivet.no/view/8877/25 Ingebret Andersson, 28, og Oliana Ingvaldsdotter Skyrud, 19, gifte seg i Grue 12.10.1826: https://media.digitalarkivet.no/view/9154/219 FT1801 syner ein Engebret Andersson i Grue som kan høve på alderen, ein av to «uekte» søner av ei jente på Løvhaugen i Grue: https://www.digitalarkivet.no/census/person/pf01058241004380 Men FT1865 syner ein Ingebret Andersson som kårmann på ein plass Bakken under Næs i Grue, på same alder, men fødd i Odalen(!): http://www.rhd.uit.no/folketellinger/ftliste.aspx?ft=1865&knr=0423&kenr=012&bnr=0057&lnr=00 Dette er tydeleg to ulike Engebret'ar men kva for ein som budde på Skyrud og vart far til Ole i 1842, sjå det veit eg ikkje... Kanskje var det ikkje nokon av dei? Ole Engebretson stod brudgom i Fillmore Co., MN 18.2.1866 då han gifte seg med Gjertrud Christensdotter, fødd i Luster 25.8.1847. Dei farma i Preston township, Fillmore Co., MN der Ole døydde alt 22.12.1873. Han let etter seg enkja og fem små born! Men vigsli seier oss at Ole må ha utvandra seinast i 1865... Denne huslyden byr på følgjande utfordringar: ** Kva vart «endeleg» bustad til Engebret Andersson og Oleana Ingvaldsdotter - d.v.s. kvar voks Ole Engebretson opp? - sjå innlegg #4 ** Utvandringsåret til Ole Engebretson? - sjå innlegg #2 ** Frå kva gard/plass hadde Engebret Andersson opphavet sitt? ** Frå kva gard/plass hadde Oleana Ingvaldsdotter opphavet sitt? Eg takkar so mykje på førehand for alle gode tips!