Søk i nettsamfunnet

Etter at det no i dette emnet: https://forum.arkivverket.no/topic/226952-etterlyste-rekruttar-frå-luster-og-hafslo-kvar-vart-det-av-dei-eldre-emnetitel-johannes-christenson-beim-fødd-i-hafslo-1815-konfirmert-1830-forsvinn-sporlaust-men-truleg-avliden-før-1879-lagnaden-hans-kan-henda-til-nordland/ har dukka opp nye opplysningar om den sonen som handelsmann Nils Erikson (Sviggum) frå Hafslo fekk før han flytte til Bergen, ønskjer eg å ta opp denne huslyden til eigi drøfting i brukarforum. Det er ikkje mange detaljane som mangler om denne huslyden, bortsett ifrå desse: ** Lagnaden til Erik Nilsson (Sviggum), skreddarlærlingen som i 1835 flytte til Lofoten? ** Lagnaden til Johan Didrik, fødd i Bergen 1825? ** Lagnaden til Anna Bergitt Johannessen, f. Hansen, fødd på Os 1852? Her følgjer so manuskriptet mitt for denne huslyden: ~~~~~~~~~~~~~~~ NB: Etter nye interessante opplysningar er dette manuskriptet no erstatta av eit nytt i innlegg #5 under! Eg takkar so mykje på førehand for alle gode tips!

Dette er ei utfordring som eg har hatt liggjande i mange år, men som eg aldri har greidd å finna ei løysing på: Malena Eriksdotter Sviggum (1853-1936), innerstjente i Marifjøra i Hafslo, fekk fem born. Eldst av dei var Karen Marie Christophersdotter Sviggum (1874-1928), mor til den i Brukarforum so mykje omskrivne Anders Elias Fosse (1906-1983). Tre av dei andre borni hennar kan me gjera greie for, men eg slit med denne sonen: * Iver Pederson Sviggum, son av Malena og Peder Pederson Øvrebø (1867-1896), fødd i Hafslo 26.4.1886: https://www.digitalarkivet.no/view/255/pd00000003167043 Eg finn ikkje Iver korkje i FT1900 eller i FT1910, og heller ikkje har han dukka opp i dødsfallslistene for Hafslo! Det hadde vore kjempefint om me kunne spora opp denne guten, og eg takkar so mykje på førehand for alle gode tips!