[#619] På Friederichsteens Fæstning, men ikkje i landsomf

[Gjest Knut Skorpen]

Eg leita lenge etter Truels Hansen før eg ved eit tilfelle fann han på Friederichsteen. Det merkelege er at eg ikkje finn han på landsomfattande søk i 1801-teljinga, men når eg går gjennom Østfold og Friderichsteens Fæstning og søkjer på fornamn lik "Truels", då er han der.For å prøve systemet søkte eg på systera, "Regina Heiberg". Ved landsomfattande søk i 1801 fann systemet ingen person med det namnet, men ho dukkar opp når eg går via Østfold og Friederichsteen.Eg forstår at de har mykje å gjere, og vil ikkje mase på at dette problemet skal løysast. Men eg vil gjerne ha svar på om det er eit generelt problem at ikkje alle personar med eit visst namn nødvendigvis dukkar opp når vi søkjer landsomfattande. Eg - sikkert med fleire - har nokre personar som eg ikkje har funne i 1801 -teljinga, etter å ha søkt landsomfattande. Kanskje er dei der, likevel?

[Gjest Jan Oldervoll]

Alle er der. Men system har problem med første kommunen i landet; for 1801 Fredriksten. Fordi ein heilt ny, og mykje meir fleksibel, versjon av landsomfattande søk er under arbeid, kjem eg ikkje til å retta denne feilen.

[Gjest Knut Skorpen]

Om problemet berre gjeld ein kommune forstår eg godt at de ikkje prioriterer å rette denne feilen. Eg får heller sjå fram til å kunne bruke fantasien på betre søkefunksjonar i ein ny versjon. For sjølv om du seier "alle er der", så er det folk eg veit har levd som eg ikkje finn. mvh Knut

[Gjest Jan Oldervoll]

Dei er der i den forstand at namn frå dei einskilde teljingane er med i landsomfattande søk, sett bort frå første kommune.