Makeskifte Haukland i Vefsn i tida 1625-1675

[Knut Skorpen]

Mikal Jakobsen skriv i «Alstahaug Kanikgjeld» på s. 78 om  eigedommane til soknepresten på Alstahaug (rundt 1679?), blant dei «Jomfruremmen med Haukland [og] Volden som nogen tid før var mageskiftet fra kronen». Eit slikt makeskifte kan forklare at bøndene på «Hoglanndt» betalte fem pund fisk i landskyld til kongen i 1611/12, ifølgje lensrekneskapen for Nordlandenes len. Slik er situasjonen fram til og med 1625/26. I denne perioden kan vi ikkje sjå at det er betalt bygsel eller tredjeårstake av Haukland. Det var altså berre sjølve landskylda som høyrde kongen til, ikkje bygselsretten.

Eg skulle gjerne funne eit makeskiftebrev som kan stadfeste denne teorien. Eit fritekstsøk på "makeskiftebrev" gav mange treff, https://www.digitalarkivet.no/search/sources?s=makeskiftebrev&from=1600&to=1649&format=all&archive_key=

men  dette er materiale eg ikkje har arbeidd med, og eg finn ikkje fram til noko som kan gjelde eit makeskifte mellom kongen og soknepresten på Alstahaug i perioden 1625-1675.

Eg ser elles at situasjonen kan ha vore tilsvarande for ein gard i Marka (Nermarka/Føymarka/Foldmarka) (laus landskyld til kongen i 1640/41).

1) Kan nokon gi meg tips som kan hjelpe meg å finne eit slikt makeskiftebrev?

2) Vil mangel på makeskiftebrev indikere at teorien er feil?

Endret Mars 13, 2020 av Knut Skorpen