Nils Pederson Præstegard, fødd Hafslo 1880 - til Amerika i 1899, men kvar vart det av han?

[Lars E. Øyane]

Tre brør utvandra frå Hafslo prestegard i Hafslo og nytta ved utvandringi namnet Præstegaard:

 

* Peder Pederson Præstegaard - i Amerika kjend som Peter P. Prestegard, fødd i Hafslo 5.12.1870, utvandra i 1895, gifte seg i Windom, MN 1903 og farma i Highwater township, Cottonwood Co., MN. Han døydde i Lamberton, MN 17.12.1959. Fem born, som alle er avlidne.

 

* Anders Pederson Præstegaard - i Amerika kjend som Andrew P. Praestegard, fødd i Hafslo 14.9.1873, utvandra i 1898 og var farmarbeidar i Highwater township, Cottonwood Co., MN og sidan i Lamberton, Redwood Co., MN. Han døydde ugift i St. Peter, MN 30.1.1937.

 

* Nils Pederson Præstegaard - i Amerika kjend som ????, fødd i Hafslo 18.1.1880, utvandra i 1899 og var i 1900 under namnet Nels Peterson "day laborer" og busett i Spencer, Clay Co., IA (budde der i lag med naboguten Einar Bremer frå Hafslo).

 

Me veit frå dødsmeldingi til mor deira frå 1919 at Nils då framleis var ilive, men adressen er ikkje oppgjeven, og eg har ikkje greidd å finna han att der borte! Nekrologane til Peder og Anders har ingen opplysningar...

 

Er det nokon som greier løysa dette problemet? Kvar vart det av denne Nils?

 

Eg takkar so mykje på førehand for alle gode tips!

 

Med venleg helsing,

 

Lars E. Øyane