Ole Trondson og Anna Nilsdotter, leiglendingsfolk på Urnes - vigde i Hafslo 1788 - skal først ha butt i Feios, men kvar?

[Lars E. Øyane]

Ole Trondson (1760-1822) gifte seg i Hafslo 1788 med Anna Nilsdotter (1764-1808).  Båe var frå Urnes, Ole frå ein plass under garden og Anna frå eitt av hovudbruki.

 

Dei tok over som leiglendingsfolk etter foreldri hennar, men noko bygselsbrev har eg ikkje finne!  Derimot ser me at dei to eldste sønene deira:

 

* Hans Olson (1791-1878) https://media.digitalarkivet.no/view/1992/122

 

* Nils Olson (1793-1866) https://media.digitalarkivet.no/view/1992/131

 

båe døypte i Hafslo, vart ved FT1865 båe oppgjevne fødde i «Syrstrands» prestegjeld, d.v.s. i Leikanger:

 

* Hans Olson: https://www.digitalarkivet.no/census/person/pf01038260002698

 

* Nils Olson: https://www.digitalarkivet.no/census/person/pf01038260002694

 

og i eit skifte frå 1792 vert det opplyst at Ole og Anna var busette i FEIOS!

 

Dei to dåpsforretningane frå Hafslo gjev ingen tilvising til Feios, so for meg er det eit stort mysterium kva tilknytting denne huslyden hadde til Feios eller Leikanger!

 

Jon Laberg, fødd og oppvaksen på Urnes, skriv i den gamle bygdeboki for Hafslo at far hans Ole Trondson kom frå Leikanger, men utan noki nærare forklaring.  No syner det seg at faren Trond Aamundson kom frå Fretheim i Aurland, utan at det hjelper oss noko vidare...

 

Kanskje er det nokon med lokal kunnskap som kan hjelpa meg vidare?

 

Eg takkar so mykje på førehand for alle gode tips!

[Grethe Flood]

3 timer siden, Lars E. Øyane skrev:

i eit skifte frå 1792 vert det opplyst at Ole og Anna var busette i FEIOS!

 

Hvem er det skifte etter?

[Ivar Moe]

Tror det må være dette skifte Grethe.

 

https://www.digitalarkivet.no/view/27/pa00000000981348

 

Men hvis dette er samme Ole så er han tilbake på Urnes rundt 1800

 

https://www.digitalarkivet.no/view/27/pa00000001025894

 

Utover det så er det flere skifter Ole er nevnt i.

 

Mvh

Ivar

 

 

[Lars E. Øyane]

Hjarteleg takk til Grethe for nytt innlegg og til Ivar for eit kjapt svar på det same...

 

Men so er det eit godt spørsmål om bustaden hans der ute er mogeleg å finna...

 

Eg kan leggja til at sonen Hans var vidkjend som ein «kvakksalvar» som hjelpte for å lækja alle slag sår (mellom anna med årelating), ogso hjå dyr.  Til og med lækjarane tykte om kva Hans dreiv med (kjelde Jon Laberg).  Kanskje faren Ole Trondson hadde vore borti noko av det same og difor hadde opphalde seg i Feios?

 

Ein ny kjempetakk for framifrå bistand med denne utfordringi!

[Anne Marie Bøtun Øyri]

Har sjekka siste ætteboka for Feios og så langt eg ser er det ingen der som passar. Men viss dei har budd i Feios ei kort tid, så er det ikkje sikkert dei er komne med.

[Lars E. Øyane]

Hjarteleg takk til Anne Marie for siste innlegget!

 

Det ser heilt klart ut til at me ikkje kjem nokon veg med denne «plasseringi» av Ole Trondson i Feios, bortsett ifrå at han truleg hadde tilhaldet sitt på Fedje.  Men lenge kan han ikkje ha vore der, og dette med fødestadane til dei to sønene er ei skikkeleg «gåte»!

 

Førebels står spørsmålet som «uløyseleg», men eg takkar på ny for framifrå bistand!