Search the Community

I lensrekneskapane for 1646 [NRA, Rentekammeret, Bergenhus lensrekneskapar, pk. 108, legg 1, Rossteneste mikjelsmesse og jul 1646, Sunnfjord] finn me følgjande: Dale schibred [...] Laurids Nielsenn Ousen, vdj Sletteland vdj Dale sogen, smør ij løb, wdj Sande i Sandesogen, smør 1/2 løb. wdj Tunevold samme steds smør j Pund. [...] Denne Lars Nilsson synest vera avliden kring 1649, for deretter står enkja hans oppført som eigar, og noko seinare kjem Christen Nilsson som har 2 laup 2 pund smør på vegner av «hans salige broders børn». Det står ikkje at Christen Nilsson budde på Fuhr i Luster, men Christen Fuhr vert sidan nemnd som formyndar for brordotteri Karen Larsdotter i Bergen. I 1693 (etter Christen var avliden) vert desse tre karane nemnde som «nære paarørende» til Karen: * Peder Nilsson Hjermann (1640-1709) - var son av dansken Nils Nilsson Hjermann og Bertha Andersdotter Fuhr (dotter av Anders Larsson) * Mads Sørenson Dalsøren (1618-1697) - var son av Søren Larsson Talle og den ukjende kona Anna Madsdotter * Peder Monson Eide (1632-1694) - var son av Mons Antoniusson på Eide og kona Karen Johansdotter (Teiste), men første kona hans Peder, Susanna Henriksdotter Eilers, var dotter av NN Andersdotter Fuhr (dotter av Anders Larsson). Den einaste «fellesnemnaren» eg kan sjå i denne huslyden, er sambandet til dei to brørne, Søren og Anders Larssøner - som i «populærlitteraturen» har fått ættenamnet «Heiberg». Kan Lars Nilsson eller kona hans vera av same ætti?? Eg vonar at nokon med lokal kunnskap i Gaular kan sjå på dette og kanskje komma med tips om kven Lars og Christen Nilssøner kan ha vore??