Den «reisande» «Gryte-Per» frå Solvorn i Hafslo (1776-1853) hadde ein bror Mons Olson, fødd 1765 - forsvinn etter 1785 - kvar ka han ha vorte av? - kan henda òg «reisande»?

[Lars E. Øyane]

«Gryte-Per», som etter «rett» heitte Peder Olson (Solvorn) (1776-1853), er stamfar for mange «reisande» på Vestlandet og i andre delar av landet.  Han var son av Ole Larsson (1735-1807) og kona Anna Monsdotter (1735-1790), plassfolk på Kyrkjeteigen under garden Bollingberg i Luster.

 

Ole og Anna hadde to andre born som voks opp, mellom anna sonen:

 

* Mons Olson, fødd i Luster kring 1765.  Han vart konfirmert i Luster i 1783: https://www.digitalarkivet.no/view/279/pk00000000457824

 

Me har ei fråsegn om at han framleis var i live i 1785, men so forsvinn han frå Luster.

 

Ein person med eit so vanleg namn er vel bortimot vonlaus å finna att, men med tanke på at broren vart «reisande», er det eit spørsmål om kanskje ogso Mons Olson er å finna mellom dei «reisande»?

 

Eg takkar so mykje på førehand for alle gode tips!