[#52358] Erling Vidkunnsson, Torleif Erlingsson og Tjøtta.

[Gjest Finn Oldervik]

Om vi gløymer dei siste innlegga og heller konsentrerer oss om Kane-ættas samband med Aspa-ætta, så byrjar eg å halla til den oppfatninga at Kanegodset på Nordmøre rett og slett var den ukjende Ivarsdotra sin farsarv og at det ikkje var noko Kanestrøm m.m. før ekteskapet mellom Gaute og NN Ivarsdotter vart inngått. Eller er det noko som tyder på at Niklas Gunnarsson Kane hadde eigedomar i dette området?

[Gjest Finn Oldervik]

Eg har fått tak i ei bok av Inger Holtan som heiter; Ekteskap, frillelevnad og hor i norsk høgmiddelalder. Forfattaren er historikar og boka er utgjeven på Universitetsforlaget i 1996.Som eit apropos til drøftinga frå om lag innlegg (127) og påfølgjande om adelskvinnene sin giftingsalder på 1300-talet gjev den nemnde boka m.a. følgjande opplysningar; Borgartingslova seier at ei jente kan gifta seg når ho er 12 år. Ved denne alderen skal ho vera 'mannbar'. Forsking i andre europeiske land viser at adelsjentene vart bortgifta når dei var 12 til 18 år gamle medan mennene vart vurdert å vera 30 til 40 år då dei vart gifte. Desse opplysningane skulle vel vera med å stø den hypotesa eg har lagt fram om sambandet mellom Erling Einarsson Hildugard og den sameinte Giske - Bjarkøyslekta.