Søk i nettsamfunnet

Dette er ei kjempeutfordring som eg alt på 1980-talet nytta mykje tid og krefter på å freista løysa, men med dei ressursane som den gongen var tilgjengelege, kom eg ingen veg. Kanskje det i dag er lettare? Torkild Larsson vart døypt i Luster 11.8.1776 som einaste overlevande barnet etter Lars Torkildson (1744-1796) og kona Britha Johannesdotter (1739-1810), husmannsfolk på plassen Øygarden under garden Fuhr i Luster. Torkild vart konfirmert i Luster i 1791: https://www.digitalarkivet.no/view/279/pk00000000458191 og me har ei kjelde (som eg i augneblinken ikkje finn att) frå 1797 som seier han framleis var ilive då, men so forsvinn han som «dogg for soli»! Er det mogeleg å finna ut kvar denne unge mannen kan ha gjort av seg? Kan han ha vore soldat i svenskekrigen? Eg hugsar eg for ei tid attende var borti ein gamal Luster-soldat frå svenskekrigen som sidan sat fengsla i Fredrikstad, og som då han slepte ut, flytte til Kristiansand. Kva so med denne karen? Let det seg gjera å identifisera han: https://www.digitalarkivet.no/view/291/pu00000000155297 Eg takkar so mykje på førehand for alle gode tips!