Ordbruk i norsk bygdebok - kva tyder ordet "forliu"?

[Lars E. Øyane]

Eg har i kveld motteke eit spørsmål frå Amerika om ordbruken i ei norsk bygdebok, og då eg er sterkt i tvil om kva dette eigentleg tyder, legg eg det ut her:

 

"Ei gamal forliu på andre sida av elva"

 

Det vert ikkje sagt noko om kva del av landet denne boki er frå, men kanskje er det nokon som dreg jensel på uttrykket "forliu"?  Kan det vera ei fôrløe?

 

Eg takkar so mykje på førehand for alle gode tips!

Endret November 20, 2015 av Lars E. Øyane

[Torbjørn Igelkjøn]

Frasen gjev eitt treff hos Nasjonalbiblioteket, og det er i Bygdabok for Dovre : gnr. 57-75. 4 : Frå Langdalen til Dovreskogen bygdeallmenning gnr. 57-75. Denne boka er ikkje digitalt tilgjengeleg. Liu er brukt om løe i andre bøker, så det er heilt sikkert snakk om ei fôrløe. Som her i Bygdebok for Lesja 3:

 

[Lars E. Øyane]

Hjarteleg takk til Torbjørn for stadfesting av dette for meg "merkelege" ordet!

 

Problemet er løyst!

[Gunnar Sigdestad]

I Ottadalen brukar dei lyu...

 

Lyu er ei høyløe på sætra, om løa heime, seier dei låve...

Endret November 20, 2015 av Gunnar Sigdestad

[Lars E. Øyane]

Hjarteleg takk til Gunnar for ny kommentar!

 

Eg har nettopp fått eit nyutt spørsmål frå same amerikanar som òg gjeld bygdeboki for Dovre:

 

"Han såg også at Bøllog la ein høytapp i skreppa til Peders"

 

Og eg som trudde at sognamålet var noko heilt spesielt...

 

Eg tek gjerne imot ei forklaring på denne siste linja...  Kva er ein høytapp?

[Ivar S. Ertesvåg]

Norsk Ordbok 2014 http://www.edd.uio.no/perl/search/search.cgi seier "høy-dott"

 

Lenkja på nytt: http://www.edd.uio.no/perl/search/search.cgi?appid=59&tabid=993

Endret November 20, 2015 av Ivar S. Ertesvåg

[Vibeke Lund Åhling]

På svensk heter høydott hötapp...

 

[Lars E. Øyane]

Hjarteleg takk til Ivar og Vibeke for nye interessante innlegg!

 

Me ser ofte døme på at gode gamle svenske ord og uttrykk kan ha likskap med dialektuttrykk i Noreg.  Eg har delt denne kunnskapen med kjelda mi i Amerika, som tykte dette vel måtte vera meint som ein "spøk"...

 

Uansett, vedkommande har fått svar på tydingi, so då er i alle fall dette problemet løyst!