Search the Community

Eg skriv masteroppgåve i historie om bonderepresentantar til Stortinga 1833 og tom. 1842, der eg særleg ser på deira forhold til haugianske nettverk lokalt. Eg håper å finne ein liten brikke som kan vise meir om kvifor bøndene mobiliserte politisk omkring 1833. Tesa om ei indirekte virkning frå Hans Nielsen Hauge i bondepolitikken går tilbake til Halvdan Koht på 1920-talet, og strekk seg opp til i dag. Eg gjer no ei nærstudie av bønder som blei vald inn frå Romsdals amt i perioden. Ein slik representant var Ole Larsson Qvam, som flytta frå indre Sogn til Bolsøy, Romsdal i 1812. Han gifta seg med Johanna Pedersdotter Ryen i 1820/21, ho var frå ei sterk haugianarslekt. Gjennom boka til J. Utheim frå 1899 har eg fått vite at Esten, bror til Johanna, skreiv dagbok gjennom livet. Han og Ole skal ha hatt ein del kontakt. Eg lurer på om nokon veit noko om ei slik dagbok frå Esten -- finnes den framleis? Det hadde vore utruleg nyttig for meg i analysen av Ole Qvam. Esten: Fødd nær Tolga, flytta til Nordmøre ca 1810 med familien, budde lenge i Torvik, så bytta familien gard med Grendahl-folk på Utheim, Kvernes pr.gj., no Averøy. Gifta seg med ei frå Bolsøy 1832, var klokkar, skulemann, valmann., truleg haugianar, viktig person i Kvernes og omegn. Boka til J. Utheim: https://www.nb.no/items/7b154e463f5ec8683845ae407afddc73?page=0&searchText=j.utheim Takk for alle svar!