Søk i nettsamfunnet

Johannes Olson var einaste sonen som levde opp etter omreisande hesteskjærar Ole Christopherson (1778-1824) og kona Dortha Marie Johannesdotter (1766-1823) på Slottet under Skildeim i Luster. Han flytte i ung alder til Hadsel, og der vart han etter kvart bonde på garden Vasvik. Han var gift to gongar og fekk i alt seks born. Andre kona hans var svigermor til Anders Andersson, ein av gutane som er omskrivne i dette emnet: https://forum.arkivverket.no/topic/203065-asbjørn-1831-torkild-1839-og-anders-1846-anderssøner-frå-sandvik-i-luster-til-nesna-og-bø-i-nordland-huslydane-deira/ Eg jobba ein del med denne huslyden alt på 1980-talet, men manglande tilgong på kjelder gjorde ei grundig forsking vanskeleg. Med moderne hjelpemiddel er det no vorte betre, men framleis står eg fast på ein del lokale utfordringar, særleg i Vesterålen, og eg vonar no det er mogeleg å få lite vetta eksperthjelp til å komma vidare? Her følgjar et oppdatert manuskript: ~~~~~~~~~~~~~~~~ NB: Etter nye fine opplysningar er dette manuskriptet no erstatta av eit nytt i innlegg #4 under! Den største utfordringi i denne huslyden er truleg å finna lagnaden til Johan Lykke Johannesson, fødd i Hadsel i 1836! Kvar kan han gøyma seg? Eg takkar so mykje på førehand for alle gode tips til å komplettera denne biografien!