Byregardane på Vinstra

[Ole Christian Risdal]

Eg driv og granskar på korleis Vinstra i Nord-Fron såg ut i gamle dagar. Byre er det gamle namnet på Vinstra. Det var opprinneleg ein Byre-gard, men den vart delt i tre i 1668. Det var øvre, nordre og søre. Øvre, som var opphavsgarden, og nordre Byre har eg kontroll på, men det er noko diffust når det gjeld søre Byre. Paul Hvattum kjøpte både øvre og søre, samt jordvegen til nordre på 1870-tallet. Nordre Byre vart utgangspunktet for det nye kommunesenteret på Vinstra, medan søre Byre vart oppdelt i samband med danninga av sentrum. Hvattum bygde opp ein ny gard ved Sundbrua, slik at han kunne setje i gang med skysstasjon og landhandel i samband med at jernbanen kom. Den fekk også namnet søre Byre. Det som da er litt rart er at han bygde opp ein ny gard når det allereie eksisterte ein søre Byre-gard. Ei mogleg forklaring kan vere at den låg for langt frå vegen og brua. Er det mogleg å sjå kor søre Byre eigentleg låg, t.d. på eit jordskiftekart frå før 1870? Den nye søre Byre-garden måtte rivast i samband med ny Sundbru i 1986, og den vart da bygd opp att der hovudbølet ein gong låg, på øvre Byre.

 

Er glad for svar!

Mvh Ole Chr. Risdal

[Arkivverket - Anita Riise]

Det er ikkje sikkert der fins så gamle jordskiftekart frå området.

Jordskifteverket har lagt karta sine (samt rettsutskrift frå nyare jordskiftesaker) ut på nett. Du kan finne dei via lenka under. Gå inn på kommune. Trykk deg inn på den aktuelle garden og vidare på saksnummer. Når du kjem inn på sida for info om jordskiftedsaka, kan du få kartet tilsendt ved å trykke på nummeret som står under rubrikken for «Kartnr»:

https://wcarkiv.domstol.no/wcarkiv/kommunelist.wc?ID

Om du kontakter statsarkivet i Hamar via lenka under kan det vere at du kan få lokal hjelp i spørsmålet:

https://www.arkivverket.no/tjenester/bestill-en-enkeltopplysning

[Ole Christian Risdal]

Hei! Takk for hjelpa, men det var dessverre ikkje så gammal sak. Eg skal kontakte Hamar.