Halvor Christenson, fødd i Luster 1704 - dotter Kari Halvorsdotter, fødd i Luster 1733 - forsvinn frå Luster, men kvar kan dei ha vorte av? Dotteri kan henda til Sogndal, men forsvinn vidare...?

[Lars E. Øyane]

Ei ny utfordring som eg vonar nokon kan hjelpa meg finna ut av gjeld denne husmannen Halvor Christenson som forsvinn frå Luster etter han vart enkjemann,

 

Ei «mistenkeleg» Kari gifte seg i Sogndal i 1772, men elles har eg ingen teori om kvar desse folki kan ha gjort av seg!

 

Slik ser manuskriptet mitt ut pr. i dag:

 

~~~~~~~~~~~~~~~~~

 

Halvor Christenson Lægene, oppalen på Drægni, men opphavleg frå Øyene (s.d.), var f. kring 1704. Han gifte seg 3.6.1732 med Ingrid Olsdotter frå Fortun (bnr. 1), f. kring 1712.  Ho vart gravlagd som husmannskone frå Fortun 9.12.1736.  Halvor og Ingrid budde fleire stader; i 1735 var dei på Skagen, og i 1736 hadde dei vore på Drægni, men alt på hausten i 1736 må dei vera komne til Legene.  Me veit Halvor framleis budde her i 1737.

Halvor Christenson flytte truleg kring 1739

 

 

##### (seinare lagnad? – truleg attgift ein annan stad?)

 

 

Halvor og Ingrid fekk tre born i lag:

 1. Kari Halvorsdotter, f. kring 1733, vart konfirmert i Luster i 1753

Kari Halvorsdotter flytte

 

 

##### (Kari levde framleis i 1758, men uvisst kvar? – lagnaden hennar? – kan det vera ho den Kari Halvorsdotter Qvalen som 28.5.1770 gifte seg i Stedje, Sogndal med Elling Petterson Aaberge??)

 

 

 2. Christen Halvorson (1735‑1735).

 3. Ole Halvorson (1736-1738).

 

~~~~~~~~~~~~~~~~~

 

Eg takkar so mykje på førehand for alle gode tips!