Søk i nettsamfunnet

Huslyden til Severina Andersdotter Veberg frå Hafslo har eg hatt på teiknebrettet mitt i mange år, og smått om senn har eg finne ut av delar av denne huslyden. I seinare tid er det òg dukka opp ymse family trees hjå ancestry.coḿ, men dei ser stort sett ut til å vera avskrifter av kvafrandre og inneheld få faktaopplysningar! Særleg kan ein leggja merke til kor mange av vigslene i denne huslyden rett og slett manglar i vigselsregisteri i Chicago, IL. Dei kan då vel ikkje alle vera feilskrivne...? Her følgjer eit utdrag av manuskriptet mitt pr. dags dato: ~~~~~~~~~~~~~~~ NB: Etter mange spennande innlegg frå Grethe er dette manuskriptet no erstatta av eit nytt i innlegg #10 under! Eg takkar so mykje på førehand for alle gode tips!

Ei gigantisk julenøtt følgjer: Ole Andersson Veberg, son av gardbrukar Anders Olson Veberg (1843-1931) og kona Kari Nilsdotter f. Kvalen (1838-1923), var fødd i Hafslo 15.1.1872 og vart konfirmert i Hafslo i 1888. Då Anna Olsdotter Sage vart fødd i Dale sokn i Luster 13.2.1893, er Ole Andersson Veberg oppgjeven som barnefar, men det er siste gongen me ser han her i bygdi. Ifølgje familietradisjonen skal Ole ha «stikke av» til Nord-Noreg, men lagnaden hans er ukjend! Reiste han kan henda vidare til Amerika? Då mori døydde i 1923, er Ole ikkje nemnd i det heile! Denne utfordringi vart første gongen teki opp i dette emnet frå 2016: https://forum.arkivverket.no/topic/203197-ole-andersson-veberg-og-kristoffer-pederson-veberg-fødde-i-hafslo-1872-«forsvinn»-i-ung-alder-til-nord-noreg-eller-amerika-lagnadane-deira/?tab=comments#comment-1717830 men det kom aldri noki løysing med omsyn til Ole og lagnaden hans! Er det i det heile mogeleg å finna ut noko om lagnaden til denne ungdomen frå Hafslo? Det hadde vore ei svært so gild julegåve om nokon greier finna ut noko om lagnaden hans, og eg takkar endå ein gong for alle gode tips! God Jul!