Søk i nettsamfunnet

Etter at Ivar Moe i dag har henta fram rettsdokument on denne sogningen som i mange år sat fengsla på Akershus festning for tredje gongs tjuveri, fekk eg lyst til å leggja ut denne utfordringi i Brukarforum. Eg jobba med denne huslyden på 1980-talet, men fann lite eller inkje ut om dei tre borni som levde att då mori døydde i barselseng i 1831. Her følgjer eit oppdatert manuskript: ~~~~~~~~~~~~ Aamund Henrikson {Leirmo}, døypt i Hafslo 23.2.1800, Aamund Leermoe flytte til Bergen i samband med militærtenesta si og gifte seg i Krosskyrkja der 1.6.1828 med Bertha Andersdotter frå ##### (kvar var ho oppvaksi? – Kaupanger?) i Sogndal. Ho var dotter av husmannssonen Anders Johannesson frå Uri under Kaupanger og husmannsdotteri Margretha Rasmusdotter frå Strondi under Ølnes, sidan gift og busett i Sogndalsfjøra, og vart døypt i Sogndal 22.7.1804. Aamund vart sidan dagarbeidar, og parfolket budde mellom anna i Værftsgaten i Bergen. Men Bertha d. i barselseng i Bergen alt 24.7.1831, og det var visstnok ikkje lenge etter at Aamund kom i konflikt med lovi. Han vart i 1835 dømd til tukthusstraff for tjuveri, og dette gjentok seg to goinger, og i 1840 vart han dømd til livsvarig. Han vart etter ei tid i Bergen overført til Akershus festning i Christiania (Oslo) der han framleis sat i 1865, men vart sidan lauslaten og d. som almisselem i Bergen 23.9.1874. Aamund og Bertha fekk tre born i lag: a. Karen Margrethe Aamundsdotter, f. i Bergen 21.12.1825, ##### (lagnaden hennar? - levde i 1885!) b. Henrikke Johanne Aamundsdotter, f. i Bergen 29.1.1829, d. som enkje på Nedre Møllendal i Årstad 6.9.1885. Henrikke gifte seg i Årstad 1.11.1863 med Rasmus Nilsson frå ##### (kvar oppvaksen? – fødd på Stivold i Førde – p: husmann Nils Zachariasson og Kari Baardsdotter) f. i Førde 2.4.1835. Han d. som garvarsvein i Bergen 30.10.1875. Rasmus Nilsen var garvarsvein, og han og Henrikke bdde på Fløen nordre i Årstad, men flytte sidan inn til Bergen. ##### (sjekka bustad: 1865: bus. Fløen nordre i Årstad – 1875: Henrikke enkje og innerst, vaskekone Nedre Møllendal i Årstad) Dei var barnlause. c. Berent Andreas Aamundson, f. i Bergen 19.7.1831, ##### (lagnaden hans? - d. før 1885) ~~~~~~~~~~~~ Som me ser, er eg heilt framleis «heilt blank» når det gjeld lagnadane til Karen Margrethe og Berent Andreas, men dei bør nok finnast der ute, ein eller annan stad!? Dødsmeldingi etter Henrikke frå 1885 (langt nede på høgre side) seier at ho let etter seg ei myndig søster: https://media.digitalarkivet.no/view/23987/29 Og kanskje er det nokon som kjenner geografien i Førde og som kan supplera med opplysningar om opphavet til Rasmus Nilsson? Eg takkar so mykje på førehand for alle gode tips om denne utfordrande huslyden!