LØYST: Andreas Cordsen (1778-1817) - skipsprest i China, sokneprest i Jostedalen og i Vikedal - skal ha vore gift, men kvar og kva tid? - kona frå Lærdal i Sogn?

[Lars E. Øyane]

Eg har i mange år spekulert på kven denne presten eigentleg var og kva tid og kvar han gifte seg, om han då i det heile VAR gift?

 

Andreas Cordsen, son av kjøpmann Søren Cordsen og kona Anna Margrethe Andersdotter Paulsen i Stavanger, vart døypt i Stavanger 18.11.1778.  Han vart student i Bergen i 1797 og cand.theol. i 1802.  Kort tid etter vart han tilsett som skipsprest i China, men i 1807 kom han attende til landet og vart sokneprest til Jostedalen.

 

Han skal alt, medan han var prest i Jostedalen, ha hatt med seg ei hushaldar som heitte Anna Andersdotter, som visstnok var fødd i Lærdal 19.1.1781 som dotter av husmann Anders Jensson og kona Ingeborg Baardsdotter på Nygard under garden Rikheim, og ho følgde med «på lasset» då Andreas i 1812 vart sokneprest til Vikedal i Ryfylke!  So skal Andreas ha gift seg, dato og stad ukjende, med denne hushaldaren sin, og dei fekk ei dotter:

 

* Anna Magrethe Andreasdotter Cordsen, døypt i Vikedal 3.8.1813.  Ho vart sidan gift med Lars Atleson Tunshelle og budde i Bergen (desse har eg kontroll på!).

 

Men Andreas si tid som prest varte ikkje lenge.  Han fekk avskil våren 1816, og 2.12.1816 vart kona Anna gravlagd i Vikedal:

 

https://www.digitalarkivet.no/view/267/pg00000001264730

 

Sjølv flytte han då til Stavanger der han vart gravlagd 16.10.1817.

 

MEN, so var det attende til spørsmålet om vigsli hans med Anna Andersdotter.  Denne har eg ikkje greidd å finna nokon stad, so no vonar eg at kanskje einkvan i Brukarforum kan greia «det umogelege»?

 

Eg takkar so mykje på førehand for alle gode tips!

Endret Juni 5, 2018 av Lars E. Øyane

[Richard Johan Natvig]

Dei gifta seg i Nedstrand 29.5.1813:

https://www.digitalarkivet.no/view/327/pv00000002054071

 

[Richard Johan Natvig]

Vikedal kyrkje 100 år 1881-1981. Jubileumsskrift. Ved Nils Dybdal-Holthe. Utgjeve av Vikedal sokneråd. 1981. s. 42

[Lars E. Øyane]

Hjarteleg takk til Richard for nyttige og interessante innlegg.

 

Då er problemet løyst!  Eg ser at opplysningane om at kona skulle vera frå Lærdal, er tekne frå Lampe i prestebiografiane hans, og eg ser ikkje nokon grunn til å tvila på desse.

 

Ein ny kjempetakk for framifrå bistand!