Hans Hansson Leganger - fødd kring 1754/1761 i Sogn - lensmann i Herøy på Sunnmøre - kvar og kva tid var han fødd, og kven var foreldri hans?

[Lars E. Øyane]

FT1801 for garden Kjelsund i Herøy syner lensmann Hans Leganger, fødd kring 1761:

https://www.digitalarkivet.no/census/person/pf01058412000997

 

Då Hans Leganger, føreverande lensmann, døydde i Herøy 21.12.1832, er alderen hans oppgjeven til 78 år:

https://media.digitalarkivet.no/view/15945/119

 

Utifrå dette lyt me tru han må vera fødd ein gong mellom 1754 og 1761.  Han skal vera fødd i Sogn, men eg finn ingen som høver i denne landsdelen!

 

Finst det kan henda ein ekspert på Leganger-ætti som kan oppklara denne gåta for meg?  Kvar og kva tid var han fødd, og kven var foreldri hans?

 

Eg takkar so mykje på førehand for alle gode tips!

[Ivar Moe]

Fra Herøyboka

[Carsten Schanche]

Høyre side nederst viser dåp til Hans Hanson Leganger i 1760 i Leikanger.

 

SAB, Leikanger Sokneprestembete, Ministerialbok nr. A 3, 1756-1770, s. 51
Brukslenke for sidevisning: https://www.digitalarkivet.no/kb20070511620588

 

Foreldrene ?

 

https://vestraat.net/iea-o/p2483.htm#i73779

[Lars E. Øyane]

Hjarteleg takk til Ivar og Carsten for interessante og delvis avklarande innlegg!

 

At det var «vår» Hans Hansson Leganger som vart døypt i Leikanger 22.12.1760, kan det ikkje vera mykje tvil om.  Eg ser av futelista for Sogn:

https://lokalhistoriewiki.no/wiki/Futar_i_Sogn

at Hans Leganger var fut frå 1761 til 1768, men medan den føregåande futen Annanias Harberg budde i Bjordal på Kyrkjebø, må Hans Leganger ha butt på Leikanger - eller kanskje i Balestrand, for i tillegg til sonen Hans som vart døypt på Leikanger i 1760, fekk futen òg desse borni på Leikanger (jmf. FamilySearch):

 

* Anna Christine, døypt 10.7.1763

 

* Peder, døypt 18.6.1766

 

So for meg er det framleis litt «uklart» kvar den seinare lensmannen i Herøy voks opp!?

 

Ein ny kjempetakk for framifrå bistand i freistnadane på å løysa denne floka...

[Anne Marie Bøtun Øyri]

Eg finn eit lite notat i boka Soga um Fresvikgodset utgitt i 1924 der det står om garden Simlenes i Fresvik i Sogn: Simlenes indre vart gjeven i faddergåve frå presten Ivar Ivarson Leganger til Hans Leganger. 

Viss det stemmer så må dette då vera rundt 1760. Simlenes skulle høyra til prestegodset på den tida, men i pantebøkene er det første eg finn at Simlenes vart seld frå

ein Botolv Olson i 1793.