Search the Community

Det vart utstede ei vigselsattest i Idaho Co., ID 29.6.1899 for William G. SHIRRELL Alma HARPER (f. Dyer) Dei var busette nær Colfax, Whitman Co., WA. Name: Alma Harper Gender: Female Residence Place: Colfax, Whitman Co., Washington Marriage Date: 29 Jun 1899 Marriage Place: Idaho, Idaho, USA Spouse: William G. Shirrell Eg har ein sterk mistanke om at Alma var ENKJE på den tidi og vonar at det let seg gjera finna ein omtale av denne vigsli i lokal presse? Eg takkar so mykje på førehand for alle gode tips!

Huslyden til Ole Jensson Gjersegg og kona Cecilia har eg slite med sidan 1984. Mange opplysningar er komne frå Amerika dei seinare åri, men eg står ganske so «bom fast» på ein del detaljar, særleg når det gjeld Nellie Fish som gifte seg med ein av sønene samt Joe Smith som gifte seg med yngste dotteri. Kanskje nokon har tips som kan løysa desse flokene? Det oppdaterte manuskriptet mitt ser slik ut: ~~~~~~~~~~~~~~ NB: Etter mange spennande innlegg er dette manuskriptet no erstatta av eit nytt i innlegg #9 under! Eg takkar so mykje på førehand for alle gode tips om denne huslyden!

Eg kjem i kveld med ei ny utfordrande huslyd frå den amerikanske vestkysten: William Goble SHIRRELL skal vera fødd i Lane Co., OR i april 1868 (ukjend dato) døydde i Santa Cruz, CA 12.8.1941 Han gifte seg i Idaho Co., ID 29.6.1899 med: Alma V. DYER fødd i Idaho Co., ID 17.10.1866 døydde i Hood River, OR 5.5.1949 William og Alma farma i Bethel preconct, Whitman Co., WA, men vart skilde kring 1906, og William flytte til Klamath Co., OR og sidan til Yreka, Siskiyou Co., CA, men døydde altso i Santa Cruz, CA... Òrsaki til skilsmålet skal etter segni ha vore følgjande: Alma forelska seg i ein ung farmarbeidar med foreldre frå Hafslo i Sogn: Nels N. KINS fødd i Buffalo Co., WI 17.8.1880 døydde i Miami, OK 26.1.1970 Nels og Alma «stakk av», men skal ha gift seg kring 1908, dato og stad ukjende, og busette seg først i The Dalles, Wasco Co., OR og sidan i Viento, Hood River Co., OR der dei livnærte seg som «truck farmers»! Ein gong på 1940-talet fekk Nels nok av dette livet og «stakk av». Ikkje ein gong søskeni hans visste kvar det vart av han, men takk vera kjempeflotte registre i ulike statar fann eg han att i Miami, Ottawa Co., OK der han kom som ein gamal blind og fattig «landstrykar» med berre ein fot, og då han døydde, vart han gravlagd på ein indianarkyrkjegard utanfor sjølve Miami. Eg snakka for fleire år sidan med mannen frå gravferdsbyrået som stod for gravferdi, og han nemnde at ingen endå hadde gjort opp for kostnadane til gravferdi!! Alma fekk ingen born i nokon av ekteskapi sine. Eg har tre sentrale spørsmål: Er det mogeleg å finna: ** Nøyaktig dato for fødsli til William Goble SHIRRELL? ** Mellomnamn for Alma V. DYER? ** Og det kanskje mest spennande: Dato og stad for vigsli til Nels KINS og Alma SHIRRELL, f. DYER? Eg har leitt i årevis etter desse opplysningane, men står framleis «bom fast». Kanskje andre har betre og utkvilde auge å leite med? Eg takkar so mykje på førehand for alle gode tips!