[#7972] Nils Olson - Hafslo - Bremanger - Sunnmøre??

[Gjest Lars E. Øyane]

Nils Olson, son av Ole Ellefson og Susanna Hansdotter på Mo i Hafslo og døypt 24.6.1747, var i 1779 sagt å vera busett på Sunnmøre, men kan godt vera identisk med ein Nils Olson som med kona Orlaug Andersdotter fekk ei dotter Susanna døypt i Bremanger 10.10.1776 (kjelde FamilySearch). Kalla han opp mor si?Er det nokon med kunnskap om ættene i Bremanger som kan fortelja meg noko meir om Nils og Orlaug?Med venleg helsing,Lars E. Øyane

[Gjest Lars E. Øyane]

Susanna Nilsdotter synes vera eit heller uvanleg namn på desse kantar, og ymse kan tyda på at dotteri til Nils Olson og Orlaug Andersdotter, fødd i Bremanger 1776, kan vera identisk med den Susanna Nilsdotter, 27 år, som i 1801 tente på Vågsberget i Selje og som i 1804 gifte seg med Lars Jeremiasson, gardbrukar på Nordpollen i Selje. Denne Susanna døydde i 1844.Selje ligg mellom Bremanger og Sunnmøre. Er det nokon som har kjennskap til Susanna Nilsdotter på Nordpollen i Selje?Takkar hjarteleg for eventuelle oppklarande opplysningar!Med venleg helsing,Lars E. Øyane