Søk i nettsamfunnet

Eg vil i kveld gjerne få ta opp denne huslyden til drøfting. Kari «Carrie» Christophersdotter Fladhammer (1865-1940) utvandra til Amerika i 1883 og var gift to gongar. Ho døydde barnlaus i Kenyon, MN i 1940. Biografien hennar er so å seia «komplett» om ikkje det var for den første ektemaken hennar, Sivert M. Knudson. Er det mogeleg å seia noko om kven han var? Eg attgjev frå manuskriptet mitt: ~~~~~~~~~~~~~~~~ Kari Christophersdotter {Fladhammer}, f. {i Luster} 23.11.1865, Carrie Fladhammer utvandra til Amerika i 1883 og gifte seg første gongen i Goodhue Co., Minn. 25.10.1887 med Sivert M. Knudson. ##### (who was he? - origin etc.?) So gifte Carrie seg 4.10.1891 att i Goodhue Co., Minn. med Ole Johan, kjend som John O. Fladland, ein son av husmannsdotteri Ingrid Eriksdotter frå Tråi under Kvam øvre i Hafslo (1829-1890), f. i Dane Co., Wis. 17.8.1859. John handla med gravstøtter og monument («tombstone and monument merchant»), og han og Carrie budde i Kenyon, Goodhue Co., Minn. der John d. 30.10.1929. Carrie Fladland d. i Kenyon, Minn. 25.5.1940. Ho fekk ikkje born i nokon av ekteskapi. ~~~~~~~~~~~~~~~~ Namnet Sivert Knudson gjev meg elles ganske spesielle «assosiasjonar». Det var nemlig namnet til den mannspersonen som Maren Christiansdotter frå Urnes i Hafslo - alias Mary Gilbertson - skal ha slege seg i lag med i 1881 då ho forlet heimen sin i Otter tail Co., MN og vart anklagd av mann sin for «utruskap» og «bordellverksemd». Tidspunktet høver i alle fall svært so godt, for den nemnde Severt Knudson, som då budde i Fargo-området i North Dakota ikkje finst i FT1885 for North Dakota!! - sjå elles dette emnet: https://forum.arkivverket.no/topic/203080-maren-christiansdotter-urnes-fødd-hafslo-1851-til-amerika-1854-gift-1870-med-peder-gulbrandson-lagnaden-deira-ei-skikkeleg-utfordring/page/2/ Eg tok i si tid òg opp Severt Knudson som eige tema i Brukarforum og har lista opp dei «kandidatane» eg fann relevante for saki - sjå følgjande tema: https://forum.arkivverket.no/topic/217205-sjur-«sivert»-knutson-nordmann-i-fargo-nd-i-1880-åri-kven-kan-han-ha-vore-ei-kjempeutfordring/?tab=comments#comment-1832225 Eg ville vorte svært so glad om denne Sivert M. Knudson kunne identifiserast! Namnekombinasjonen er ikkje so altfor vanleg, og takkar so mykje på førehand for alle gode tips!

NBNB: Etter at no er vorten klar over at denne Gjertrud OLSDOTTER i Goodhue Co., MN er «feil person», har eg i innlegg #15 nedanfor gjort rede for feilen. Eg let likevel innleggji stå uendra for at opplysningane kan verta nytta i ei eventuell ny utvandrarsoge for Vik i Sogn eller for Kviteseid! Den siste søsteri frå Øygarden i Luster som eg ønskjer å drøfta med dykk i kveld, er Gjertrud. Ho døydde tidleg etter eit stutt ekteskap, men let etter seg ein son! Eg arbeidde mykje med soga hennar då eg var i Amerika for om lag 40 år sidan, og resultatet av forskingi mi frå den gongen kjem fram av følgjande oppdaterte manuskript, som eg vonar det i dag kan lata seg gjera noko med: ~~~~~~~~~~~~~~~~ Gjertrud Rasmusdotter {Ødegaard}, f. {i Luster} 10.12.1829, Gertrude Rasmusson utvandra til Amerika i 1850 og gifte seg ##### (date and place of her marriage? - WI about 1856?) med Ole Gjermundson frå Juveland i Kviteseid, Telemark, i Amerika kjend som Ole G. Juveland. Han var son av husmann Gjermund Torbjørnson på ##### (ein plass, men kva for ein?) under Juveland, opphavleg frå ##### (opphavet hans?) og kona Gunnhild Ols­dotter frå ##### (opphavet hennar?) og f. i Kviteseid 9.4.1826. Han utvandra til Amerika i 1851. ##### (place of their residence?) der Gertrude d. ##### (probably died in childbirth with son Johan Julius!? - unknown where!) Ole gifte seg att ##### (date and place of his 2nd marriage? – about 1858?) med Gunnhild Hansdotter frå Holtan i Sauherad, Telemark, i Amerika kjend som som Julia Hanson. Ho var dotter av ##### (yrkestitel?) Hans Hansson på Holtan, opphavleg frå ##### (opphavet hans?) og kona Gunnhild Larsdotter frå Vegheim ##### (sjekka opphavet hennar?) og f. i Sauherad 24.3.1843. Ho utvandra til Amerika med foreldri sine i 1851. Ole og Julia Juveland slo seg ned som farmarar i Roscoe township, Goodhue Co., Minn. der Ole d. 26.11.1899. Julia Juveland d. i Zumbrota, Minn. 30.1.1919. I andre ekteskapet med Julia fekk Ole ##### (number of children? – eleven?) men han hadde òg ein son frå første ekteskapet med Gertrude Rasmusson: a. Johan Julius Juveland, f. ##### (place of his birth?) 22.3.1857, vart døypt 2.6.1857 av pastor P. A. Rasmussen og voks opp hjå faren og stemori i Goodhue Co., Minn., ##### (what became of Johan Julius??) ~~~~~~~~~~~~~~~~ Eg takkar so mykje på førehand for alle gode tips!

Dette er ei gåte som eg har hatt liggjande på skrivebordet sidan 1980, men som aldri nokon har greidd å løysa. Kanskje ekspertisen i Brukarforum greier å gjera noko med det no? Henrik Christopherson Fladhammer, fødd i Luster 29.7.1874, var berre 13 år gamal då han i 1887 følgde søsteri Andrea «Annie» til Amerika. I 1980 var eg i kontakt med born etter ei anna søster i Minneapolis, MN, og dei fortalde meg følgjande: «Uncle Henry was a farm laborer and a carpenter and lived in Wanamingo, Goodhue Co., MN until he disappeared about 1918. He was never heard from again!» Denne utsegni står framleis ved lag, men det som er merkeleg her, er at eg ikkje finn Henrik i nokon av folketeljingane frå før 1918, korkje i 1895, 1900 eller i 1910. Kan nokon hjelpa meg på veg? Eg takkar so mykje på førehand for alle gode tips om Henrik og lagnaden hans?