[#37221] Herr Andres Plytt (ca 1230 -- 1284) og etterslekta hans.

[Gjest Leiv Magne Apelseth]

Baronen Andres Plytt har, i Bergen bys historie bind 1, blitt utstyrt med patronymet Pålsson. Kven Pål, far hans, var står der ingen ting om. Av det eg til no har gått igjennom av stoff kring Andres, er eg ikkje kar om å plassere han til nokon bestemt gard/bygd/region, ei heller kople nokon andre sikkert til han slektsmessig. Han døde i Bergen i 1281. Kanskje kan svaret finnast i Arna saga Biskups (Hauksson, Reykjavik 1972).Kva tyder forresten Plytt? Eit utsegn eg fann på veven lyder slik: ''Under slike forhold vokste guttungen opp og ble plytt under drakampen mellom pyse og ulk''. Min forståing av resten av teksten er at ein plytt er ein forsiktig, mistenksam og litt filosofisk type.

[Gjest Bjørn Jonson Dale]

Denne karen blei lenge kalt 'Pott', men no altså 'Plytt', som tyder 'liten gut' på gammalnorsk (kanskje pilt er ein variant av dette?).

[Gjest Leiv Magne Apelseth]

Bjørn, Andres Pott og Andres Plytt er vel ikkje same karen? Andres Pott meiner eg hadde Gregoriusson til patronym, og var av Stårheim-ætta i Nordfjord .

[Gjest Finn Oldervik]

Leiv i innlegg 26.Også i 'Soga om Magnus Lagabøte' har Andres fått patronymet 'Pålsson'. Sjå s. 361 i Noregs kongesoger B 4, s. 361. Hendinga er datert til 25. juni 1276. Andres Pålson Plytt er her omtala som lendmann og er nemnd i lag med andre lendmenn som; Erling Alvsson, Alv sonen hans, Finn sonen hans, Eiliv frå Naustdal, Bjarne frå Giske, Gaute frå Talgje og kanslaren Tore. Dessutan er stallarane; Olav frå Stein, Vigleik Audunson, Audun Hugleiksson, Åke som var provinsialprior for dominikanarane, merkesmannen Orm og mange andre gjeve menn.Om eg ikkje har misforstått noko, så var også 'Soga om Magnus Lagabøte' skrive av Sturla Tordarson, slik som soga om faren, Håkon Håkonson. Gjennom dei to opphalda sine i Noreg, der det første opphaldet visstnok varte frå 1263 til 1271, så skulle ein tru at Sturla visste kven far til Andres Plytt var.Til Bjørn i innlegg 27.Du blandar her truleg saman Andres Gregoriusson Pott, son til Gregorius Andresson av Stårheim. Denne Andres var det vel som var far til Gyrid Andresdtr. på Giske.Når det gjeld tydinga av tilnamnet Plytt, så nemner Torp, A. 1919, m.a. følgjande tydingar: liten gut, m.a. brukt i Romsdal (Sjølv har eg i dialekta mi; pr(i)utt om liten gut). Kan og tyda 'noget kort og tykt' i følgje Torp. I nordmørsdialekt kan 'plyt' tyda sur, tverr person i følgje same kjelde.Full kjeldetilvising er her: Torp, A. 1919: Nynorsk etymologisk ordbok. Faksimileutgåve frå Bjørn Ringstrøms antikvariat OSLO 1992.

[Gjest Finn Oldervik]

I Halsaboka B I s. 357 (Kr.sund 1954) under garden Åkvik, kan ein lesa følgjande om Baron Andres Plytt m.m.: ”Av godseiere på Nordmøre mellom 1300 – 1315-tallet nevnes Peter Andersen Plytt. Han hadde store eiendommer på Nordmøre, hvor han var sysselmann. Hans søster var trolig den rike hustru Gyrid Andersdatter i Okavik (Aakvik) som i 1303 ga seg med meget gods i provent hos korsbrødrene i Nidaros. Peter og Gyrid var barn av baronen Anders Plytt som var en høgt betrodd lendermann under Håkon Håkonsen. Peter Anderson Plytt ble også kalt Peter til Edøy og meget taler for at Edøy hadde vært hans hovedgård. Sikkert er det i alle fall, at slekta har hatt svære eiendommer her. Sagnet forteller , at Gyrid Andersdtr. kring 1303 var enke og ikkje lenger ved full helse. Ved midtsommertid 1303 ble hun gjesta av en fremmed mann ved navn Sira Eiliv. Han var en av korsbrødrene i klosteret i Nidaros og rådde henne til å gå i kloster. Hun fulgte dette råd og oppretta 18. august 1303 et testamente inntatt i DN 68 (?). Ved dette testament ble korsbrødrene i Nidaros eiere av bl.a. gårder også av Okavik med 2 spanns leige”. Det var avgått sorenskriver N.M. Vaagland som skreiv Halsabøkene. Han har ikkje oppgjeve noko kjelde for avsnittet om Anders Plytt m.m. Eg går ut frå at Vaagland har attgjeve det som var den allminnelege oppfatninga om dette temaet på den tida. Eg ser ikkje bort frå at han har fått litt hjelp frå statsarkivar Anders Todal når det gjeld slike avsnitt som dette.Her ser vi at Peter Andresson vert tillagd kallenamnet Plytt, noko det neppe finst kjeldebelegg for. Elles er det jo litt interessant det som vert fortald om segnet om korsbroren som dukka opp i rette tida hos ei høgætta frue med mykje jordegods som nett hadde vorte enkje. Fleire diplom i DN viser at det er ganske mykje av dette frå ca 1300 og nokre ti-år framover. Ein skulle mest tru at korsbrørne dreiv ei slags vervekampanje, særleg retta mot personar som dei truleg visste hadde mykje jordegods. Er det nokon som kjenner til om det finst noko litteratur, event. forsking om dette temaet?

[Gjest Knut Hansen]

HeiJeg ser at flere av navnene som blir nevnt i innlegg 29 første avsnitt også er nevnt i DN b I s 56 nr 64 a, Dato: 1 August 1273. Sted: Bergen: ” Andrea Asloensi, Askatino Bergensi, et istis baronibus regni, Brunulfo, Rognaldo, Andrea Gregorii, Eliwo de Naustdal, Andrea Plut, Aslaco Gus, Bernone Erlingi, et Thoria cancellario regis, Siguatto, Haldano, Siguardo, Torfindo, Odoeno, canonicis Nidrosiensibus, ”MvhKnut

[Gjest Finn Oldervik]

Til innlegg 31, Knut.Ja, dette var jo blant dei fremste personane i landet på den tida. Dei to fyrste er biskopar (Torgils i Stavanger skulle vel og ha vore med), medan Tore (Håkonson) er kongens kanslar. Dei neste i rekkja; Brynjulf (Jonson), Ragnvald (Urka), Andres Gregoriusson (Stårheim), Eiliv frå Naustdal, Andres (Pålson) Plut (Plytt), Aslak Gus? og Bjarne Erlingsson er vel alle baronar og lendmenn. Resten er kannikar i Nidaros. Dei fleste av desse veit vi vel kvar hadde hovudsetet sitt eller kvar dei kom frå. Andres Plytt er ein av dei få vi ikkje kjenner sikkert heimstaden til. I følgje Noregs kongesoger (1979), så var Ragnvald Urka svigerfar til Andres Plytt, men kjelda til denne opplysninga er ikkje nemnd. Det er vel på grunn av alder og rang at Brynjulf og Ragnvald vert nemnd først.Er det elles nokon som kjenner nærare til heimstaden/hovudsætet til Ragnvald Urka?Har og grunna litt meir på tilnamnet til baron Andres Plytt. Vi har jo ein fugl som heiter fjøreplytt. Dette er vel den mest hardføre vadefuglen vi har. I alle fall er det den som overvintrar lengst nord frå dene artsgruppa. Han held til yttarst i fjøresteinane og plukkar ymse krepsdyr o.l. i bølgjeskvetten. Kan det vera denne fuglen som er er opphavet til kallenamnet Plytt?Til slutt; Er det nokon som veit kor mange baronar det var i Noreg i siste halvdel av 1200-talet, og event. kva dei heitte? Tittelen vart vel avskaffa i Magnus Håkonson si styringstid?

[Gjest John H. Aarønes]

Eg er på nybyrjarstadiet når det gjeld den tida som vert handsama her. Difor ramlar eg fort av lasset når det dukkar mange og for meg ukjende namn. For å bøte på det har eg prøvd å lage mitt eige private oppsett som eg har høve til å redigere og rette på etter kvart som eg lærer av dykk ekspertar.Ein får i grunnen mange tankar når ein les i dei gamle diploma, men eg skjønar at ein bør vere varsam med å lufte dei.Eg har kome til at det er fleire som heiter Gyrid/Gudrid Andresdatter, ho som ser ut til å vere på dødsleiet i Okavika 1303 og som får meg til å undre kva ho eigentleg åtte av jordeigedomar, og etter det eg kan sjå berre vert omtala i 1303. Var ho gift tru - ho måtte ha vore eit godt gifte? Om ho hadde barn i live i 1303, kunne dei ikkje ha vore griske etter jordeige.Den andre gift med ein riddar (Vidkunn Erlingsson i Oslo), og omtala fleire gonger - ja, og ho giftar seg til og med for å få slutt på ufred mellom ættar. Ikkje rart at ein vert glad i ei sånn fru.Ellers fann eg også Andres Plytt, baron og storkar, død ca. 1283 - strid om gravplassen hans vart det visstnok også. Men ingen Andres Pålson fann eg før i byrjinga av 1300 - talet.Skal tru kvar ein finn Andres Plytt utstyrt med Pålsen namnet?Men for å skjønne dette - måtte eg setje det opp på min måte. Er det andre som treng det inn med teskei, slik som eg finn du oppsettet her Lenke Og så ein takk til Finn som stod for inspirasjonen. Vonar du ikkje har noko mot at eg vrir og rotar med innlegga i debatten du oppretta. I så fall vil eg putte det tilbake på mi eiga private datamaskin.

[Gjest Karin Romstad]

Til 33Jeg blir så imponert, har selvfølgelig vært inne på lenken din.

[Gjest Finn Oldervik]

Til John, Innlegg 33.Har no vore inne på sida di, og slik som Karin er eg storleg imponert. Sjølv er eg lite flink til slike ting, helst fordi eg kan for lite om 'data'.Når det gjeld Andres Plytt sitt patryonomikon; Pålsson, så gjev eg opp kjelda til dette i innlegg nr. 29. Det er i Noregs kongesoger B 4 (1979) s. 361 at Andres er kalla Andres Pålsson Plytt. (Frå Gottskalksannal).At Gyrid i Okavik har born går tydeleg fram av gåvebrevet hennar, då det vert nemnd at sønene hennar skal ha attløysingsrett i nokre av gardane i 5 år.Elles har eg litt problem med å sjå kva den yngre Andres Pålson som du har med nokre diplom om på heimesida di, har å gjera med denne debatten. Men om du trur at det likevel er slik, så skal ikkje eg blanda meg opp i kva du vil leggja inn. Innlegga mine kan du naturlegvis bruka som du vil, berre eg ikkje vert feilsitert.Når det gjeld å vera ekspert, så trur eg ikkje at eg er meir ekspert enn deg. Den som skal ta del i desse debattane kan ikkje vera redd for å dumma seg ut. Så får ein heller finna seg i å verta sett på plass når ein 'går i baret'. At det sit folk med kunnskap som følgjer med synest eg er greitt, så lenge dei ikkje byrjar opptre som ein slags 'idoldommar'. Nokre gongar saknar eg litt meir konstruktive innlegg frå desse personane, men dei har vel anna å gjera enn å rettleia oss amatørar. Det var kveldens hjartesukk.Mvh Finn

[Gjest John H. Aarønes]

Nei - eg trur ikkje den yngre Andres Pålsen har noko med dette å gjere - men eg trong å setje det opp slik for å finne ut at det ikkje dreide seg om same person. Som eg skreiv - eg veit lite om denne perioden.Sidan ho hadde sønner (nokon må som nemnt ha det inn med teskeier) - var ho nok godt gift. Skal tru kven som satt med dei gardane Gyrid ga frå seg i 1308?Kva er Gottskalksannal?

[Gjest Knut Hansen]

Hei.Her går det radig unna :-DFinn, jeg er nok noe sparsom med ordlegging i noen innlegg, sorry.Det jeg tenkte på med kopieringen av navnene (i DN b I s 56 nr 64 a) var at det for meg ser ut til å være en geografisk orientering fra sør til nord på de personene jeg mener å kunne plassere geografisk.Andres Gregoriusson Nordfjord, Eiliv Naustdal Nordfjord, Bjarne Erlingsson Giske?Om det er rett tankegang, så burde Andres Plut (Plytt) og Aslak Gus (Gås?) være plassert geografisk mellom Nordfjord og Giske..MvhKnut

[Gjest Bjørn Jonson Dale]

Heilt ferskt Plytt-nytt fra poeten Helge Torvund:Lenke

[Gjest Leiv Magne Apelseth]

Finn & John . Eg trur framleis vi skal vera varsame med å skrive både Peter Andresson og Andres Pålsson Plytt til Edøy. Eg finn ingenting pr. dd som kan knyte Andres Pålsson Plytt til Nordmøre i det heile! Patronimet til Plytt har eg funne i Professor Knut Helle sitt verk, Bergen bys historie band 1, med kjeldereferanse til Arna saga Biskups (Hauksson, Reykjavik 1972), som eg og skreiv i eit tidlegare innlegg i denne tråden. Er det heilt vist at det står i Noregs kongesoger at Andres P. Plytt var gift med Ragnvald Urka si dotter? Eg har, for å få sagt det, ikkje sett i akkurat det verket det blir referert til ! Om Peter Andresson er den same som Peter til “Edøy”, vil det ikkje då oppstå eit problem i og med at Isabell ikkje blir nemnd i arveoppgjeret til Peter og Kristin sine døttre (f.eks. med tanke på farsarven) ?Knut Hansen (37). Stormennene vart som oftast rangert i forhold til stilling/posisjon/vyrdnad/alder i slike dokument.Bjørn (38) Hahaha, ei god historie det der Bjørn, men eg held no framleis fast på at plytt kanskje helst tyder liten/saktmodig/forsiktig osv..

[Gjest Finn Oldervik]

Først til John i innlegg 36.Eg er litt usikker på kva du meinar med første spørsmålet ditt; 'Skal tru kven som sat med gardane som Gyrid Andresdtr. gav frå seg i 1303?'Du meinar kanskje å spørja om kven som vart sitjande med det godset som Gyrid ikkje gav frå seg i 1303. Om dette er spørsmålet ditt, så har eg tenkt å koma attende til det.Til andre spørsmålet ditt om kva 'Gottskalkannall' var, vil eg svara følgjande; Sturla Tordarson skreiv i samtida soga om Magnus Lagabøte, men mesteparten er diverre bortkome av originalskriftet. Heldigvis er mykje av soga teke vare på likevel fordi mange islendingar har nytta ho i seinare skrifter enda med ho var til. Ein av desse var skriven av presten Gottskalk Jonson på 1500-talet, men som for tida til og med 1394 er avskrift etter ein bortkomen annal frå slutten av 1300-talet. For åra 1275 og 1276 finn ein her større smanhengande stykke, som må ha grunnlag i Magnus-soga. (Opplysningane er henta frå Hallvard Magerøy sitt føreord til Soga om Magnus Lagabøte i fjerde bandet av Noregs kongesoger (1979)). Som ein ser, så er det ikkje originalskriftet til Sturla Tordarson ein har opplysningane om patryonomikonet til Andres Plytt. Dette medfører naturlegvis også at feil kunne ha oppstått undervegs. Men så lenge vi ikkje veit noko anna, så bør vi vel kunne kalla Andres for Andres Pålsson Plytt.Til spørsmålet som Knut Hansen kjem med i innlegg 37. Her er eg heilt samd med svaret som Leiv Magne gjev.Til Bjørn i innlegg 38.Ei god historie (Særleg han som reiste seg opp inne i skapet ser eg levande for meg), men om det gjev forklaringa på tilnamnet til Andres Plytt er vel tvilsamt. Derimot kan det kanskje gje forklaringa på fuglenamnet, fjøreplytt. Sistelekken kan vel ha med lyden fuglen lagar å gjera. Kanskje Andres var ekspert i å herma etter fjøreplytt/avosett??(Ha-ha).Til Leiv i innlegg 39.Eg er samd i det meste du skriv i innlegget ditt. Det er ikkje noko, isolert sett som knyter Andres til Nordmøre. Etter det eg kan sjå, så er det heller ikkje noko som knyter han til nokon annan landsdel. Det einaste måtte då vera Bergen der han vart gravlagd. Likevel kunne han ha hatt ein gard ein eller annan staden som hovudsete, sjølv om han ikkje oppheld seg der særleg mykje. Det kan heller ikkje vera særleg tvil om at Andres hadde mykje gods, også jordegods etter seg. Dei to kongane han tente har sikkert løna han rikeleg for tenestene han utførte for dei. Så kan ein då stilla spørmålet kvar det vart av dette godset.Elles kan eg utan atterhald fasthalda at det i Noregs kongesoger i ein margnote er opplyst at Andres var gift med dotter til Ragnvald Urka (B 4 s. 317).Elles til spørsmålet ditt om det ikkje vert eit problem at Isabella ikkje er nemnd i diploma som omhandlar døtrene til Peter i Edøy. Ein må her ha klårt for seg at desse breva ikkje er nokre skiftebrev, men omhandlar eit arveforlik, først og fremst mellom Margrethe som gifta seg utan slekta sitt samtykke og søstra Åsa, som enda var ugift. Dei to eventuelt eldste (?) søstrene, Isabella og Ingebjørg hadde vel fått arven sin som heimanfylgje. Også Ingebjørg er berre nemnd i ei bisetning, medan Isabelle alt kan vera daud på dette tidspunktet. Elles har eg tenkt å koma attende til dette spørsmålet.Til så lenge får vi vera samde om at vi ikkje veit sikkert kvar Andres budde, men at han truleg etterlet seg mykje rikdom og jordegods. Dette kan vera det godset som Peter i Edøy, Gyrid Andresdtr. i Okavik og kanskje Gjertrud, mormor til dei to brørne i Aspa fekk hand om.

[Gjest John H. Aarønes]

Det skal stå noko om Ragnvald Urka i NST nr. 31 s, 272, 276. Eg har diverre ikkje akkurat det heftet - så eg veit ikkje kva som står der.Om Andres Plytt med rette kan kallast Pålsen, veit eg ikkje. Det var difor eg sjekka i diploma utlagt av dokumentasjonsprosjektet Andres Pålsen, eit namn eg ikkje fann før først på 1300-talet, altså lenge etter Andres Plytt var død. Undringa mi galdt då om det har skjedd ei samanblanding av desse to personane. Men om så er tilfelle veit eg ikkje noko om.Eg har heller ikkje støtt på noko som tilseier at Andres Plytt var Nordmøring.Når det gjeld Peter Andresson og Peter til Edøy har eg trudd at det var to personar. Det har rett og slett ikkje slått meg at det kunne vere same person før Finn nemner det her.At Isabella ikkje vert nemnd saman med dei 3 døtrene til Peter i Edøy var også ei årsak til dette. Men det kan kanskje vere ei forklaring om Isabella var død utan arvingar tidlegare??Eg har for ei tid tilbake funne noko stoff om desse personane som kan finnast her.[url="http://home.online.no/~aaroenes/moldefolk/personer/a/andreasson_peter_baron.htm>Lenke

[Gjest Leiv Magne Apelseth]

Er det noko som tilseier at gardane som Gyrid Andressdatter overlet til Nidaros-kannikane i 1303, og gardane Peter Andresson overlet dattra Isabell i 1314 kan kome fra eit felles jordegods? Mine geografikunnskapar m.t.p. Nordmøre er brgrensa, men eg vil tru at om ein hadde eit ok kart over Nordmøre og prikkmerka med ulik farge der dei ulike gardane finnast, so vi ein vel kunne få eit vist overblikk. Kanskje markere inn Aspagardane også.

[Gjest John H. Aarønes]

Her vel noko av det Mardal byggjar sine tankar på når det gjeld Arne Eindridesson (innlegg 1 pkt. B)[url="http://www.dokpro.uio.no/perl/middelalder/regest_vise_tekst.prl?b=2788&s=n&str=>Lenke

[Gjest Finn Oldervik]

Har no lese artikkelen i NST 31 som John viser til innlegg 41. Den er skriven av Anders Stølen og heiter; 'Frå jarleætta på Sunnmøre til Blindheim-ætta og Smør-ætta'. Her prøvar Stølen å knyta saman Smør-ætta med Blindheim-ætta på Sunnmøre. I samband med dette vert Ragnvald Urka sett opp som ein muleg soneson til ein Ragnvald Jonson (d. 1184) av Blinheimætta. Denne Ragnvald var dotterson til Harald Gille i følgje Stølen. Som son til Ragnvald Urka vert sett opp riddar og riksråd Jon Hallvardson (1240-1328). Oppsettet el. slektstavlene vert kalla hypotesar av forfattaren. Artikkelen er teke inn i NST under Mardal si redaktørtid. Stølen knyter vidare Ragnvald Urka til garden Urke i Hjørundfjorden. Rygh derimot ser på ein slik teori 'som meget tvivlsom'. I tillegg er det vel ein gard i Borgund som heiter Urkedal. Norsk stadnamnleksikon hevdar at Urka truleg er eit elvenamn som heng saman med verbet orka og siktar til sterk straum, som m.a. har vorte til Orkla.I ein artikkel av Arne Kviterud i NST XXXV s. 124 ff. (1995): 'Personar og ætter i Luster -- refleksjonar kring lilje- og kronemotivet på skjolda i Dalekyrkja', finn ein litt om opphavet til denne vaklinga mellom patryonomikona Pålson og Peterson for Andres Plytt. I 1281 vart kong Eirik Magnusson gift med Margrete, dotter til skottekongen Aleksander III. I samband med dette måtte tre riddarar vera att i Skottland til Eirik var 14 år. Desse tre riddarane var; Bjarne Erlingsson, Andres Petersson og Audun av Slinde (DN XIX nr. 305). Kviterud utrykkjer seg slik: 'Det har vore gissa på at Andres Peterson og Andres Plytt var same mann, men det vert helst spekulasjon'. Han oppgjev ikkje kven som har gissa på at det er same mann.Så langt Kviterud. Eg trur ikkje vi heilt skal sjå bort frå at Herr Andres Petersson er identisk med Herr Andres (Pålson?) Plytt. Det ser i det minste ut til at Andres Plytt og Bjarne Erlingsson har stått kvarandre nær også i siste leveåret til Andres Plytt. Som eg nemner i innlegg 40, så kan feil ha oppstått i soga om Magnus Lagabøte når det dreier seg om avskrifter av avskrifter av originaldokumentet. Kviterud trur elles at den Andres Peterson som er nemnd i 1281 kan vera same mannen som ein Herr Andres som vert knytt til Fet i Luster (NST XXXV s. 130 ff.)Elles har eg stor sans for ideen til Leiv i innlegg 42. Eg skal sjå om eg får tid til å gjera eit forsøk med det første. Truleg kunne dette ha vore ei oppgåve for John, men han er vel kanskje usikker på kvar gardane ligg?Eg skulle vel ha kome med vidare utgreiingar om Peter i Edøy og døtrene hans også, men det får vera til seinare. Eg tykkjer at vi må gjera oss mest muleg ferdig med Andrs Plytt først. Det er kanskje ikkje så mykje meir å føya til?

[Gjest John H. Aarønes]

Ja, du har rett i det Finn! Eg er usikker på kvar dei ulike gardane ligg, og også kva namn dei har i dag.

[Gjest Leiv Magne Apelseth]

Finn. Eg trur ein debatt kring Peter i Edøy bør foregå i ein eigen tråd (kan fort bli ein lang tråd). Dessutan blir det lettare å finna attende til debatten seinare..

[Gjest Finn Oldervik]

Skal prøva å leggja inn ein tabell over det jordegodset som kanskje kjem frå Andres Plytt og som vi tenkjer oss vert arva av dei tre borna; Peter, Gjertrud og Gyrid. Peter hadde minst ei dotter, Isabella g.m. Sigurd Jatgeirson Lande, medan Gjertrud hadde ei dotter som var gift med Gudbrand (Bonde?). Det siste ekteparet hadde to søner som arva Aspa m.m. Desse to sønene var Arne i Aspa og Sigurd i Stangvik. Sigurd hadde ei dotter som heitte Gunnhild. Ho kjøpte seg provent hos korsbrørne i Nidaros i 1342.Eg veit ikkje om det lukkast å leggja inn denne tabellen og om han vert lesbar, men eg får prøva.

[Gjest Finn Oldervik]

Fleire opplysningar om dei tre mulege søskena, Peter Andresson, Gyrid Andresdtr og Gjertrud Andresdtr. finn ein i innlegg nr. 1. Den Gyrid eg omtalar som dotter til Andres Plytt gjev altså bort mykje gods til domkapitlet i Nidaros. Dette er markert med grønt. Det som er markert med grått er det som Gyrid hadde att etter at ho hadde kjøpt seg provent. Etter at Gyrid hadde gjeve bort 2 spann i Gaupset, hadde ho også 2 sp. att i same garden. Truleg er det desse to spanna kanniken, Arne Eindrideson gjev til domkapitlet i 1309. Det kan sjå ut til at Arne lever lenge etter dette. Truleg er det han som er nemnd i eit par brev datert Avignon 18.10.1346. Brevet omhandlar m.a. søner til prestar og uektefødde. Arne vert nemnd som son til ein prest, men ikkje uektefødd. Erkebiskop Arne bed i tillegg om at Arne Eindrideson får den stillinga han sjølv hadde før han vart biskop. At Arne Eindrideson eig gods etter Gyrid gjev oss grunn til å tru at han er son hennar. Mannen til Gyrid måtte da ha heitt Eindride. Magnus Mardal gissar på at far til Arne og mannen til Gyrid er kanniken Eindride Arneson som i 1286 vart vald til erkebiskop, men avslo tilbodet. I og med at Arne Eindrideson ser ut til å vera son til ein geistleg, så trur eg Mardal har rett i denne gissinga. I samband med testamentet til Gyrid vert det opplyst at ho har søner, altså fleire enn ein. Vi har truleg identifisert den eine, kanniken Arne Eindrideson som ser ut til å vera oppkalla etter farfar sin. Vi kunne kanskje vera så heldig å finna ein som var oppkalla etter morfar sin og. Han måtte da i så fall heitte Sigurd Eindrideson. Og faktisk er ein kar i høveleg alder nemnd i DN (DN XXI nr. 70, NR b 5 s. 224) Dette brevet er dat. Nidaros 27. mars 1343 og omhandlar ein gardhandel. Kjøparen heitte Arne bonde suli, medan seljaren vart kalla Sigur Eindrideson på Silset. Det står ikkje særskilt kva for Silsetgard det gjeld, men truleg er det Silset i Batnfjorden. Denne garden er nabogard til Gaupset som Gunnhild Sigurdsdtr. (mor til Sigurd?) og Arne Eindrideson (bror hans?) gav bort til korsbrørne i Nidaros. Arne bonde suli trur eg kan vera identisk med Arne Gudbrandson i Aspa (Arne Saud). Det er ikkje utenkeleg at Sigurd Eindrideson er identisk med ein Sigurd Eindrideson ”Fyrd” som er ombudsmann m.a. for kongen sin ombudsmann (Nikolas Peterson) i Jämtland. Sume stadar vert han kall Sigurd Hermundson, men truleg er dette ei feilskriving/lesing?. Sigurd vert omtala i debatten om Erlend Serkson.

[Gjest John H. Aarønes]

Her er lenka til debatten om Erlend Serkson LenkeDragset - er der same garden som Drifasætre i Boarfirdi?

[Gjest Finn Oldervik]

Til John i 49.Takk for lenka. Ja, Drifasætre må vera identisk med Dragset. Dette stemmer og med at noko av garden tilhøyrde Kapitlet i Trondheim i 1647. Noko av garden var privateigd då, og brukarane åtte sjølv dette godset. Så vidt eg hugsar så høyrde garden til den såkalla Bergeætta på Nordmøre. Denne ætta har truleg sitt utspring i Teisteætta i Romsdal, noko som igjen indikerer at den 'Olav min', som kanskje helst er mannen til Gunnhild Sigurdsdtr. tilhøyrer Teisteætta.