Søk i nettsamfunnet

Ein 85 år gamal kjenning av meg i Florida kom i dag med ei spennande oppdaging! Han har i mange år vore på leiting etter opplysningar om bestemori Theoline Olson Norris, fødd i Minnesota i august 1868: https://www.familysearch.org/ark:/61903/3:1:S3HT-68DP-4X?i=34&cc=1325221 Dødsattesten hennar frå Alameda Co., CA syner at ho var fødd 18.8.1869: Name Theoline Norris Event Type Death Event Date 18 Sep 1953 Event Place Alameda, California, United States Birth Date 18 Aug 1869 Birthplace Minnesota Gender Female Father's Name Olson Dødsattesten oppgjev foreldri til å vera Gustav og Mathilde Olson, men dette vart i 1953 visstnok oppgjeve av ein son, og eit slikt par finst ikkje i det området der Theoline var fødd! Kjenningen min er ganske so sikker på at det må vera denne jenta: Theoline, fødd 18.8.1868 og døypt i Little Iowa, Winneshiek Co., IA 16.10.1868 Foreldri er, som det går fram av originalen, Thore Olson og Bertha Marie Pedersdotter! Denne kyrkja ligg ikkje langt ifrå Houston og Fillmore Cos., MN, og Theoline kan godt vera fødd der!! Etter tradisjonen skal båe foreldri vera avlidne kort etter Theoline var fødd, og Theoline laut ut for å tena hjå andre! Kven var so desse foreldri? FamilySearch nemner denne vigsli i Nannestad 11.3.1855, og namni stemmer jo «på ein prikk», Thore Olson og Bertha Marie Pedersdotter: https://media.digitalarkivet.no/view/530/147 men eg har vanskar med å tyda skrifti og gardsnamni til dette parfolket! Finst det kan henda ei bygdebok for Nannestad eller nokon med lokal kunnskap som eventuelt kan stadfesta, eller avkrefta, at dette kan vera foreldri til Theoline? Eg takkar so mykje på førehand for alle gode tips!