Søk i nettsamfunnet

I innlegg #47 av dette emnet: https://forum.arkivverket.no/topic/196236-bernt-berntson-nagel-1610-1679-til-kroken-i-hafslo-gift-med-metta-sørensdotter-heiberg-huslyden-deira/page/2/ skriv Christian Arentz 20.11.2017 følgjande: «Mette Sørensdatter Heiberg (kona til Jan Johnson Teiste og sidan til Bernt Berntson Nagel) hadde såvidt jeg kan se en fetter Christen Nielsen Fuhr (felles bestefar Laurits Andersen Heiberg), og sønnen Jens Christensen (ca. 1634/37 - 1691) var handelsmann i Indre Sogn, borgerskap i Bergen 14. april 1659, og en av Sogns mest formuende menn.» Eg er svært nysgjerrig på korleis denne skyldskapen kan provast? * Metta Sørensdotter (1607-1661) var dotter av Søren Larsson Talle (1575-1653), truleg fødd i Sønder-Jylland, og eg har aldri finne ut kven som var foreldri hans...! * Christen Nilsson på Fuhr (1603-1685) (der etterkomarar etter sonen Jens nytta Lemvig-namnet) var truleg son av Nils Christenson, fut i Sunnhordland tidleg på 1600-talet! Christian Arentz veit truleg meir om desse ættene enn eg, og kanskje er det ogso andre som sit med god kunnskap om dei? Eg takkar so mykje på førehand for alle gode tips!

Eg «kjempar» for å løysa ei «floke» frå Urnes i Hafslo og attgjev frå manuskriptet mitt: ~~~~~~~~~~~~~ Michael Sundt Tuchsen Jensson Bugge, frå Urnes (bnr. 1), var f. 27.10.1833 og gifte seg i Luster 11.11.1861 med Ingeborg Marie Melchiorsdotter Heiberg frå Kvalsøyri, Dalsøyri i Luster (bnr. 2). Ho var f. i Luster 1.9.1835. Det var svograne Samuel Mandrup Hansson Bugge på Urnes (bnr. 20) og lensmann Carl Tullin Johanson Bjørnholdt på Kvitevollen under Nygard i Luster som 5.6.1858 fekk auksjonsskøyte på dei fem gamle leiglendingsbruki som soleis vart samanslegne, og hjå dei fekk Michael Bugge 24/25.10.1859 skøyte på den nye brukseiningi. Michael og Ingeborg dreiv sidan bruket fram til ##### (kor lenge budde dei på garden? – auksjonsskøyte av 22.2.1884 til lensmann Falck!) Michael og Ingeborg Bugge flytte ¤¤¤¤¤ (kva år flytte dei? - frå kva år er dei å sjå i Christiania?) til Christiania der Michael livnærte seg som varemeklar. Han d. i Christiania 12.3.1912, medan Ingeborg Bugge d. same staden 28.10.1912. Michael og Ingeborg Bugge fekk to born i lag: 1. Laura Agathe Martha Kirstine Michaelsdotter Bugge, f. 20.9.1862, Laura Bugge flytte med foreldri sine til Christiania der ho 20.4.1895 gifte seg med Anton Tolfson frå Bergene i Hedrum, kjend som Anton Bergene. Han var son av gardbrukar Tolf Nilsson på Bergene og kona Thorine Marie Hansdotter frå Bjerke i Sandeherred og f. i Hedrum 20.4.1867. Anton var postbod, medan Laura var pensjonatvertinne. Dei vart buande i Christiania der Anton d. 13.6.1913. Laura Bergene flytte sidan til Dalhaugen i Asker, men d. på eit sjukehus i Oslo 25.1.1928. Dei var barnlause, men tok til seg ei pleiedotter: a. Azora Emilie Hagensdotter Hansen, f. Christania 12.11.1892, d. på Høvik i Bærum 11.2.1973. Ho gifte seg i Asker 23.12.1926 med Aksel Olson frå Staksrudmøllerstuen på Brandbu, sidan kjend som Axel Jensen. Han var f. på Brandbu 27.9.1894 og d. under eit opphald på Palma di Mallorca i Spania 15.3.1975. Axel Jensen var byggmeister, og han og Azora budde i Asker og sidan på Høvik i Bærum. Dei var barnlause. 2. Jens Melchior Michaelson Bugge, f. 21.4.1864, Jens Bugge flytte òg til Christiania med foreldri sine og gifte seg der 29.6.1904 med Liv, kjend som Lilla Hansdotter Funnemark frå Nordbø i Nissedal. Ho var dotter av husmann Hans Johnson på Funnemark under Nordbø, opphavleg frå Bygstøyl i Kviteseid, og kona Susanna Johnsdotter frå Håtveit i Nissedal og f. i Nissedal 22.3.1869. Jens var frukthandlar, og han og Lilla vart buande i Christiania (Oslo) der Liv d. 13.3.1943. Jens Bugge d. på eit sjukehus same staden 31.7.1947. Dei fekk ei dotter i lag: a. Jensine Marie Mikaline Lydia, kjend som Marie Lydia Jensdotter Bugge, f. i Christiania 7.3.1904, d. i Oslo 9.2.1958. Marie gifte seg første gongen i Oslo 13.12.1924 med Bernhard Odin Johanson Lien frå Skaugum, Stabæk i Bærum, f. i Christiania 26.10.1896. Han d. i Bærum 26.1.1970. Bernhard var jarnbanefunksjonær og sidan pelshandlar, og parfolket budde på Høvik i Bærum, men dei vart skilde i 1930. Marie gifte seg so att i Aker 11.4.1931 med sjømann Olaf Fredrik Jensen, f. i Holt 14.6.1899. Han d. i Skjeberg 2.3.1978. Olaf var sjømann, og han og Marie budde likeins på Høvik i Bærum, men flytte frå kvarandre i 1933 og vart skilde i 1936. Marie gifte seg so tredje gongen i Aker 12.11.1938 med Christian Ingemann Johnson Bøe frå Oslo, f. i Christiania 9.10.1894. Han d. på ein sjukeheim i Oslo 30.9.1971. Christian var tollar og sidan transportarbeidar. Han og Marie budde ei tid på Askerhaugen i Asker, men flytte sidan til Oslo. Marie fekk ei dotter, som var frå første ekteskapet med Bernhard Lien. ~~~~~~~~~~~~~ Finst det kjelder, til dømes i Christiania, som kan fortelja oss nett KVA ÅR denne huslyden flytte dit? Kanskje flytte dei fleire år før garden vart tvangsseld? I 1875 var dei i alle fall framleis på garden: https://www.digitalarkivet.no/census/person/pf01052307003542 men eg har so langt ikkje greidd å finna nokon av dei to borni konfirmerte i Hafslo! Kan huslyden ha flytt alt i 1876? Eg takkar so mykje på førehand for alle gode tips!

Anders Christenson Rønnei, av ætti som til dagleg vert referert til som «Heiberg» (1632-1705) var gardbrukar på garden Rønnei i Luster. Han var gift med Malena Monsdotter (1645-1725), dotter av sorenskrivar Mons Nilsson på Skjær i Lærdal. Noko skifte etter Anders kjenner me ikkje til, men me veit han og Malena i alle fall fekk sju born, desse fem: * Britha Andersdotter (1670-1740), vart gift med gardbrukar Erik Pederson Klingenberg på Amla i Sogndal. * Peder Andersson (1675-1740), vart gift med Elei Wilkensdotter Velthuus frå Bergen og var landhandlar på Farnes i Årdal. * Metta Andersdotter (1677-1759), vart gift første gongen med handelsmann Adam Stevelinson Reutz (1673-1722) og sidan med hsandelsmann Arne Chrostopher Thomasson Rein (1690-1749). Dei budde båe på Heltne i Luster. * Hans Andersson (1683-1719), vart gardbrukar på Rønnei i Luster * Maren «Massi» Andersdotter (1687-1768), vart gift med gardbrukar Tøger Henrikson Nitter på Rønnei i Luster. samt desse to gutane: * Teus Andersson, fødd kring 1673 * Christen Andersson, fødd kring 1685 Teus og Christen reiste til sjøs i ung alder og kjem aldri attende til Luster, men kvar i all verdi kan dei ha vorte av? Eg ser ikkje bort ifrå at dei kan ha skrive seg RØNNE slik broren Peder gjorde i Årdal! Kan Bergen eller København ha vore eit reisemål? Eg ser elles ikkje bort ifrå at det kan ha vore fleire born i denne huslyden. Det burde til dømes ha vore ein son Mons!? Eg takkar so mykje på førehand for alle gode tips!

Futen Anders Larsson på Fuhr i Luster (1565-1630), som på «folkemunne» i lag med broren Søren Larsson på Talle (1575-1653) vert referert til som stamfedrar til Heiberg-ætti i Sogn, var gift med Maren Trudesdotter (1575-1653) og fekk ti born, mellom anna denne dotteri: * Cecilia Andersdotter, truleg fødd i Luster kring 1610, gifte seg kring 1636 med Endre Nilsson frå Ottum i Luster, fødd kring 1602. Desse var ei tid gardbrukarar på Rebni i Luster, men flytte tidleg på 1650-talet til nabogarden Mørkrid der Endre truleg døydde kring 1675. Endre og Cecilia hadde minst tre søner, som alle budde heime i 1665: ** Anders Endreson, fødd kring 1641, nemnd som soldat ** Jacob Endreson, fødd kring 1647 ** Nils Endreson, fødd kring 1649 Medan futen Anders Larsson var mellom dei rikaste innbuarane i heile Sogn, ser det ut til at Cecilia og Endre ikkje greidde å halda på den arven som dei eventuelt fekk, og huslyden forsvinn. Ingen av sønene tok over garden, og dei er rett og slett «borte vekk»! Eg ser ikkje noko til nokon av dei i Luster i 1701! Kanskje er det nokon som har forska på denne sokalla Heiberg-ætti, og som kan vita kvar det vart av desse gutane og eventuelt andre born etter Endre og Cecilia? Eg takkar so mykje på førehand for alle gode tips!