S&F/USA: Pastor Bernt Askevold - Gift tre ganger, men kvar kom konene hans frå?

[Torbjørn Igelkjøn]

"Smart match" frå MyHeritage:

 

Jenny Gabriella Askevold (født Johnson)

MyHeritage familietrær

JohnsandPaulsen in Johns/Paulsen Family Tree administrert av Edward Johns (Kontakt)

Født:	1. jan 1876 - Arkdale, Adams Co, Wisconsin, USA
Død:	21. juli 1903 - Ossian, Winneshiek Co, Iowa, USA
Foreldre:	John Larson Johnson, Lisa Johannesdotter Johnson (born Myhre)
Søsken:	Carl Marcus Johnson, Alma Louise Johnson, Inger Johannah Johnson, Lise Josephine Johnson
Mann:	Bernt Madsen Askevold
Sønn:	Gerhard Johannes Askevold

 

(Fleire identiske matchar)

 

https://www.myheritage.no/matchingresult-430a9c2b1da2b836365e8ee669240639?auth=b2645f831c50523c1dddb0b8e7fdd73c&callback_token=77P50emwuA4uBjsGZmmaGhhti82NU1DknYsNbmlZ&trn=partner_Geni&trp=match_button_tree#smart_matches

Endret November 28, 2019 av Torbjørn Igelkjøn

[Lars E. Øyane]

Hjarteleg takk til Gisle for meldingar frå 1.12.  Eg seier meg lei for seint svar, men du har jo forsovidt finne svaret på eige hand!

 

Likevel vil eg gjerne få syna fram den teksten som eg publiserte i band XI av bygdebokserien for Luster, plassen Sva 1 under gnr. 172, Sjøtun:  Kanskje kan du supplera detalhane som manglar kring fødslene til Karen Erickson og Ingeborg Landsverk, dei andre konene til Bernt Askevold?

 

~~~~~~~~~~~~~

 

Lars Johannesson Sjøthun, frå Haugen under Elvetun, vart døypt 27.12.1801 og d. som legdelem på Sva 29.11.1869.  Han gifte seg 29.6.1835 med Martha Arnesdotter frå Kalhagehaugen under Beim.  Ho vart døypt 26.8.1804 og d. som legdelem i Sjøtun 2.12.1876.  Lars og Martha fekk kring 1837 rydda seg ein liten heim på Sva, og her vart dei baunde som strandsitjarar levetidi ut.  Dei fekk fire born i lag, men Martha hadde òg to søner frå før:

 1. Sjur Arneson (1825-1903), son av Martha og husmann Arne Sjurson i Haugen under Valaker (1802-1889), vart strandsitjar på ein plass under Marifjøra almenning.

 2. Peder Hansson (1832-1834), var son av Martha og strandsitjar Hans Hansson på feste nr. 11 under Sjøtun (1806-1874).

 3. Johanna Larsdotter, f. 17.3.1836,

Johanna Larson utvandra til Amerika i 1866 og gifte seg i Freeborn Co., Minn. 28.6.1870 med Peder Christenson, son av husmann Christen Pederson frå Trondaplassen under Holsete i Hafslo (1798-1856), i Amerika kjend som Peter C. Walwick.  Han var f. i Hafslo 5.5.1829, men flytte alt kring 1830 med foreldri sine til Romsdalen og sidan til Valvik i Bodø.  Han utvandra til Amerika frå Bergen i 1864.  Peter var snikkar (“carpenter”), og han og Johanna budde først i Strongs Prairie township, Adams Co., Wis., men flytte kring 1875 til North La Crosse, La Crosse Co., Wis. der Johanna d. 14.12.1880.  Peder gifte seg 8.6.1881 att i La Crosse Co., Wis. med Maria Mikkelsdotter frå Skjønsby i Ringsaker, i Amerika kjend som Mary Mikkelson.  Ho var dotter av husmann Mikkel Pederson på ein plass under Skjønsby, opphavleg frå Kolstadeiget, og kona Agnetha Eriksdotter frå Stokkeeiget i Vardal og f. i Ringsaker 2.3.1849.  Ho utvandra visstnok til Amerika med foreldri sine i 1865.  Peter og Mary vart buande i North La Crosse, La Crosse Co., Wis. der Peter d. 1.10.1923.  Mary Walwick d. same staden 29.1.1932.  Peter fekk tre born, to frå første ekteskapet og eitt frå det andre:

a. Martha Regine Walwick, f. i Adams Co., Wis. 9.5.1871, d. i Portland, Ore. 3.8.1950.  Martha gifte seg i La Crosse Co., Wis. 2.4.1892 med Nils Olson frå Torke i Vardal, i Amerika kjend som Nels O. Hagen.  Han var son av husmann Ole Jonasson i Torkehagen øvre under Torke, opphavleg frå Hundseiget, og kona Nicoline Olsdotter frå Amlistua under Ås på Vestre Toten, men f. i Vardal 6.8.1865.  Han utvandra til Amerika i 1887 og d. i Hood River, Ore. 3.7.1943.  Nels var sagbruksarbeidar (“sawmill worker”), og han og Martha budde først i La Crosse, La Crosse Co., Wis., men flytte i 1900 med sagbruksmeisteren til Hood River, Hood River Co., Ore.  Frå 1904 var dei busette nær Odell, Hood River Co., Ore. der dei hadde jordbærdyrking som attåtnæring (”strawberry farmers”).  Dei fekk ti born i lag.

b. Peter Christian Walwick, f. i Adams Co., Wis. 14.4.1873, d. i Pasadena, Cal. 1.1.1949.  Han gifte seg i Minneapolis, Minn. 19.5.1902 med Catherine A. Condon Hills.  Ho var dotter av Patrick Condon og Margaret Dailey og f. i Cork, Cork Co., Irland 13.3.1877, men utvandra til Amerika med foreldri sine i 1880.  Ho hadde vore gift ein gong før .  Catherine d. i Duarte, Cal. 3.4.1960.  Peter Walwick var lagerarbeidar (“wholesale shipping clerk”), medan Catherine var kontordame (“stenographer”).  Dei budde mange år i Minneapolis, Hennepin Co., Minn., men flytte i 1935 til El Monte og sidan til San Gabriel, båe stader i Los Angeles Co., Cal.  Dei fekk ei dotter i lag.

c. Anna Mathilde Walwick, f. i La Crosse Co., Wis. 12.7.1885, d. i La Crosse, Wis. 26.6.1971.  Anna gifte seg ?.11.1903, dato og stad ukjende, med Ernest Parker Bledsoe, f. i Rock Island Co., Ill. 13.5.1886.  Han d. i Madison, Wis. 30.12.1962.  Ernest var restaurantkokk og sidan kommunearbeidar (”restaurant cook and city worker”), og han og Anna budde levetidi ut i La Crosse, La Crosse Co., Wis.  Dei fekk ein son i lag.

 4. Arne Larsson (1839-1915), vart husmann i Hagen under Kjos.

 5. Jens Larsson, f. 22.1.1842,

Jens Larsson flytte i 1858 til Solund der han 31.12.1864 gifte seg med Barbro Olsdotter frå Hardbakke i Solund.  Ho var dotter av gardbrukar Ole Knutson på Hardbakke, opphavleg frå Halland, og kona Magdeli Olsdotter frå Kjelby og f. i Solund 28.5.1847.  Jens og Barbro var først plassfolk under Hardbakke i Solund, men flytte kring 1884 til ein plass under Indrevær i Solund der Jens livnærte seg som fiskar.  Jens d. på Indrevær 25.11.1892, medan Barbro d. som enkje same staden 16.3.1923.  Dei fekk ti born i lag:

a. Martinus Jensson Hardbakke, f. i Solund 18.1.1865, d. i Solund 4.4.1865.

b. Anna Marie, kjend som Marie Jensdotter Hardbakke, f. i Solund 7.12.1869, d. i Bergen 23.5.1935.  Marie flytte i 1884 til Bergen der ho 21.7.1902 gifte seg med Jacob Olai Jacobson Absalonsen, f. i Bergen 21.9.1866.  Han d. i Bergen 15.10.1930.  Jacob var skomakar, og han og Marie budde i Solheimsviken, Årstad i Bergen.  Dei fekk seks born i lag.

c. Ludvig Johan Jensson Hardbakke, kjend som Ludvig Harbak, f. i Solund 14.1.1873, d. som snikkar i Svolvær 25.4.1927.  Ludvig flytte i ung alder til Ankenes i Ofoten der han 11.7.1900 gifte seg med Jenny Franciska Larssen, f. i Vågan 8.5.1879.  Ho d. som enkje på sjukestova i Svolvær 8.1.1960.  Ludvig var snikkar, og han og Jenny var frå kring 1901 busette i Svolvær i Vågan.  Dei fekk fem born i lag.

d. Johan Severin Jensson Hardbakke, f. i Solund 6.7.1875, d. i Solund 1.10.1877.

e. Oline Margrethe, kjend som Line Jensdotter Indrevær, f. i Solund 19.1.1878, d. på Laksevåg 6.12.1969.  Oline flytte i 1902 til Bergen og gifte seg i Årstad, Bergen 22.11.1902 med enkjemannen Jacob Bertin Magneson Oen frå Oen på Herdla, f. på Herdla 28.11.1878.  Han d. på eit sjukehus i Bergen 28.2.1958.  Jacob Oen var verftsarbeidar, og han og Line budde på Laksevåg.  Dei fekk seks born i lag, men Jacob hadde òg ein son frå første ekteskapet sitt.

f. Johan Jensson Indrevær, f. i Solund 19.10.1880, miste livet ved eit ulukkeshende ved Kvalvik i Solund 8.2.1923.  Han gifte seg på Askøy 31.5.1909 med Hansine Pedersdotter Hetlevik frå Hetlevik på Askøy, f. på Askøy 7.7.1890.  Ho d. som fiskarenkje på Hetlevik, Askøy 24.6.1961.  Johan var fiskar, og han og Hansine budde på Indrevær i Solund, men Hansine flytte som enkje attende til Hetlevik på Askøy der ho sidan livnærte seg som sildefabrikkarbeidar.  Dei fekk fire born i lag.

g. Ole Jensson Indrevær, f. i Solund 16.5.1883, d. på sjukehuset i Larvik 2.8.1972.  Ole gifte seg i Krosskyrkja i Bergen 4.6.1906 med Kristine Nilsdotter Kjæregaard, f. på Herdla 1.9.1882.  Ho d. på Indrevær 26.11.1962.  Ole Indrevær var fiskar, og han og Kristine budde på Indrevær i Solund.  Dei fekk fem born i lag.

h. Jørgine Bergitte Jensdotter, f. i Solund 11.4.1885, d. i Solund 1.11.1885.

i. Jørgen Bertin Jensson Indrevær, kjend som Jorgen Jensen, var f. i Solund 3.2.1887, men utvandra til Amerika i 1906.  Han fór då til De Forest, Dane Co., Wis. men d. i Keene, McKenzie Co., N.D. 10.9.1956.  Jorgen gifte seg i Minot, N.D. 3.1.1924 med enkja Jessie f. Buck.  Ho var f. i Rice Co., Minn. 11.12.1878 og d. i McKenzie Co., N.D. 4.2.1955.  Ho gifte seg første gongen kring 1903, dato og stad ukjende, med Ole K. Jore, f. i Houston Co., Minn. 16.12.1878.  Han d. i McKenzie Co., N.D. 10.2.1920.  Ole og Jessie farma i Berg precinct, McKenzie Co., N.D., medan Jorgen og Jessie farma i Hawkeye township, McKenzie Co., N.D.  Dei fekk ikkje born i lag, men Jessie hadde to søner frå første ekteskapet sitt.

j. Johanna Jensdotter Indrevær, kjend som Hannah Jensen, var f. i Solund 1.3.1889, men utvandra til Amerika i 1913.  Ho fór då til skyldfolk i White Earth, N.D., men d. i Glendora, Cal. 19.12.1978.  Hannah budde ei tid hjå bror sin i Hawkeye township, McKenzie Co., N.D., men gifte seg i Minot, N.D. 1.6.1921 med Fred Hanson.  Han var f. i Buchanan Co., Ia. 17.9.1881 og d. i Minot, N.D. 23.4.1949.  Fred og Hannah busette seg i Minot, Ward Co., N.D. der Fred livnærte seg som kolhandlar, lastebilførar og vaktmeister (”coal dealer, truck driver and school custodian”).  Som enkje flytte Hannah til Glendora, Los Angeles Co., Cal.  Ho fekk to born, ein son før ekteskapet og ei dotter med Fred.

 6. Johannes Larsson, f. 22.12.1846,

John L. Johnson utvandra til Amerika i 1867 og gifte seg i Adams Co., Wis. 1.1.1873 med Lisa Johannesdotter frå Nordmyren, Fløgstad i Ullensaker, i Amerika kjend som Lizzie Myhre.  Ho var dotter av sølvsmed og gardbrukar Johannes Gulbrandson på Nordmyren, Fløgstad, opphavleg frå Ovri på Eidsvoll, og kona Karen Marie Hansdotter frå Trandumsbotten og f. i Ullensaker 4.2.1847, men utvandra til Amerika med foreldri sine i 1854.  John og Lizzie farma først i Strongs Prairie township, Adams Co., Wis., men flytte våren 1884 til ein farm i Sandnes township, Yellow Medicine Co., Minn.  I 1900 tok dei pensjon og flytte til Willmar, Kandiyohi Co., Minn.  John d. i Willmar, Minn. 26.7.1914, medan Lizzie Johnson d. same staden 16.7.1930.  Dei fekk fem born i lag:

a. Carl Marcus Johnson, f. i Adams Co., Wis. 2.1.1874, d. i Minneapolis, Minn. 8.6.1958.  Carl var arbeidar (”laborer”) og budde i Willmar, Kandiyohi Co., Minn., men flytte sidan til Minneapolis, Hennepin Co., Minn. og som pensjonist til Isle, Aitkin Co., Minn.  Han var ugift.

b. Jenny Gabriella, kjend som Ella Johnson, f. i Adams Co., Wis. 1.1.1876, d. i Ossian, Ia. 21.7.1903.  Ella gifte seg i Cottonwood, Minn. 12.5.1897 med enkjemannen Bernt Madson, opphavleg frå Askevold i Askvoll, i Amerika kjend som Bernt Askevold.  Han var son av gardbrukar Mads Mathiasson på Askevold og kona Ingeborg Pedersdotter frå Askevoldsøyri og f. i Askvoll 16.5.1846.  Bernt var ei tid lærar i Askvoll og sidan i Bergen, men utvandra til Amerika i 1873 der han i fleire år var lærar (“school teacher”) ved Root River i Fillmore Co., Minn.  Han gifte seg første gongen i Fillmore Co., Minn. 22.5.1879 med Karen O. Erickson, f. i Fillmore Co., Minn. kring 1862.  Karen d. i Tracy, Minn. 6.4.1885, og Bernt gifte seg andre gongen i Minneapolis, Minn. 15.9.1886 med Ingeborg Olene Landsverk, f. i Wisconsin 31.1.1862.  Ingeborg d. i Tracy, Minn. 22.1.1896.  Bernt tok presteeksamen i 1882 og virka sidan som prest (“Lutheran Minister”) i Tracy, Lyon Co., Minn. 1882-1899, i Pensacola, Escambia Co., Fla. 1899-1900, i Decorah, Winneshiek Co., Ia. 1900-1902 og i Ossian, Winneshiek Co., Ia. 1902-1912.  I 1912 fór Bernt attende til Noreg, men utvandra på ny i 1913 og var sidan immigrantmisjonær (“immigrant missionary”) i Brooklyn, N.Y. til han i 1920 for godt flytte attende til Noreg som pensjonist.  Han d. på Øyra under Askvoll prestegard i Askvoll 10.6.1926.  Bernt Askevold fekk i alt fire born, eitt frå første ekteskapet og to frå det andre, som alle d. kort etter fødsli, og ein son frå tredje ekteskapet med Ella Johnson, som voks opp.

c. Alma Louise Johnson, f. i Adams Co., Wis. 14.10.1878, d. i Minneapolis, Minn. 5.5.1974.  Alma var lærar (”school teacher”) og budde mange år i Willmar, Kandiyohi Co., Minn., men flytte sidan til Minneapolis, Hennepin Co., Minn., ugift.

d. Inger Johanne, kjend som Johanna Johnson, f. i Adams Co., Wis. 18.9.1881, d. i St. Paul, Minn. 8.5.1921.  Johanna gifte seg i Kandiyohi Co., Minn. 16.6.1915 med Gustave Louis Johnson, f. i Ramsey Co., Minn. 3.3.1887.  Han d. i Minneapolis, Minn. 28.9.1975.  Gustave var kredittkontrollør (“credit manager”), og han og Johanna budde i St. Paul, Ramsey Co., Minn.  Dei fekk ein son i lag.

e. Lisa Josephine, kjend som Josie Johnson, f. i Yellow Medicine Co., Minn. 7.7.1884, d. ugift i Willmar, Minn. 14.3.1904.

 

~~~~~~~~~~~~~

 

Eg takkar for hjelpi og vonar dette kan ha interesse.

[Gisle Hersvik]

6 hours ago, Lars E. Øyane said:

b. Jenny Gabriella, kjend som Ella Johnson, f. i Adams Co., Wis. 1.1.1876, d. i Ossian, Ia. 21.7.1903. 

 

Ella gifte seg i Cottonwood, Minn. 12.5.1897 med enkjemannen Bernt Madson, opphavleg frå Askevold i Askvoll, i Amerika kjend som Bernt Askevold.  Han var son av gardbrukar Mads Mathiasson på Askevold og kona Ingeborg Pedersdotter frå Askevoldsøyri og f. i Askvoll 16.5.1846.  Bernt var ei tid lærar i Askvoll og sidan i Bergen, men utvandra til Amerika i 1873 der han i fleire år var lærar (“school teacher”) ved Root River i Fillmore Co., Minn. 

 

Han gifte seg første gongen i Fillmore Co., Minn. 22.5.1879 med Karen O. Erickson, f. i Fillmore Co., Minn. kring 1862.  Karen d. i Tracy, Minn. 6.4.1885, og

 

Bernt gifte seg andre gongen i Minneapolis, Minn. 15.9.1886 med Ingeborg Olene Landsverk, f. i Wisconsin 31.1.1862.  Ingeborg d. i Tracy, Minn. 22.1.1896. 

 

Bernt tok presteeksamen i 1882 og virka sidan som prest (“Lutheran Minister”) i Tracy, Lyon Co., Minn. 1882-1899, i Pensacola, Escambia Co., Fla. 1899-1900, i Decorah, Winneshiek Co., Ia. 1900-1902 og i Ossian, Winneshiek Co., Ia. 1902-1912.  I 1912 fór Bernt attende til Noreg, men utvandra på ny i 1913 og var sidan immigrantmisjonær (“immigrant missionary”) i Brooklyn, N.Y. til han i 1920 for godt flytte attende til Noreg som pensjonist. 

Han d. på Øyra under Askvoll prestegard i Askvoll 10.6.1926.  Bernt Askevold fekk i alt fire born, eitt frå første ekteskapet og to frå det andre, som alle d. kort etter fødsli, og ein son frå tredje ekteskapet med Ella Johnson, som voks opp.

 

_______________________________________________________________________________________________________

Karen O. Erickson, f. i Fillmore Co., Minn. kring 1862.  Karen d. i Tracy, Minn. 6.4.1885,

- eg har notert at ho vart f. 22.5.1862 - info er vel frå gravstøtta; https://www.findagrave.com/memorial/171352275/karen-askevold.

- mtp foreldra hennes har eg gått ut frå at følgande info er korrekt (far hennes med kone og 4 barn linka saman på FaG): https://www.findagrave.com/memorial/171929127/gunder-e_-odegaarden [Gunder sin (FS) dåp: https://www.familysearch.org/ark:/61903/1:1:N4K1-BTL]

- Står "O." for "Odegaarden" ?

- Faren til Karen kom altså frå Krødsherad, men kvar kom mora hennar (Berthe Fingalsdtr.) frå? Finnes det ei bygdebok som omtaler desse?

 

Ingeborg Olene Landsverk, f. i Wisconsin 31.1.1862.  Ingeborg d. i Tracy, Minn. 22.1.1896

- eg har notert at ho vart f. 31.1.1861 i Goodhue Co., Minn. - kva er rett årstal?

- foreldra har eg notert som John Ellefsen Landsverk (1815-1886) [https://www.findagrave.com/memorial/91320130] og Olava Johnsdtr. S (=Soustad?) (1818-1911) [https://www.findagrave.com/memorial/91320131], men kvar kom dei frå?

[Egil Johannessen]

6 timer siden, Gisle Hersvik skrev:

Ingeborg Olene Landsverk, f. i Wisconsin 31.1.1862.  Ingeborg d. i Tracy, Minn. 22.1.1896

- eg har notert at ho vart f. 31.1.1861 i Goodhue Co., Minn. - kva er rett årstal?

 

The U.S., Evangelical Lutheran Church in America Church Records, 1781-1969
Name:    Ingebor Olene 
Baptism Age:    0
Record Type:    Baptism
Birth Date:    31 Jan 1861
Baptism Date:    6 May 1861
Baptism Place:    Stoughton, Wisconsin, USA
Father:    John Laudinsdtr - står Landsværk i originalen
Mother:    Olava Johnsdr
Church Name:    First Lutheran Church
Church Location:    Stoughton, Wisconsin

[Egil Johannessen]

6 timer siden, Gisle Hersvik skrev:

Karen O. Erickson, f. i Fillmore Co., Minn. kring 1862.  Karen d. i Tracy, Minn. 6.4.1885,

- eg har notert at ho vart f. 22.5.1862 - info er vel frå gravstøtta;

 

The U.S., Evangelical Lutheran Church in America Church Records, 1781-1969
Name:    Karen Gundrsen Odyaardsen
Record Type:    Confirmation
Birth Date:    22 May 1862
Confirmation Date:    29 Oct 1876
Father:    Gunder Odegaard
Church Name:    Root Prairie Lutheran Church
Church Location:    Fountain, Minnesota

Endret Desember 16, 2019 av Egil Johannessen