LØYST: Oslo byarkiv - bøn om hjelp?

[Lars E. Øyane]

Eg har vore i kontakt med Oslo byarkiv for om mogeleg å få hjelp til å finna fleire opplysningar om:

 

* Margrethe Hansdotter (Hansen) HESS, fødd i Lærdal 22.6.1869, busett i Christiania frå 1891, minst tre born (alle døydde unge?), var i mange år inn og ut av "Landsfengselet for kvinner" i Storgata 33, og er siste gong nemnd som lauslati på prøve i 1917.

 

Her vert det synt til ho i fattigvesenet sine protokollar:

 

http://arkivverket.no/URN:db_read/db/59782/63/

 

som omskrivi i Protokoll 78 på side 84.

 

Diverre reknar Oslo byarkiv med tre veker sakshandsamingstid for eit enkelt oppslag, men då eg treng desse opplysnigane NO i samband med at manuskriptet til neste band av bygdebøkene våre skal innsendast for prenting før jul, har eg berre ikkje tid til å venta i tre veker!

 

Difor spør eg: Er det nokon som har tenkt seg til Oslo Byarkiv ein av dei første dagane i kommande veke, til dømes på tysdag eller onsdag, og som kunne gjera dette oppslaget for meg i von om å finna fleire opplysningar om lagnaden til Margrethe HESS?

 

Eg ville vera umåteleg takksam for dette og vonar på svar frå einkvan...

 

Med venleg helsing,

 

Lars E. Øyane - lars.e.oyane@sdsl.no

[Lars E. Øyane]

So vil eg få retta ein hjarteleg takk gjennom Brukarforum til Anne-Lise Hansen, som i dag har vitja Oslo Byarkiv og skaffa meg utskrifter av protokollen som det vert synt til. Diverre får me ikkje vita noko om lagnaden hennar, men ymse andre spennande detaljar kjem fram, som eg vil komma attende til under hovudemnet om Margrethe!

 

Med venleg helsing, og nok ein gong til Anne-Lise: Hjarteleg takk for hjelpi!

 

Lars E. Øyane