Halvor Halvorson Vik - fødd i Hjartdal 1858 - til Amerika kring 1860? - opphav?

[Lars E. Øyane]

Kyrkjeboki for Hjartdal syner fødsli 11.3.1858 for Halvor Halvorson, son av innerst Halvor Aanundson Kaasa og kona Bergit Johannesdotter (http://www.arkivverket.no/URN:kb_read?idx_kildeid=7799&idx_id=7799&uid=ny&idx_side=-139)

 

Kyrkjeboki for Hjartdal syner likeins vigsli 11.10.1850 for kyrkjesongar og skulelærar Halvor Aanundson Trovatten, fødd på Ødegaarden i Vinje 1825, og Bergit Johannesdotter, fødd på Hougen {i Kviteseid} 1829 (http://www.arkivverket.no/URN:kb_read?idx_kildeid=7799&idx_id=7799&uid=ny&idx_side=-222)

 

Halvor Halvorson (1858) skal ifølgje opplysningar frå Amerika ha utvandra dit i lkag med mor si (enkje?) kring 1860, men denne uitvandringi finn eg ikkje i Hjartdal!

 

Er det nokon med lokal kunnskap, eventuelt med tilgjenge til ei bygdebok, som kan hjelpa meg vidare med denne huslyden?

 

* Kva kan me skriva som yrke og bustad for Halvor Aanundson og Bergit Johannesdotter?

 

* Kva år utvandra Halvor Halvorson (1858) til Amerika og i lag med kven?

 

Eg takkar so mykje på førehand for alle gode tips!

 

Med venleg helsing,

 

Lars E. Øyane

[Carsten Schanche]

Halvor, mor og søsken reiste i 1862

 

http://www.arkivverket.no/URN:kb_read?idx_kildeid=5963&idx_id=5963&uid=ny&idx_side=-366

[Anfinn Bernaas]

Hjartdalsoga, band III B, side 69, Nedre-Haugan 30/3:

"Desse kan ha bruka garden: 7a) Bergit Johannesdtr. Haugan f 1821 g 1850 på Haugan m kyrkjesongar Halvor Ånundson Øygarden, f 1825 i Vinje d før 1862. Born: 1. Aslaug f 1852. 2. Ånund f 1854. 3. Johannes f 1855. 4. Halvor f 1858.

I 1862 var Bergit enkje. Da er ho og dei fire borna registrerte i utflyttingslistene til Amerika."

 

http://www.arkivverket.no/URN:kb_read?idx_kildeid=5963&uid=ny&idx_side=-366

 

Kor finn du at Bergit er fødd i Kviteseid?

 

Kor har du Vik frå?

[Lars E. Øyane]

Hjarteleg takk til Carsten og Anfinn for spennande opplysningar! Denne bustaden i Haugen er framleis noko uklar for meg, om det var ein eigen gard eller ein plass under ein annan gard, men at dei budde der då dei utvandra i 1862, synest klårt...

 

Problemet er soleis forsovidt løyst!

 

Med venleg helsing,

 

Lars E. Øyane

[Anfinn Bernaas]

"Bustaden Haugen" er ikkje noko mystisk. Det er som eg refererer frå bygdeboka garden Nedre-Haugan 30/3. Fleirtalsuttale av haug (haugane) i Hjartdal kan for utanforståande oppfattast som eintal i og med at "-an(e)" blir uttala om lag som "-ein". Men tonefallet mellom haugen og haugein er heilt ulikt, og likt med eintal og fleirtal av dette ordet elles i norsk. Så kyrkjebokskrivaren (presten?) kan gjerne utan å vite betre ha skrive Haugen for fleirtalsnamnet Haugan (som det blir i moderne normert form).

[Lars E. Øyane]

Hjarteleg takk til Anfinn for presiseringi av gardsnamnet Haugan!

 

Med venleg helsing,

 

Lars E. Øyane