Søk i nettsamfunnet

Dette er ei utfordring som eg har kjempa med i mange år og som no skal vera ein del av siste bandet i bygdebokserien for Luster. Greier nokon å løysa denne floka? Anna Nilsdotter Urnæs, var fødd på husmannsplassen Hagen under Urnes i Hafslo 6.10.1883. Her er «gjen»utvandringi hennar frå 1914: https://www.digitalarkivet.no/view/8/pe00000000736939 Ho gifte seg i Thief River Falls, MN 16.11.1919 med Bernhard Hansson Helgerud frå Land (1888-1932), som utvandra til Amerika i 1909. Her er dei i: * FT1920 i Divide Co., ND (båe med utvandringsår 1910): https://www.familysearch.org/ark:/61903/3:1:33S7-9RFH-3JM * FT1930 i Divide Co., ND (han med utvandringsår 1910, ho med utvandringsår 1907): https://www.familysearch.org/ark:/61903/3:1:33SQ-GRCN-3K Eg føler eg har leitt både høgt og lågt, men eg finn ikkje denne utvandringi. Det var ei Anna Nilsdotter Næsset som utvandra frå Hafslo i 1906, men det var ei onnor jente! Eg takkar so mykje på førehand for alle gode tips!

Dette er ei utfordring som eg har hatt liggjande i mange år som kort vart nemnd i dette emnet: https://forum.arkivverket.no/topic/202497-samuel-larsson-fødd-i-noreg-kring-1834-til-wisconsin-før-1858-kven-kan-han-ha-vore-to-vigsler-ei-skikkeleg-utfordring/?tab=comments#comment-1716251 men som aldri vart særskilt drøfta. Kanskje det let seg gjera finna ut av dette? Johannes Olson, alias John OLSON eller John URNESS, son av husmann Ole Johannesson Kinserdal (Urnes) og kona Martha Nilsdotter f. Kvalen var fødd i Hafslo 30.6.1831 og utvandra til Amerika i 1867 Han gifte seg mellom 1867 og 1869 med enkja: Ingeborg Andersdotter f. Lingjerde, alias Ingeborg eller Isabel LEWIS, dotter av Anders Einerson Lingjerde og kona Britha Eriksdotter og fødd i Luster 21.11.1837 og utvandra til Amerika i 1851 Eg har ei kjensle av at eg har leitt etter denne vigsli «høgt og lågt» i årevis, men heilt utan resultat! No vonar eg kanskje nokon kan hjelpa meg med denne leitingi? Eldste barnet deira var sonen Erik Martinus «Martin Olson» som var fødd i Vernon Co., WI 3.3.1869 og døypt same stad 24.10.1869, uvanleg lang tid etter fødsli... Kvar og kva tid stod dette bryllaupet? Eg takkar so mykje på førehand for alle gode tips!

Eg er på leiting etter ei vigsle som skal ha finne stad i Minnesota kring 1893, men so langt utan hell. Reiste dei kanskje «out of state», kan henda til SD(?), for å ordna med denne vigsli? Ernest Charles CHRISTIAN fødd 18.11.1867 i Goodhue Co., MN - men oppvaksen i Lyon Co., MN Anna Marie URNESS fødd 12.6.1869 i Fillmore Co., MN - men oppvaksi i Pope Co., MN Parfolket budde først i Cottonwood, Lyon Co., MN, men flytte sidan til Brainerd, Crow Wing Co., MN. Dei fekk fem born i lag. Men det store spørsmålet gjeld altso ekteskapet deira! Eg takkar so mykje på førehand for alle gode tips!

Eg slit veldig med å finna dei manglande detaljane i Amerika om huslyden til Peter H. Urness med røter frå Urnes i Hafslo og vonar at nokon kan hjelpa meg ved hjelp av t.d. avisoppslag. Eg syner til manuskriptet mitt: ~~~~~~~~~~~~~~ Peder Henrik, kjend som Peter H. Urness, f. i Goodhue Co., Minn. 27.12.1867, d. i Mondovi, Wis. 18.8.1939. Han gifte seg første gongen ¤¤¤¤¤ (place of his 1st marriage?) 6.12.1898 med Rose Anna Fitzgerald, f. i Buffalo Co., Wis. 21.10.1875. Ho d. i Eau Claire, Wis. 21.12.1914. Peter gifte seg so 14.11.1916 att i Eau Claire, Wis. med enkja Cleo Alice f. Lockwood, f. i Buffalo Co., Wis. 17.4.1878. Ho d. i Mondovi, Wis. 19.11.1946. Cleo gifte seg første gongen i Mondovi, Wis. 17.1.1900 med Charles Ulrich, f. i Buffalo Co., Wis. 6.9.1875. Charles var telefoninspektør («telephone company superintendant»), og han og Cleo budde i Mondovi, Buffalo Co., Wis., men Charles miste livet i ei bilulukke nær Alma, Wis. 27.4.1915. Som enkje etter Peter gifte Cleo seg so tredje gongen ¤¤¤¤¤ (date and place of her 3rd marriage – 1940/1942) med enkjemannen Claude Clayton O’Dell, f. Buffalo Co., Wis.5.3.1878. Han var meieriarbeidar («creamery worker») ulike stadar i Wisconsin, mellom anna i Rose, Waushara Co., i Ripon, Fond du Lac Co. Wis., i Marshfield, Wood Co., Wis. og i Madison, Dane Co., Wis. Han budde som pensjonist med Cleo i Mondovi, Buffalo Co., Wis., men d. i Marshfield, Wis. 4.1.1952. Peter Urness var sakførar («attorney») og budde for det meste i Mondovi, Buffalo Co., Wis. Han fekk fire born, som alle var frå første ekteskapet. Andre kona Cleo fekk ikkje born i nokon av ekteskapi sine. ~~~~~~~~~~~~~~ Eg takkar so mykje på førehand for alle gode tips!