Søk i nettsamfunnet

Dette er ein huslyd som eg òg har slite med i mange år, utan nemneverdig resultat! Slekti fortel at denne Hans Sandvik reiste til Nord-Noreg og gifte seg der med Andrea Einum frå Vardø. So utvandra dei til Amerika og dreiv mellom anna eit hotell der borte til dei i 1934 flytte attende til Bergen. Hans døydde i Bergen i 1938, og Andrea kom til sist atende tul Vardø og døydde der i 1951. No har eg finne nokre detaljar gjennom «moderne» kjelder, men ikkje noko om at dei budde nordpå, og heller ikkje at dei dreiv hotell i Amerika. Manuskriptet mitt ser no slik ut: ~~~~~~~~~~~~~ Hans Olson {Sandvik}, f. {i Luster} 29.8.1856, Hans O. Sandvik flytte i ung alder som sjømann til Tromsø, men gifte seg ##### (dato og stad for vigsli deira? – finn dei ikkje i Vardø!! – 1910: hadde vore gifte i 15 år!) med Andrea Berentine Andersdotter Einum frå Vardø, ei søsterdotter av kona til husmannssonen Anders Andersson frå Grandane under Flattun (1845-1911). Andrea var dotter av fiskar Anders Arntson Einum i Vardø, opphavleg frå ##### (opphavet hans?) og kona Maria Magdalena Isaksdotter Clemo frå ##### (opphavet hennar?) og f. i Vardø 12.11.1869. Hans var Steinarbeidar, og han og Andrea budde på Frydenlund i Ankenes, Narvik ##### (budde i alle fall der frå 1900 til 1907! - kva med 1890-talet?) men utvandra til Amerika, han i 1906 og ho i 1907. Me finn att Hans som fiskar («fisher man»), og han og Andrea busette seg i Schroeder township, Cook Co., Minn. ##### (finn dei ikkje att etter 1920! – kvar kan dei då ha vore? – det vert i Noreg fortalt at Hans skal ha drive hotell før han kom attende til Bergen i 1934!) men i 1934 kom dei attende til Noreg. Dei busette seg då i Bergen der Hans livnærte seg som steinhoggar. Han d. i Bergen 6.7.1939. Andrea flytte same året attende til Vardø der ho d. 5.4.1951. Dei var barnlause. ~~~~~~~~~~~~~ Mellom dei opplysningane som eg no har oppdaga hjå FamilySearch er desse: * Ankomsten til Andrea Sandvik i Amerika i 1907: https://www.familysearch.org/ark:/61903/3:1:3QS7-99D9-CT4T * Parfolket i FT1910 for Cook Co., MN: https://www.familysearch.org/ark:/61903/3:1:33S7-9RVN-VWQ * Parfolket i FT1920 for Cook Co., MN: https://www.familysearch.org/ark:/61903/3:1:33S7-9RXR-HWT Det hadde vore kjempeflott om nokon greidde å finna ut av denne «jungelen», og eg takkar so mykje på førehand for alle gode tips!

Det er fleire ungdomar som berre «forsvinn» frå heimbygdi Luster ved midten av 1800-talet utan at me kan finna noki forklaring på dette. Ei av dei er: Gjertrud Olsdotter Sandvik eller Tandle, fødd i Luster 10.11.1839: https://media.digitalarkivet.no/view/11592/64 Foreldri var Ole Nilsson (1804-1862) og Mari Eriksdotter (1814-1862), plassfolk på Sandvikøyri under garden Tandle i Luster. Gjertrud vart konfirmert i Luster i 1856 etter to års førebuingar(?): https://media.digitalarkivet.no/view/8401/131 Men det er det siste me ser til ho! Gjertrud hadde berre to søsken som voks opp: * Elsa Olsdotter (1836-1922) utvandra til Amerika i 1861 i lag med Dyre Dyreson Prestegard (1831-1903), og dei dukkar opp i Buffalo Co., WI alt hausten same år då sonen Arne var fødd 1.11.1861. Vigsli deira har eg aldri finne... * Hans Olson (1856-1939), drøfta i Brukarforum under dette emnet: https://forum.arkivverket.no/topic/223214-hans-olson-sandvik-1856-frå-luster-og-andrea-berentine-einum-1869-frå-vardø-gifte-kring-1890-men-kvar-budde-kvar-til-amerika-i-1907-eit-underleg-parfolk/ Båe foreldri døydde i 1862, og me finn yngstemann Hans att i FT1865 som legdelem hjå ein nabo i Gaupne: http://www.rhd.uit.no/folketellinger/ftliste.aspx?ft=1865&knr=1426&kenr=010&bnr=0071&lnr=000 Alle gode tips om kvar det kan ha vorte av Gjertrud Olsdotter, vert mottekne med òpne armar!

Denne unge mannen frå Luster freista eg spora opp i Amerika alt på 1980-talet, men fann ingen spor etter han! Når eg no tek opp att leitingi etter Nils, er eg forundra over at me sjølv med «moderne» kjelder likevel ikkje lukkast i å finna spor etter han: ** Nils Hansson Raaum/Sandvik, fødd i Luster 30.10.1876 som son av Hans Henrikson Sandvik og Synneva Larsdotter Raaum, utvandra til Amerika i 1892 Eg kan leggja til at Nils hadde ein yngre halvbror, Lars Hermundson Sandvik (1885-1967) som i 1905 utvandra til Amerika med reisemål North Dakota. Han busette seg på ein farm i Bottineau Co., ND! Lars var næraste slekt for Nils i Amerika, bortsett ifrå at faren Hans Henrikson Sandvik «stakk av» til Amerika i 1877 og farma i mange år i South Dakota før han flytte til Canada kort etter hundreårsskiftet! Det hadde vore kjempeflott om me greidde å finna att lagnaden til Nils i Amerika, og eg takkar so mykje på førehand for alle gode tips!

Christopher Christenson var fødd som «uekte» son i Luster 24.12.1863 av foreldri Christen Andersson Leirmo (1837-1925) og jenta Torborg Christophersdotter Sandvig (1841-1869): https://media.digitalarkivet.no/view/8402/42 Christopher vart konfirmert i Luster 6.7.1879 og heitte då Sandvig: https://media.digitalarkivet.no/view/6916/257 Christopher utvandra til Amerika i 1880 og nytta då namnet Leirmo: https://www.digitalarkivet.no/view/8/pe00000000662599 Næraste slekti Christopher hadde i Amerika var ei moster Gjertrud Marie Christophersdotter Sandvig (1847-1929) som utvandra i 1874 til Buffalo Co., WI og gifte seg der med Peter Everson (1854-1924), men der kan eg ikkje sjå noko til Christopher! Det hadde vore so kjekt om me kunne finna att denne guten i Amerika, og eg takkar so mykje på førehand for alle gode tips!