Søk i nettsamfunnet

Dette er ein huslyd som eg har slite med i mange år, men som eg aldri har greidd å komma skikkeleg «til bonns» i. Ei òrsak kan vera dei mange måtane som dette ættenamnet vart skrive på i Amerika... Hans Christopherson Høyum, i Amwrika kjend som Hans C. Hoium, fødd i Luster 30.4.1819, gifte seg i Luster 17.1.1843 med Maria Monsdotter Heltne, fødd i Luster 23.1.1819. Etter mange år som gardbrukarar på Skildeim i Luster utvandra dei i 1862 og busette seg som farmarar i Pine Island township, Goodhue Co., MN. Mary døydde i Zumbrota, MN 18.5.1894, medan Hans døydde i Polk Co., MN 2.4.1900. Dei hadde åtte born i lag: * Christopher Hanson Haium, fødd i Luster 15.3.1848, døydde i Barron Co., WI 29.8.1943 - var gift to gongar og budde mange år i Brookings Co., SD og sidan i Spokane Co., WA. Ni born. * Hans Hansson Hoium, fødd i Luster 23.1.1850, døydde i Polk Co., MN 15.1.1928 - var gift tre gongar og budde både i Goodhue Co., MN og i Polk Co., MN. Fire born. * Agatha Hansdotter ?Hoium, fødd i Luster 17.2.1852 - lagnad ukjend! * Ole Hansson Hiam, fødd i Luster 12.6.1854, døydde i Barron Co., WI 8.12.1943 - var gift og budde i Barron Co., WI. Fem born. * Melchior «?Michael» Hansson ?Hoium, fødd i Luster 23.1.1856 - budde med foreldri i 1880 - seinare lagnad ukjend! * Mons Hansson Haim, fødd i Luster 21.12.1857, døydde i Goodhue Co., MN 26.1.1890 - tok over heimefarmen i Goodhue Co., MN, men var ugift. * Thor Christian «Christian» Hansson ?Hoium, fødd i Luster 30.10.1859 - budde med foreldri i 1880 - seinare lagnad ukjend! * Karen Marie «Marie» Hansdotter Hoium, fødd i Luster 7.1.1862, døydde i Goodhue Co., MN 13.9.1882, ugift. So er den store utfordringi følgjande: Er det mogeleg å finna ut noko som helst om dei tre sakna borni? Kanskje finst det obituaries etter foreldri eller nokre av søskeni som han hjelpa oss på veg? Eg takkar so mykje på førehand for alle gode tips!