Søk i nettsamfunnet

Det er fleire ungdomar som berre «forsvinn» frå heimbygdi Luster ved midten av 1800-talet utan at me kan finna noki forklaring på dette. Ei av dei er: Gjertrud Olsdotter Sandvik eller Tandle, fødd i Luster 10.11.1839: https://media.digitalarkivet.no/view/11592/64 Foreldri var Ole Nilsson (1804-1862) og Mari Eriksdotter (1814-1862), plassfolk på Sandvikøyri under garden Tandle i Luster. Gjertrud vart konfirmert i Luster i 1856 etter to års førebuingar(?): https://media.digitalarkivet.no/view/8401/131 Men det er det siste me ser til ho! Gjertrud hadde berre to søsken som voks opp: * Elsa Olsdotter (1836-1922) utvandra til Amerika i 1861 i lag med Dyre Dyreson Prestegard (1831-1903), og dei dukkar opp i Buffalo Co., WI alt hausten same år då sonen Arne var fødd 1.11.1861. Vigsli deira har eg aldri finne... * Hans Olson (1856-1939), drøfta i Brukarforum under dette emnet: https://forum.arkivverket.no/topic/223214-hans-olson-sandvik-1856-frå-luster-og-andrea-berentine-einum-1869-frå-vardø-gifte-kring-1890-men-kvar-budde-kvar-til-amerika-i-1907-eit-underleg-parfolk/ Båe foreldri døydde i 1862, og me finn yngstemann Hans att i FT1865 som legdelem hjå ein nabo i Gaupne: http://www.rhd.uit.no/folketellinger/ftliste.aspx?ft=1865&knr=1426&kenr=010&bnr=0071&lnr=000 Alle gode tips om kvar det kan ha vorte av Gjertrud Olsdotter, vert mottekne med òpne armar!

Paul Alfson - son av Alf Paulson og Esther Pedersdotter - husmannsfolk på plassen Slottet under Tandle i Luster, var fødd i Luster kring 1778 og vart konfirmert i Luster i 1795: https://www.digitalarkivet.no/view/279/pk00000000458389 Han levde framleis i Luster i 1798, men er ikkje å sjå nokon stad i FT1801 eller i andre kjelder! Er det mogeleg å finna ut kvar det kan ha vorte av denne karen? Eg takkar so mykje på førehand for alle gode tips!