Svante Herdin Andersson, fødd i Sverige - gift i Wisconsin 1882 - opphav og lagnad?

[Lars E. Øyane]

Eg har i dag motteke ein kopi av avisartikkelen som sist i juli 1896 vart prenta i Stoughton, WI om Svante "Sven" Andersson. Artikkelen er ganske lang, men har ikkje noko særleg å seia om ætti hans.

 

Swen Anderson, som han er kalla, drukna i ei elv i Stoughton, WI, og det var ei ganske so "spesiell" form for bading! Han vert oppgjeven vera "om lag" 50 år (er oppgjeve i den artikkelen eg har motteke, hin artikkelen seier truleg "om lag" 45 år(!)). Han var "well known as a somewhat dissolute character." Vidare kan ein lesa: "It appears, from the testimony of the boys who saw the man drown, that Anderson went in bathing with them taking with him a bottle partly filled with whisky. He seemed to be intoxicated when he disrobed and plunged into the river. He at once struck out for deep water and quickly disappeared. Twice or three times, the boys say, he rose to the surface, the last time the body drifting into the current and floated slowly down the stream." Dei som var vitne til dette, sprang til barneheimen like ved for å henta hjelp, men då var jo mannen alt livlaus! Dagen etter gav etterforskingi som resultat at mannen var omkomen ved eit ulukkeshende!

 

Denne artikkelen fekk meg til å tenkja på Leif Juster og "tre mann i ein båt". Det var nok ikkje berre Swen Anderson som var "bedogga" den onsdags ettermiddagen som dette skjedde!

 

Heilt til sist står det so: "The body will be buried at county expenses, as the dead man was without relatives, friends or money."

 

Dette siste tolkar eg slik at Bertha og Sven må ha skilt lag ganska snart etter at dei vart gifte og fekk sonen Alfred, noko som òg forklarar at Bertha og ogso sonen Alfred tok namnet OLSON!

 

Desse opplysningane gjer det vel ikkje enklare å finna det svenske opphavet til Svante "Sven", men det hadde vore spennande å sjekka ut dei "kandidatane" som Sven (Hjortland) presenterte ovanfor (sjå innlegg #21)!

 

Eg takkar på ny for alle gode tips!

 

Med venleg helsing,

 

Lars E. Øyane