Henrik Eilers frå Delmenhorst - borgarskap i Bergen 1627 - gift med ei jente frå Fuhr i Luster (av «Heiberg»-ætti) - ho fekk visstnok innvilga skilsmål av Kong Christian IV - detaljar om dette?

[Lars E. Øyane]

I dette emnet vil eg gjerne ta til med følgjande:

 

* Borgarskap i Bergen 1627: Henrich Eilers frå Delmenhorst: https://www.digitalarkivet.no/nn/search/persons/advanced?from=&to=&firstname=Henrik&lastname=Eilers&birth_year_from=&birth_year_to=&birth_date=&birth_place=&domicile=&position=&event_year_from=&event_year_to=&event_date=&related_first_name=&related_last_name=&related_birth_year=

 

Kanskje er dette same mann som dukkar opp:

 

* Koppskatten i Bergen 1645: Henrich Eillertsen: https://www.digitalarkivet.no/nn/view/112/pt00000000038288

 

* Formuestaksering Bergen 1657: Hendrich Ellertsen Weffuers: https://www.digitalarkivet.no/nn/view/257/pc00000001158543

 

Kanskje er dette ein son hans Henrik: Jan Elers Weffuer, fadder 1686: https://www.digitalarkivet.no/nn/view/255/pd00000005740553

 

og likeins denne: Jon Henrichsen Weffuer, fadder 1674: https://www.digitalarkivet.no/nn/view/255/pd00000005925539

 

og denne: Jan Ellersøn Wefuer, fadder 1690: https://www.digitalarkivet.no/nn/view/255/pd00000005929544

 

Henrik Eilers fekk i ekteskapet med jenta frå Fuhr ei dotter, Susanna fødd kring 1640.  Ho voks opp i Luster og vart gift med gardbrukar Peder Monsson på Eide.

 

På ein av nabogardane til Eide, Hauge i Luster, budde gardbrukar Hermund Erikson.  Han vart enkjemann i 1640-åri og gifte seg att med Anna Andersdotter frå Fuhr.  Denne jenta hadde vore gift og budde i Bergen, men laut rømma frå mann sin, og etter løyve frå sjølvaste Kong Christian IV fekk ho løyve til skilsmål for å gifta seg att med Hermund Erikson!  Skilsmål var ikkje særleg vanleg på den tidi, og det faktum at Susanna Eilers voks opp i Luster, talar sterkt for at det var Anna som hadde vore gift i Bergen med Henrik Eilers!

 

So er spørsmåli:

 

* Finst det tilgjengelege kjelder som kan stadfesta dette skilsmålet?

 

* Finst det rettsdokument eller andre kjelder i Bergen som kan bidra med biografiske opplysningar om Henrik Eilers?

 

Eg takkar so mykje på førehand for alle gode tips!

[Lars Johannessen]

Det gir ikke svar på spørsmålet ditt, men en artikkel i Bergens Arbeiderblad 8. november 1969, om Bryggesporen 2, angir at Henrich Eilers var gift med Alche Wintz, som overtok eiendommen etter ham. 

 

[Lars E. Øyane]

Innlegg #3:

 

Hjarteleg takk til Lars J. for eit spennande innlegg!

 

Me talar utan tvil om den same Henrik Eilers frå Delmenhorst.  Eg trur at Henrik var gift i alle fall tre gongar.  Han skal ha vore enkjemann då han gifte seg med dotteri til Anders Larsson frå Fuhr i Luster, og han vart utan tvil ogso attgift etter han var skild frå andre kona si.  Eg vil tru Jan Eilers «Weffuer» var frå ekteskapet med Alche Wintz.

 

Elles ser eg at Claus Marchmand gifte seg i 1682 med ei Elen Rasmusdotter, og dei fekk minst tre born.  So Claus var ingen svigerson...: https://www.digitalarkivet.no/view/327/pv00000000074961

 

Eg takkar på ny for alle gode tips om denne Eilers-huslyden!