Bertha Gundersdotter i Bergen, fødd kring 1761 - frå Ullensvang?

[Lars E. Øyane]

Med utgangspunkt i tema #51726 frå det gamle brukarforum (http://forum.arkivverket.no/index.php?/topic/137158-51726-bertha-gundersdotter-i-bergen-1761-1801-og-soenene-hennar-opphav-og-lagnad/page__p__1131986__hl__51726__fromsearch__1#entry1131986) spør eg på ny etter opphavet til:

 

Bertha Gundersdotter, fødd kring 1761, uvisst kvar, gifte seg i Bergen 19.11.1786 med Jørgen Larsson Winjum frå Hafslo i Sogn (1761-1827).

 

Men Bertha døydde i Bergen alt i 1801 og vart gravlagd 4.4.1801. Ho let etter seg to søner:

 

* Hans Henrik (Jørgensen), fødd i Bergen 20.9.1790

 

* Gjert Christian (Jørgensen), fødd i Bergen 29.11.1794

 

Eg er ganske so trygg på at Bertha IKKJE kom frå Sognafylket, men eg har funne to alternativ i Hardanger som eg tykkjer ser spennande ut:

 

** Britha Gundersdotter, fødd på Midnes i Kinsarvik sokn i Ullensvang 12.11.1760 av Gunder Larsson og Britha Isaksdotter (http://www.arkivverket.no/URN:kb_read?idx_kildeid=16780&idx_id=16780&uid=ny&idx_side=-6)

 

** Britha Gundersdotter, fødd på Vetterhus i Odda sokn, Ullensvang 15.1.1762 av Gunder Trondson og Eli Torstensdotter (http://www.arkivverket.no/URN:kb_read?idx_kildeid=16781&idx_id=16781&uid=ny&idx_side=-5)

 

Ei av desse var tydeleg gardkone på Helleland i Ullensvang i 1801, gift med Endre Jensson (http://digitalarkivet.no/cgi-win/webcens.exe?slag=visbase&sidenr=7&filnamn=f18011230&gardpostnr=51&personpostnr=1163&merk=1163#ovre), men eg veit ikkje kva for ei av dei det var.

 

Finst det kan henda omtale av dei to jentene i bygdeboki for Ullensvang? Var ei av dei gift i Bergen?

 

Eg takkar so mykje på førehand for alle gode tips!

 

Med venleg helsing,

 

Lars E. Øyane

[Berit Knudsen]

Kanskje det er litt for seint på kvelden, men jeg kan ikke finne dødsfallet hennes i Bergen.

[Øystein Ask]

Den 2.1 1793 ble Brita Gunnersdatter Midnæs viet med Endre Jensen Helleland:

 

http://digitalarkivet.no/cgi-win/webcens.exe?slag=visbase&sidenr=34&filnamn=vi12301788&gardpostnr=154&personpostnr=307&merk=307#ovre

 

 

I skiftet etter den Eli Tostensdotter som var gift med Gunder Trondsøn Vetrhus datert 23.5.1786 er det nevnt tre døtre: Torbjør (30), Maritha (27) og Eli (21).

Med andre ord ingen datter Britha er nevnt i skiftet, folio 147a:

 

Kildeinformasjon: Hordaland fylke, Hardanger og Voss sorenskriveri, Skifteprotokoll Ac 8a , 1779-1788, oppb: Statsarkivet i Bergen.

 

Merknader: Fol 1-192.

 

Permanent sidelenke: http://arkivverket.no/URN:sk_read/24113/149/

 

Permanent bildelenke: http://www.arkivverket.no/URN:NBN:no-a1450-sk20081119640712.jpg

[Øystein Ask]

Brita Gundersdatter Wetterhuus døde av kopper 9 år, 3 md og 26 dager gammel den 11 mai 1770 og ble begravet den 14.mai 1770:

 

Kildeinformasjon: Hordaland fylke, Odda i Ullensvang, Ministerialbok nr. A 6 /3 (1758-1788), Døde og begravede 1771-1774, side 292.

Permanent sidelenke: http://www.arkivverket.no/URN:kb_read?idx_kildeid=16781&idx_id=16781&uid=ny&idx_side=-35

Permanent bildelenke: http://www.arkivverket.no/URN:NBN:no-a1450-kb20070522640059.jpg

[Terje Hatvik]

Lars, med tanke på lokalisering av Bertha Gundersdotter sitt opphav, - er nokre av borna sine namn (Hans Henrik og Gjert Christian) oppkalling frå Jørgen Larsson Winjum si slekt? Og i tilfelle ja, kva namn ??

[Lars E. Øyane]

Hjarteleg takk til Berit, Øystein og Terje for interessante innlegg!

 

Her er forresten dødsfallet hennar Bertha, Jørgen Larsen's hustru: http://digitalarkivet.no/cgi-win/webcens.exe?slag=visbase&sidenr=24&filnamn=bedo1668&gardpostnr=60235&merk=60235#ovre

 

og her er huslyden i 1801 - 11. rode nr. 52: http://digitalarkivet.no/cgi-win/webcens.exe?slag=visbase&sidenr=5&filnamn=f18011301&gardpostnr=970&personpostnr=6843&merk=6843#ovre

 

Jørgen og Bertha er båe oppgjevne vera 40 år gamle i 1801, som for Jørgen sin del høver svært godt - døypt 19.3.1761.

 

Bertha er ved dødsfallet oppgjeve vera 39 år gamal - so fødselsåret hennar burde vera kring 1761-1762.

 

MEN, diverre, som Øystein har synt oss; det er ikkje nokon av dei to "kandidatane" frå Ullensvang, so kvar kan ho då ha vore ifrå?

 

FamilySearch syner ei Britha Gundersdotter frå Ørskog på Sunnmøre, døypt 30.5.1762 (https://familysearch.org/pal:/MM9.1.1/NCR2-CN5), far: Gunder Kloch (http://www.arkivverket.no/URN:kb_read?idx_kildeid=15984&idx_id=15984&uid=ny&idx_side=-226)

 

FamilySearch syner òg ei Britha Gundersdotter frå Wig, Herdla, døypt Manger 28.2.1764 (https://familysearch.org/pal:/MM9.2.1/STGF-H1T), for: Gunder Olson og Anna Olsdotter (http://www.arkivverket.no/URN:kb_read?idx_kildeid=11603&idx_id=11603&uid=ny&idx_side=-40)

 

Kommentar til Terje: Ingen av dei to namni, Hans Henrik eller Gjert Christian, kjem att i ætti hans Jørgen i Hafslo, bortsett frå at mor hans heitte Gjertrud (Olsdotter)

 

Eg står med andre ord framleis "bom fast" når det gjeld identifikasjonen til Bertha Gundersdotter, so eg takkar framleis for alle gode tips!

 

Med venleg helsing,

 

Lars E. Øyane

[Lars E. Øyane]

Eg står framleis fast når det gjeld Bertha Gundersdotter og opphavet hennar. Eg har sjekka konfirmasjonsprotokollane for Bergen, men finn ikkje nokon høveleg "kandidat" der, so Bertha må vera kommi til Bergen i vaksen alder.

 

Samstundes kan eg ikkje sjå at det finst noki Bertha/Britha Gundersdotter i rett alder i FT1801 korkje i Ørskog på Sunnmøre eller i Manger, og ikkje heller er nokon Bertha/Britha Gundersdotter vigde i nokon av dei nemnde bygdene mellom 1775 og 1800. Difor hadde det vore svært so spennande å få ein sjekk av desse to kandidatane. For å fanga merksemdi til lesarane i Brukarforum, vil eg leggja ut dei to spørsmåli som eigne tema.

 

Med venleg helsing,

 

Lars E. Øyane

[Terje Hatvik]

Hjarteleg takk til Berit, Øystein og Terje for interessante innlegg!

 

Her er forresten dødsfallet hennar Bertha, Jørgen Larsen's hustru: http://digitalarkive...merk=60235#ovre

 

og her er huslyden i 1801 - 11. rode nr. 52: http://digitalarkive...&merk=6843#ovre

 

Jørgen og Bertha er båe oppgjevne vera 40 år gamle i 1801, som for Jørgen sin del høver svært godt - døypt 19.3.1761.

 

Bertha er ved dødsfallet oppgjeve vera 39 år gamal - so fødselsåret hennar burde vera kring 1761-1762.

 

MEN, diverre, som Øystein har synt oss; det er ikkje nokon av dei to "kandidatane" frå Ullensvang, so kvar kan ho då ha vore ifrå?

 

FamilySearch syner ei Britha Gundersdotter frå Ørskog på Sunnmøre, døypt 30.5.1762 (https://familysearch...M9.1.1/NCR2-CN5), far: Gunder Kloch (http://www.arkivverk...y&idx_side=-226)

 

FamilySearch syner òg ei Britha Gundersdotter frå Wig, Herdla, døypt Manger 28.2.1764 (https://familysearch...M9.2.1/STGF-H1T), for: Gunder Olson og Anna Olsdotter (http://www.arkivverk...ny&idx_side=-40)

 

Kommentar til Terje: Ingen av dei to namni, Hans Henrik eller Gjert Christian, kjem att i ætti hans Jørgen i Hafslo, bortsett frå at mor hans heitte Gjertrud (Olsdotter)

 

Eg står med andre ord framleis "bom fast" når det gjeld identifikasjonen til Bertha Gundersdotter, so eg takkar framleis for alle gode tips!

 

Med venleg helsing,

 

Lars E. Øyane

 

 

 

Som Lars no veit so syner skiftet etter Jørgen Larsson Winjum frå mars 1827 (synte i ein annan tråd her) at det berre er dei to overlevande borna hans frå andre 2. ekteskapet som arvar han. Det er ein sterk indikasjon på at begge sønene frå 1. ekteskap, - Hans Henrich og Giert Christian - døydde _før_ faren; for elles hadde dei nok vore nemnde i skiftet.

 

Men, som vi òg veit, så levde begge gutane ved FT 1801 for Bergen. Og begge to vert konfirmerte i Domkyrkja i Bergen i sekstenårsalderen:

 

"Confirmerede Søndag aften Paaske 13.de April 1806, af Knud G. Fleischer, DK:

(...) # 19. Hans Henrich Jørgensen, fra Seglemager Angels Enke" (Han var truleg dreng der).

 

http://www.arkivverk...y&idx_side=-244

 

Og broren Giert Christian:

"Søndag aften Paaske den 29.de April 1810 ved Domkirken Confirmerede Stifts-Prost Fleischer:

(...) # 7. Giert Christian Jørgensen, 16, f. preæculnum ved ????" (uskjøneleg txt).

 

http://www.arkivverk...y&idx_side=-249

[Terje Hatvik]

Eg har kanskje funne dødsfallet til Hans Henrik, den eldste sonen til Jørgen Larsen:

 

Kyrkjeboka for St. Jørgen syner ein "Hans Larsen, d. 20. mai 1814, af DomK Sognet, d. på Syge huset, 27 aar"

 

http://www.arkivverk...%25F7%2509%25F1

 

Alderen er om lag to og eit halvt år feil, Hans Henrik var 24 år og 8 mnd. gamal den 20. mai 1814 (om det er han), men det er innanfor grensa av det akseptable.

 

Når eg godtek faren sitt patronymikon (Larsen) som slektsnamn på Hans Henrik, som sjølvsagt er ein Jørgensen, så er det av di skifteretten ved skiftet i buet etter faren Jørgen Larsen i 1827 konsekvent gjev borna hans etternamnet 'Larsen'. Det tyder på at familien sjølv kalla seg Larsen, eller at dei eigentleg var mest kjend under dét namnet.

 

Eg skal sjå om det finst noko skifte etter Hans Henrik, men eg tilét meg å tvila på om det var noko å skifta etter ein kar som hadde vore innlagt på sjukehus.

[Terje Hatvik]

Kan det vera at dette emnet har noko med det her å gjera? Er det mogeleg??

Fleire av namna går att ....

 

 

 

Endret Desember 17, 2018 av Terje Hatvik

[Lars E. Øyane]

Ein forseinka, men like hjarteleg takk til Terje for innleggi frå 2012 og ogso takk for innlegget frå i kveld.  Innleggi frå 2012 KAN ha vorte liggjande utan merksemd frå mi side, for eg oppdagar no at ikkje hadde «abonnert» på dette emnet (eg visste den gongen ikkje korleis det skulle gjerast...)

 

Eg trur eg kan seia ganske so sikkert at denne Bertha/Britha Gundersdotter ikkje kan vera av same ætt som Gjert Gunderson frå Askvoll.  Me har skifte etter far hans Gjert, og der er ingen Britha nemnd som dotter...

 

Dette manuskriptet om Jørgen Larsson Winjum vart elles publisert i 2012, og som du vil sjå, fann eg aldri ut kven denne Bertha/Britha Gundersdotter var, og fleire andre detaljar vart òg ståande uløyste.  Eg ser eg har oversett teorien din frå 2012 om dødsfallet til eldste sonen Hans Henrik, men lurer på om ikkje aldersavviket er litt i største laget...

 

Kanskje det no er på tide å gjera noko med dette manuskriptet, som i ser slik ut:

 

~~~~~~~~~~~~~

 

Jørgen Larsson {Wenjum}, døypt {i Hafslo} 19.3.1761,

Jørgen Larsson Wenjum flytte i 1780-åri til Bergen som regimentstambur og gifte seg første gongen i Bergen 19.11.1786 med ei Bertha Gundersdotter,

##### (opphavet hennar?)

som me ikkje kjenner opphavet til.  Ho var f. kring 1761,

##### (dato og stad for fødsli/dåpen hennar?)

men vart gravlagd i Bergen 4.4.1801.  Jørgen gifte seg 7.11.1802 att i Bergen med enkja Ingeborg Nilsdotter, opphavleg frå Tveit nordre i Strandvik, Fusa.  Ho var dotter av gardbrukar Nils Olson på Tveit nordre og kona Ingeborg Christiansdotter frå Tveit og vart døypt i Fusa, Os 4.1.1775.  Ho gifte seg første gongen i Fusa, Os 18.1.1801 med Rolf Pederson frå Lunde på Os.  Han var son av gardbrukar Peder Rolfson på Lunde og første kona Walborg Nilsdotter frå Gjelle og vart døypt på Os 4.8.1764.  Rolf var sjømann, men d. alt i 1802. 

##### (detaljar om dødsfallet?)

Jørgen arbeidde i mange år som snikkar i Bergen, men vart sidan gateleggjar same staden.  Han budde med huslyden sin i Langerekken og sidan i Komediebakken og på Nøstetorvet der han d. 14.2.1827.  Ingeborg levde att som enkje,

##### (dato og stad for dødsfallet hennar?)

Jørgen fekk i alt åtte born, to frå første ekteskapet og seks frå det andre:

a. Hans Henrik Jørgensen, f. i Bergen 20.9.1790, gjekk i seglmakarlære, men reiste ute som matros då han i oktober 1809 vart teken som krigsfange i England og fengsla i Chatham.  Han vart frigjeven i mars 1811, men d. før 1818,

     ##### (lagnaden hans?)

b. Gjert Christian Jørgensen, f. i Bergen 29.11.1794, levde framleis i 1804, men d. visstnok kring 1806.

     ##### (lagnaden hans?)

c. Bertha Marie Jørgensen, f. i Bergen 25.9.1803, d. i Bergen 6.6.1809.

d. Ingeborg Gjertine Jørgensen, f. i Bergen 29.6.1807, d. i Bergen 17.8.1809.

e. Ingeborg Gjertine, kjend som Gjertine Jørgensen, f. i Bergen 27.11.1810, voks opp hjå ei barnlaus moster på Skåtun i Strandvik, Fusa og d. som kårkone på Skåtun 25.4.1884.  Ho gifte seg i Fusa, Os 19.4.1829 med Hans Olson frå Håland i Strandvik, Fusa, døypt i Fusa, Os 12.10.1802.  Han d. som kårmann på Skåtun 3.5.1864.  Hans og Gjertine tok over som gardbrukarar etter mosteri hennar på Skåtun i Strandvik, Fusa og fekk sju born i lag.

f. Rolf Jørgen Jørgensen, f. i Bergen 22.8.1813, d. som enkjemann på arbeidsanstalten i Bergen 8.8.1888.  Han gifte seg i Bergen 31.10.1862 med Fredrikke Severine Jørgine Bartoline Sivertsdotter Hedemark, f. i Bergen 12.11.1825.  Ho d. som almisselem på sjukehuset i Bergen 22.6.1874.  Rolf Jørgensen var garvarsvein, og han og Fredrikke budde i Bergen levetidi ut.  Dei fekk ei dotter i lag, som d. kort etter fødsli.

g. Hans Henrik Jørgensen, tvilling, f. i Bergen 11.1.1818, d. i Bergen 17.3.1818.

h. Jørgen Jørgensen, likeins tvilling og f. i Bergen 11.1.1818, d. i Bergen 30.3.1818.

 

~~~~~~~~~~~~~

 

Ein ny kjempetakk for framifrå bistand i freistnadane på å komplettera denne biografien!

[Terje Hatvik]

Eg takkar for merksemd og god oppfølgjing Lars. Eg meiner sjølvsagt ikkje at den ovanfor omtala Britha 

Gundersdotter var i nær ætt med Gjert Gunderson i Askvoll - men, det er noko med desse namna som påviseleg går att her.

Endret Desember 18, 2018 av Terje Hatvik