Helge Jochumson - fødd i Luster 1829 - sjømann i Bergen, men deserterte i Amsterdam i 1857 - kvar kan det ha vorte av denne karen?

[Lars E. Øyane]

Helge Jochumson var fødd i Luster 17.3.1829 som son av Jochum Jensson (1793-1857) og kona Rannei Helgesdotter (1790-1864), husmannsfolk på plassen Gjelseng under garden Sørheim i Luster: https://media.digitalarkivet.no/view/11591/52

 

Helge fekk i 1851 attest hjå soknepresten i Luster for å reisa ut som sjømann: https://media.digitalarkivet.no/view/8401/210

 

Han skal sidan ha vore busett hjå søsteri Bertha i Landaassmuget i Bergen.  So kjem det fram (kjelda til dette hadde eg tidleg på 1980-talet, men er no utilgjengeleg!) at han hausten 1857 deserterte frå båten han siglde med, medan dei var i Amsterdam.  Etter den tid er det ikkje noko meir å sjå til mannen korkje i Luster eller i Bergen!

 

Er det i det heile mogeleg å finna ut kva lagnad Helge fekk?

 

Eg takkar so mykje på førehand for alle gode tips!

[Lars E. Øyane]

Eg vil i kveld gjerne få henta fram att dette emnet som eg i mange år har freista finna eit svar på!

 

Kanskje finst det ekspertise på sjøfolk i Amsterdam som kan hjelpa meg finna ei løysing?

 

Eg takkar på ny for alle gode tips!