Erik Tomasson og Kari, Johanne og Brita Tomasdt., truleg ein søskenflokk på Laksevåg tidleg på 1700-talet – var dei barna til Tomas Kristofferson frå Husa i Kvinnherad?

[Atle Onar Knapskog]

Eg har ikkje funne prov for at desse var søsken, men det er nærliggjande å tru det ettersom dei ofte var fadrar i barnedåpar for kvarandre:

a. Erik Tomasson Laksevåg (-1737), fadder frå 1721, g. 1726 m. Marta Alfsdt. Rambeck.

b. Kari Tomasdotter, g. 1. g. før 1722 m. Johannes Mikkelson, Holen, Laksevåg, g. 2. g. 1737 m. Mikkel Paulson.

c. Johanne Tomasdotter Laksevåg (ca. 1706-1754), g. 1734 m. Lars Larsson, Fyllingen i Fana.

d. Brita Tomasdotter, g. 1735 m. Erik Nilsson (ca. 1705-1782) frå Damsgård/Laksevåg, busett på Florvåg, Askøy.

 

Det ser ut til at det kan ha vore fleire i søskenflokken òg, kan henda ei Maren og ein Paul.

 

 

Erik må truleg ha vore fødd så tidleg at han finst i manntalet frå 1701. Eg har ikkje funne nokon gode kandidatar til å vera han eller faren i nærområdet. Derimot finn eg ein Tomas Kristofferson med sonen Erik på Husa i Kvinnherad. Han fekk desse barna før han forsvann derifrå seinast 1709:

a. Erik (1697-)

b. Kari (1700-)

c. Anna (1703-)

d. Johanne (1707-)

 

Kan det vera at Tomas og familien har flytta til Laksevåg? Det er ein del samanfallande opplysningar her. Dessutan vart ein Tomas Kristofferson gravlagd i domkyrkjesoknet i 1733, men dessverre står det berre at han var "fra landet". Er det andre som har opplysningar om desse personane?

 

 

Endret Juni 10, 2017 av Atle Onar Knapskog