[#23229] Jetmund Eriksen Holmen (Stordalsholmen) - hans fødestad og foreldre

[Gjest Erling O. Hagerup]

Eg leitar etter foreldre og fødestad, fødselsdato m.m. til Jetmund Eriksen (5. tippoldefar), kremmar på Stordalsholmen (på garden Holmen) rundt 1700. I Stordalsoga, Band I, er det opplyst at ”så vidt vi veit kom han frå Bergen”. Dette stemmer ikkje med det som blei opplyst då han tok borgarskap i Bergen 11.05.1702. Det blei då opplyst (om eg skal tru Digitalarkivet) at han var fødd på ”Søndmøre”. (Digitalarkivet: Borgerskap i Bergen 1600-1751).Bjørn Jonson Dale opplyser (”Gullsmeden i gamle dagar”) at Jetmund truleg kom frå Rise i Hjørundfjord. Dette stemmer betre med det opplyste om at han var frå Sunnmøre.I 1701-manntalet for Dale Skipreide, gard ”Stordalsholmen”, er det ikkje opplyst noko om kvar eller når ”Borger” ”Jetmund Stordalsholmen” var fødd. (Digitalarkivet: 1701-manntallet for Dale skipreide). Dette manntalet viser at det på Stordalsholmen også budde ein Hans Erichsen Riise, 24 år, dreng, ”av Jørgenfjord”. Dersom også Jetmund var frå Rise i Hjørundfjord, kunne det kanskje vere grunn til å spørje om desse kunne vere brør?I kyrkjeboka for Ørskog 1720-1773, s. 599 (år 1745), er det innført: ”Gravfæstet d: 5 Jan: E: Jetmund Erichsen Holmen 84 aar”. Eg meiner det ikkje kan vere særleg grunn til å tvile på at dette er ”min” Jetmund. (Namnet Holmen var brukt i kyrkjeboka både då kona døydde i 1728 og då døtrene trulova seg.) I kyrkjeboka er det elles ikkje direkte sagt noko om kvar han budde då han døydde, eller kvar han blei gravlagd. Eg er difor i tvil om eg kan slutte noko frå at namnet ”Holmen” er brukt – om dette kan tyde på at han framleis budde på Holmen/Stordalsholmen, og følgjeleg må ha blitt gravlagd i Stordal? (Svigersonen til Jetmund, Peder Larsen Viddal/Widdahl blei på eit tidspunkt eigar av Stordalsholmen (Ekstraskatten 1762 for Stranda prestegjeld: Sr. Peder Vigdal, Selv-Eijer.)Er det nokon der ute som har fleire opplysningar om opphavet til Jetmund Eriksen, og kvar han budde då han døydde?

[Gjest Arne Solli]

Eg vil tru at 'Holmen' i kyrkjeboka viser til garden Holmen=Stordalsholmen, og at Jetmund Erichsen dermed budde/døydde på Holmen=Stordalsholmen i 1745.I kjeldene blir det veksla mellom Holmen og Stordalsholmen. I ekstraskatten 1762 heiter staden 'Holmen', i folketeljinga 1801 'Stordalsholmen' og i folketeljinga 1825 'Holmen'. I dagleg tale nyttar ein og både 'Holmen' og 'Stordalsholmen', dvs. Hølminj/Stordalshølminj (nom./akkusativ) og Hølma/Stordalshølma (dativ). Eg kjenner ikkje til om det er bestemte 'reglar' for dette.

[Gjest Bjørn Jonson Dale]

Etter prestemanntallet 1666 hadde Erik Einarson på Rise i Hjørundfjord (38 år gammal) sønene Einar Erikson (6 år gammal) og Jetmund Erikson (1.5 år gammal). Dette er einaste Jetmund Erikson i høvelig alder eg har funne på Sunnmøre i manntallet 1666.Hjørundfjordboka V, s 271, nemner Erik Einarson og Jetmund Erikson som søner av Erik Einarson, som brukte den seinare Lensmannsgarden på Rise 1651-81. Eg reknar med at lektor Lars Strømme, som er opphav til disse opplysningane, hadde godt belegg.

[Gjest Erling O. Hagerup]

Stor takk til Dale og Solli!Dette tyder på at Jetmund var 4 - 5 år yngre enn eg til no har gått ut frå (alderen 1 1/2 år må sjølvsagt vere langt meir påliteleg enn 84.)