Ole Paulson og Kari Olsdotter - forsvinn etter 1762 frå Hafslo, men kvar vart dei av?

[Lars E. Øyane]

Ole Paulson (Berget), døypt i Hafslo 13.1.1724, gifte seg i Hafslo 8.11.1756 med Kari Olsdotter (Skjervebakken), døypt i Hafslo 25.6.1724. Dei budde nokre år på heimeplassen hans på Berget i Solvorn sokn, Hafslo, men forsvinn herifrå etter 1762, utan at me kan sjå noko meir tll dei nokon stad! Fire born vart døypt i Hafslo:

 

* Synneva Olsdotter, døypt i Hafslo 2.1.1757

 

* Anna Olsdotter, døypt i Hafslo 16.3.1758

 

* Britha Olsdotter, døypt i Hafslo 5.8.1759

 

* Johannes Olson, døypt i Hafslo 12.9.1762

 

Etter dåpsdatoane å dømme vil eg tru at i alle fall Synneva og Anna døydde kort etter fødselene deira i 1758/1758, men eg finn dei ikkje i Hafslo. Heller ikkje finn eg fleire opplysningar om foreldri eller dei to yngste (kjende) borni.

 

Då det i 1810 vart halde skifte etter ei søster hennar Kari, er korkje Kari eller born av ho nemnde, so kanskje dei døydde heile huslyden?

 

Eg takkar so mykje på førehand for alle gode tips!

 

Med venleg helsing,

 

Lars E. Øyane

[Lars E. Øyane]

Hjarteleg takk til Siw for nyttige og gode innlegg! Det første skiftet er verkeleg etter Kari Olsdotter som var gift med Ole Paulson! No veit me med andre ord at Kari døydde hausten 1759, og kven denne Johannes fødd i 1762 kan ha vore, er eit ope spørsmål... To av dei tre døtrene Synneva, Anna og Britha levde då mori døydde, men dei er ikkje namngjevne. Det står berre at Johannes Kalhagen fostra opp den eine, medan Einer Solvi fostra opp den andre. Men dei må båe vera avlidne før dei kom i konfirmasjonsalderen, og me veit det levde ikkje att born etter Kari i 1810.

 

Med omsyn til Ole Paulson, so veit me at han levde i 1773, då det vart halde skifte etter ein morbror av han.

 

Nærare noko svar på dette problemet kjem me truleg ikkje, men nok ein stor takk til Siw for oppdagingi av skiftet frå 1759! No veit me i alle fall at dei ikkje flytte frå bygdi!

 

Med venleg helsing,

 

Lars E. Øyane