[#82920] Feiergate i Skien

[Gjest Arne T. Aabø]

I samband med folketeljingi 1910 hev eg støytt på gatenamnet Feiergate i Skien. Er det nokon som kan fortelje meg kor denne gata ligg, eventuelt kor ho låg i si tid?

[Gjest Anfinn Bernaas]

Adressa eksisterer ikkje meir, men når eg går inn i teljekrinsen og samanheld det med bykartet så ser eg at gata openberrt har vore i bydelen Bakken, dvs. den sørlegaste delen av området mellom Falkumelva, Farelva og Skien sentrum.Dei andre gatenamna i teljekrinsen ligg alle på Bakken og det teiknar seg eit mønster ut frå rekkjefylgja av gatene i teljinga at Feiergate låg nord-sør mellom Hother Bøttgers gate og Falkumelva, rett over elva for 'Myren' tresliperi (Myra i daglegtale).Som gamal skiensgut er altså dette mi dristige høgttenking omkring spørsmålet.

[Gjest Arne T. Aabø]

Hei Anfinn og takk for sist. Eg hugsar deg som ein god redaktør for Årbok for Telemark og samarbeidet med deg då. No ligg årboki nede, vondt å tenkje på. Du hev sikkert rett når det gjeld Feiergate. Eg veit denne familien hadde budd på Bakken i Skien. I 1910 finn me Tora Stenbakken med sju born i denne gata. Mannen er pasient på amtssjukehuset og døyr der eit par år seinare. Tora, eig. Tårånd, er dotter av Grytestøylsmeden, Steinar Aslaksson Turtedalen, som eg hadde gleda av å skrive bok om i 2006. Etter som eg skjønar, er det vanskeleg å finne noko restar etter Feiergate no.