Søk i nettsamfunnet

Eg har i mange år vore på leiting etter Henrik Jonasson Nitter frå Sogndal, som i 1728 gifte seg med ei gardajente Øllegaard Pedersdotter Teiste frå Kroken i Hafslo og vart husmann på plassen Stein under Kroken. Etter Henrik vart enkjemann kring 1745, flytte han frå Kroken att, og den seinare lagnaden hans er eit kjempemysterium! Flytte han kan henda til Bergen? Eg attgjev frå manuskriptet mitt; ~~~~~~~~~~~~~~~ Henrik Jonasson Nitter, opphavleg frå Sogndal, men son av øltappar Jonas Henrikson Nitter i Bergen (1661-1709), som ei tid hadde vore gardbrukar på Tandla i Luster, vart døypt i Sogndal 27.10.1695. Henrik gifte seg i Hafslo 21.1.1728 med Øllegaard Pedersdotter Teiste frå Kroken (bnr. 1). Ho var f. kring 1700 og d. i Stein kring 1745. Henrik fekk i 1728 skøyte på eine helfti av Feigesagi, Feigum i Luster (bnr. 2), og han og Øllegaard budde der til dei i 1732 fekk rydda seg ein plass i Stein under Kroken og flytte hit. Her vart dei buande so lenge Øllegaard levde, og kan henda nokre år til. Men kring 1750 ser Henrik Nitter ut til å vera faren frå Kroken utan at me no kjenner den endelege lagnaden hans. ¤¤¤¤¤ (kvar vart Henrik av?) Dei var barnlause. ~~~~~~~~~~~~~~~ Eg takkar so mykje på førehand for alle gode tips!

Er er i dag gjennom eit innlegg #12 i følgjande tema: https://forum.arkivverket.no/topic/202054-henrik-nitter-ludvigson-1832-1861-til-amerika-1852-ektemakar-og-ektemakars-ektemakar-frå-røldal-lardal-gloppen-og-vik-vangsnes-hjelp/ vorten merksam på ein huslyd med bakgrunn i Luster, som eg aldri greidde å skriva ein komplett biografi for då eg arbeidde med denne øtti på 1980-talet. Kanskje dette vert mogeleg i dag med langt fleire disponible kjelder? Utgongspunktet er Sophia Tøgersdotter Nitter frå Rønnei i Luster, fødd der kring 1708. Ho gifte seg første gongen i Luster 23.11.1733 med enkjemannen Christopher Larsson Skagen (1689-1739). Dei fekk fire born i lag, som alle vart buande i Luster. Denne delen av ætti har eg fullt oversyn over. Men so gifte Sophia seg 12.11.1741 att i Årdal med ein ny enkjemann, Ole Olson Lægreid (1708-1758), men ho vart gravlagd frå Lægreid i Årdal alt 3.11.1748. Ogso i dette ekteskapet fekk Sophia fire born, og to av desse er det som vert etterlyste i nemnde proklama frå 1785. Her følgjer manuskiptet mitt for dei fire borni frå andre ekteskapet hennar: ~~~~~~~~~~~~~~ a. Christopher Olson, døypt i Årdal 3.5.1742, d. ugift i Kvernes ##### (dødsdato eller gravferdsdato?) 1765. b. Malena Olsdotter, døypt i Årdal 5.7.1744, d. ##### (dato og stad for dødsfallet hennar?) Malena gifte seg første gongen i Bergen 13.11.1765 med Jacob Ovaldson Messe frå ##### (opphavet hans?) ##### (dato og stad for fødsli/dåpen hans – kring 1728?) Jacob var ##### (yrke?) og han og Malena budde i Bergen der Jacob vart gravlagd 14.12.1770. Malena gifte seg so att ##### (dato og stad for andre vigsli hennar? – kring 1775?) med Jens Jacob Giertsen frå ##### (opphavet hans?) ##### (dato og stad for fødsli/dåpen hans?) ##### (dato og stad for dødsfallet/gravferdi hans?) ##### (yrke og bustad?P – 1783 og 1785 busette på garden Svinøy i Nærøy, Nord-Trøndelag – sidan kvar? ##### (talet på søner og døtrer? – inkl.: * Bertha Sophie, døypt Nykyrkja, Bergen 20.7.1766 * Bertha Sophie, døypt Nykyrkja, Bergen 7.11.1767) c. Inger Mane Olsdotter, døypt i Årdal 23.9.1746, d. ##### (dato og stad for dødsfallet hennar?) Inger gifte seg i Årdal 9.10.1775 med Albert Schriver Ludolphson Kramer frå Bergen, døypt i Bergen 25.10.1741. Han d. på Vikingevåg i Gulen 13.1.1795. Albert var handelsmann (kremmar), først på Årdalstangen i Årdal, og frå 1791 på Vikingevag i Gulen. Han og Inger fekk fire born i lag, mellom anna denne sonen: ‑ Ludolf Johan Albertson Kramer (1775‑ ) som vart første landhandlar på Skjolden i Luster (s.d.). d. Tøger Nitter Olson, døypt i Årdal 3.11.1748, ##### (1785: stod i teneste ved det kongelege korps og det 2dre kompani under konstabelgarnisonen i København – lagnaden hans??) ~~~~~~~~~~~~~~ Eg ser av FamilySearch at ein Jens Giertsen gifte seg i Nærøy 30.10.1785 med ei Elisabeth Carstensdotter og lurer på om det kanskje var enkjemannen etter Malena som då gifte seg att?? Eg vonar å råka ein eller annan med lokal ekspertise i Nærøy son kan hjelpa meg klara opp i denne huslyden... Elles legg eg i dag òg inn eit spørsmål hjå DIS-Danmark om lagnaden til Tøger Nitter Olsen - kanskje er me heldige...? https://www.slaegtogdata.dk/forum/index.php/topic,134996.0.html Eg takkar so mykje på førehand for alle gode tips!