Søk i nettsamfunnet

Eg er ganske so fortvila etter at eg i svært lang tid har vore på leiting etter denne vigsli: Martin Ingebrigtson HAMAREN eller KINSERDAL fødd i Hafslo 14.10.1898 Amalia Bergesdotter MÅREN fødd på Kyrkjebø 12.12.1886 Eg har fått oppgåve vigselsdatoen til 12.1.1924, og dei skal etter som dei seier ha gift seg på Kyrkjebø eller i Høyanger, men der finn eg dei ikkje. Heller ikkje finn eg dei gifte i Hafslo. Dei busette seg på Måren på Kyrkjebø og budde der levetidi ut. Kan nokon, please, hjelpa me finna denne vigsli og kvar dei gifte seg? Kan vigsli ha vore kunngjort i lokalpressa eller i Norsk Lysingsblad? Eg takkar so mykje på førehand for alle gode tips!

Dette er ein ny huslyd, som eg har jobba mykje med, men der eg no står ganske so fast. Kanskje er det nokon som kan hjelpa meg sjå etter fleire detaljar? Eg attgjev frå manuskriptet mitt: ~~~~~~~~~~~~~ Dortha Salomonsdotter {Berge}, f.{i Luster} kring 1730, Dortha Salomonsdotter gjorde leigarmål her i bygdi i 1753 og det med ein gift mann som attpåtil var søskenbarnet hennar. Ho vart dømd til å reisa til fiskeleiene i ytre Sogn, og der vart ho sidan buande. Ho gifte seg ##### (dato og stad for vigsli hennar? - kring 1770?) med Anders Andersson frå ##### (opphavet hans?) Han var son av ##### (foreldri hans?) ##### (dato og stad for fødsli/dåpen hans? - kring 1725?) Anders og Dortha budde som strandsitjarar på ein plass under Bjordal i Kyrkjebø, og derifrå vart Dortha gravlagd 8.4.1806. Anders vart gravlagd same staden ##### (dato? - finn ikkje dette dødsfallet i kyrkjeboki for Lavik!) 1811. Dortha fekk i alt to døtrer, den eine frå før og ei i ekteskapet med Anders Andersson: a. Sophia Arnesdotter (1753‑ ##### (dødsfallet hennar? - før 1771?) ), dotter av Dortha og gardbrukar Arne Iverson på Berge (bnr. 1) (1715‑1800). Sophia flytte truleg med mori til ytre Sogn, men d. nok i ung alder, sidan halvsøsteri fekk same namnet. b. Sophia Andersdotter, døypt i Kyrkjebø, Vik 3.11.1771, d. ##### (dato og stad for dødsfallet hennar? - Kyrkjebø kring 1837?) Ho gifte seg første gongen ##### (dato og stad for første vigsli hennar? - 1798? - finn ikkje Kyrkjebø!) med Jens Olson frå Søreide i Kyrkjebø. Han vart døypt i Kyrkjebø, Vik ##### (dåpsdato? - 2. d. p. Ep! - 15.1.?) 1764, men vart gravlagd frå Bjordal i Kyrkjebø alt 14.5.1802. ##### (finn ikkje dette dødsfallet, men det må vel ha vore før Sophia gifte seg att i 1800!) Sophia gifte seg so att i Kyrkjebø, Vik 8.7.1800 med Henrik Ellingson frå Føsund i Kyrkjebø, døypt i Kyrkjebø, Vik 1.10.1774. Han d. som husmann på Bjordal i Kyrkjebø 26.10.1838. Henrik var, som me skjønnar, husmann, medan Jens Olson helst var for strandsitjar å rekna. Men båe budde dei med Sophia på Bjordal i Kyrkjebø. Sophia fekk i alt sju born, tre frå første ekteskapet og fire frå det siste. ~~~~~~~~~~~~~ Eg takkar so mykje på førehand for alle gode tips som kan bidra til komplettering av denne biografien!

Dette er ein utfordrande huslyd, som eg i dag er vorten gjort merksam på av Ivar Moe gjennom eit innlegg i eit anna tema! Ætteboki for Kyrkjebø omskriv under garden Tune denne huslyden: Knut Knutson Tune, fødd 1696, avliden 1765, gift med Sigrid Andersdotter frå Stronda(?) Ætteboki påstår at Knut var son av Knut Knutson Tune, d.e. (1675-1699). Denne Knut hadde ei søster Lussi Knutsdotter, som døydde barnlaus på Tune i 1749 og ein bror John Knutson som døydde før 1749, men som let etter seg ei dotter Anna Johnsdotter gift med Ole Rappen i Luster. Ein annan bror Ole Knutson var òg avliden , men hadde etter seg to døtrer gifte i Gulen! 21.8.1765 https://media.digitalarkivet.no/view/24165/333?indexing= vart det halde skifte på Tune etter Knut Knutson, og her kjem det fram at enkja ikkje visste anna on ætti hans enn at han hadde: * ein erving i Luster * ein erving på Hjertholm i Lavik * ein erving på Henriksbø i Gulen Ved ei oppattaking av skiftet 7.10.1765 kjem det fram følgjande: * Henrik Monson Østgulen og Ingeborg Monsdotter, søsteri hans som sa at mor deira var søskenbarn av avlidne Knut Knutson Tune * Britha Andersdotter gift med Løen ytre Hjertholm som sa at mor hennar òg var søskenbarn av Knut Knutson Tune * Anna Johnsdotter gift med Ole Rappen sa seg vera søskenbarn av Knut Knutson Tune Gravferdi hans i Vik syner ein alder på 72 år: http://gda.arkivverket.no/cgi-win/webcens.exe?slag=visbase&sidenr=1&filnamn=sogngrav&gardpostnr=22414&merk=22414#ovre 17.12.1749 https://media.digitalarkivet.no/view/24162/265?indexing= vart det halde skifte etter huskone Lucie Knutsdotter på Tune og følgjende ervingar er nemnde: * fullbror Ole Knutson * halvbror John Knutson, avliden, men let etter seg dotteri Anna gift og busett i Luster * halvbror Knut Knutson, avliden, men let etter seg sonen Knut Knutson på Tune Det var svært uvanleg at folk på den tidi flytte innover fjorden. Det gjekk helst utover, og eg trur at denne søskenflokken (Knut den eldre og søskeni/halvsøskeni hans) opphavleg var komne frå Luster, men eg er in kveld ikkje i stand til å seia kva gard dei kan vera komne ifrå!? Einaste sikre sporet me har i Luster er Anna Johnsdotter gift med Ole Rappen, og dette parfolket finn me att under garden Hærum på plassen Hærishaug: ~~~~~~~~~~~ Ole Sjurson Hærishaug, som me diverre ikkje kjenner opphavet til, var f. kring 1722 og vart konfirmert her i Luster i 1743. Han vart gravlagd frå Hærishaugen 22.4.1769. Han gifte seg 18.11.1745 med ei Anna Johnsdotter, men heller ikkje opphavet hennar er no kjent. Ho var truleg f. kring 1720 og vart visstnok gravlagd som legdelem 15.3.1781. Ole og Anna budde først nokre år på Rappatun under Høyeim, men dei ser ut til å vera flytte hit til Hærishaugen kring 1755. Ole hadde plassen so lenge som han levde, og det varte nok ikkje lenge før enkja kom på legd; ho flytte i alle fall snart ifrå plassen. Ole og Anna i Hærishaugen fekk ein son: 1. Sjur Olson (1746‑1790), vart strandsitjar i Årstu under Dale. ~~~~~~~~~~~~ Ser me på dei andre ervingane frå 1765, so kan eg ikkje finna spor etter Henrik Monson på Austgulen i Gulen. Brekke-boki har eg ikkje, men ekstraskatten 1762 for ytre Hjertholm i Brekke syner Løen med kone: https://media.digitalarkivet.no/view/47516/314 Løen er forresten eit svært uvanleg namn som eg ifrå Sogn berre kjenner frå Årdal! No vonar eg at nokon kan hjelpa meg identifisera desse ervingane etter Lussi og Knut på Tune i Kyrkjebø og takkar so mykje på førehand for alle gode tips!